Eclesiastes 3:1 - Chol: I T’an Dios

^1-8 Ti pejtelel chuqui mi lac mel añʌch i yorajlel: An i yorajlel mi laj q'uel pañimil. An i yorajlel mi lac chʌmel. An i yorajlel mi lac cha'len pac'. An i yorajlel mi lac tuc'ben i wut. An i yorajlel mi lac tsʌnsan. An i yorajlel mi lac lajmesan. An i yorajlel mi lac jisan. An i yorajlel mi lac cha' mel. An i yorajlel mi lac cha'len uq'uel. An i yorajlel mi lac cha'len tse'ñal. An i yorajlel mi lac mel lac pusic'al. An i yorajlel mi lac cha'len son. An i yorajlel mi lac puc xajlel. An i yorajlel mi lac much'quin xajlel. An i yorajlel mi lac mec'. An i yorajlel mi lac tic'. An i yorajlel mi lac taj. An i yorajlel mi lac sʌt. An i yorajlel mi lac lot. An i yorajlel mi lac choc. An i yorajlel mi lac tsil. An i yorajlel mi lac lʌw. An i yorajlel mi lac ñʌjch'el. An i yorajlel mi lac cha'len t'an. An i yorajlel mi laj c'uxbin. An i yorajlel mi lac ts'a'len. An i yorajlel mi lac cha'len guerra. An i yorajlel mi la cajñel ti ñʌch'ʌl.

Chol de Tumbalá Bible

^1-8 Ti pejtelel chuqui mi lac mel añʌch i yorajlel: An i yorajlel mi laj q'uel pañimil. An i yorajlel mi lac chʌmel. An i yorajlel mi lac cha'len pac'. An i yorajlel mi lac tuc'ben i wut. An i yorajlel mi lac tsʌnsan. An i yorajlel mi lac lajmesan. An i yorajlel mi lac jisan. An i yorajlel mi lac cha' mel. An i yorajlel mi lac cha'len uq'uel. An i yorajlel mi lac cha'len tse'ñal. An i yorajlel mi lac mel lac pusic'al. An i yorajlel mi lac cha'len son. An i yorajlel mi lac puc xajlel. An i yorajlel mi lac much'quin xajlel. An i yorajlel mi lac mec'. An i yorajlel mi lac tic'. An i yorajlel mi lac taj. An i yorajlel mi lac sʌt. An i yorajlel mi lac lot. An i yorajlel mi lac choc. An i yorajlel mi lac tsil. An i yorajlel mi lac lʌw. An i yorajlel mi lac ñʌjch'el. An i yorajlel mi lac cha'len t'an. An i yorajlel mi laj c'uxbin. An i yorajlel mi lac ts'a'len. An i yorajlel mi lac cha'len guerra. An i yorajlel mi la cajñel ti ñʌch'ʌl.

Eclesiastes 3:1 Iomraidhean Croise

2 Reyob 5:26

Eliseo tsi' sube: ¿Mach ba tsa'ic j q'ueleyet tic ch'ujlel che' bʌ tsajniyet ba'an Naamán, che' bʌ tsa' jubi ti' carreta cha'an mi' pejcañet? Mach i yorajlelic wʌle cha'an mi' ch'ʌjmel plata, yic'ot bujcʌl, yic'ot aceite, yic'ot ts'usub, yic'ot tiñʌme', yic'ot wacax, yic'ot mozojob.

2 Cronicas 33:12

Che' cabʌl i wocol Manasés, tsi' wen peq'uesa i bʌ ti' tojlel lac Yum, i Dios i ñojte'elob.

Proverbios 15:23

Jini mu' bʌ i wen pejcan i pi'ʌlob mi caj i taj i tijicñʌyel i pusic'al. Jini yujil bʌ wen bʌ t'an an cabʌl i c'ʌjñibal ti coltaya.

Proverbios 24:27

Ñaxan taja a we'tel baqui jach ma' taj. C'ajtin a lum. Ti wi'il wa'chocon a wotot.

Eclesiastes 1:13

Tsa cʌc'ʌ tic pusic'al cha'an mic ch'ʌmben isujm yic'ot cha'an mic ñop pejtel cʌmbil bʌ ti pañimil. Wen wocol la que'tel mu' bʌ i yʌq'ueñonla lac mel Dios. Cabʌl mi lac mel lac pusic'al cha'an ili wocol.

Eclesiastes 2:17

Tsa' caji c mel c pusic'al. Lon cuxulon, cho'on. La' chʌmicon. Come ¿chuqui i ye'tel pejtel chuqui mi lac mel ti yebal panchan? To'ol ic' jach woli la cʌsin.

Eclesiastes 2:3

Pejtel chuqui tsi' ña'ta c pusic'al jiñʌch tsa' bʌ c taja. Tsac japʌ vino cha'an mij cʌmben i p'ʌtʌlel tic bʌc'tal. Tsac ñopo alas cha'an mic ña'tan mi che'ʌch yom melol ti yebal panchan che' cuxulon to la.

Eclesiastes 3:17

Tsac ña'ta, Dios mi caj i mel jini xjontolilob yic'ot jini tojo' bʌ che' i yorajlelix. Come pejtel chuqui yom melol yic'ot pejtel e'tel añʌch i yorajlel.

Eclesiastes 7:14

Che' mi' tilel tijicña bʌ, la' ñuc'ac a pusic'al, pero che' mi' tilel wocol, ña'tan laj aq'uebilonla ti Dios ti chajp ti chajp cha'an mi' cʌntesañonla. Ma'anic majqui yujil chuqui mi caj i tilel ti lac tojlel mi juntiquilic.

Jeremias 46:17

Pejcanla jini Faraón Hofra rey bʌ ti Egipto, come che' jach mi' tech leto. Mach mʌjlic i cha'an, come mi to'ol ñusan q'uin che' i yorajlelix mi' chajpan i bʌ.

Mateo 16:3

Ti sʌc'ajel mi la' wʌl: “Talix ja'al come chʌchʌquix i yebal panchan. Wolix i mʌjquel”, che'etla. ¡Cha'p'ejl jax la' pusic'al! Mi la' ña'tʌben i sujmlel chuqui tac mi la' q'uel ti panchan. ¡Pero mach la' wujilic chuqui woli' yujtel wʌle!