Eclesiastes 2:8 - Chol: I T’an Dios

⁸ Tsac tempa plata yic'ot oro yic'ot chubʌ'añʌl c'uxbibil bʌ i cha'an yumʌlob. Tsa' ch'ʌjmi tilel ti ñajtʌl. Tsac pʌyʌ tilel xc'ayob, winicob yic'ot x'ixicob. Tsac pʌyʌ ti cotot i t'ojol jax bʌ x'ixicob che' bajche' jaytiquil com.

Chol de Tumbalá Bible

⁸ Tsac tempa plata yic'ot oro yic'ot chubʌ'añʌl c'uxbibil bʌ i cha'an yumʌlob. Tsa' ch'ʌjmi tilel ti ñajtʌl. Tsac pʌyʌ tilel xc'ayob, winicob yic'ot x'ixicob. Tsac pʌyʌ ti cotot i t'ojol jax bʌ x'ixicob che' bajche' jaytiquil com.

Eclesiastes 2:8 Iomraidhean Croise

2 Samuel 19:35

Come anix chʌnc'al c jabilel. Mach mejlix j cʌn chuqui tac uts'at yic'ot jini mach bʌ uts'atic. Mach mejlic cubin i sumuclel chuqui mij c'ux, yic'ot chuqui mic jap. Mach mejlix cubiben i c'ay jini xc'ayob. ¿Chucoch mic to'o aq'uen i ye'tel c rey?

1 Reyob 10:10

Tsi' yʌq'ue i majtan jini rey Salomón, cha'c'al millón peso ti oro, yic'ot cabʌl xojocña bʌ perfume, yic'ot wen i t'ojol tac bʌ xajlel. Ma'anic ba' ora tsa' c'oti cabʌl xojocña bʌ perfume ba'an Salomón che' bajche' tsi' ch'ʌmʌ tilel jini x'ixic bʌ yumʌl ch'oyol bʌ ti Sabá.

1 Reyob 10:14

Ti jujump'ejl jab Salomón tsa' aq'uenti oro am bʌ i tojol che' bajche' lujunc'al yic'ot lujump'ejl i yuxc'al (250) millón ti peso.

1 Reyob 10:21

Pejtelel i vaso Salomón puro oro. Pejtel latu tac am bʌ ti tsalʌl i c'aba' Líbano melbil tac ti puro oro. Ma'anic tsi' c'ʌñʌyob plata come mach letsemic i tojol.

1 Reyob 11:3

An jo'lujunc'al i cha'bajc' (700) i yijñam Salomón ti pejtelelob. Che' ja'el an jo'lujunc'al (300) i majan ijñam. I yijñamob Salomón tsa' caji i socbeñob i pusic'al cha'an mi' cʌy lac Yum.

1 Reyob 14:27

Roboam tsi' mele yambʌ mʌctʌjibʌl ti bronce cha'an i q'uexol. Tsi' yʌq'ueyob i yumob xcʌntayajob mu' bʌ i cʌntañob i ti' i yotot rey.

1 Reyob 9:14

Pejtel jini oro tsa' bʌ i yʌq'ue Salomón an i tojol che' bajche' cha'c'al millón ti peso.

1 Cronicas 25:1

David yic'ot jini año' bʌ i ye'tel ti Tabernáculo tsi' wa'chocoyob winicob cha'an mi' cha'leñob subt'an che' woli ti ñijcʌntel jini arpa, yic'ot címbalo tac yic'ot salterio. I cha'añob Asaf, yic'ot Hemán, yic'ot Jedutún ili winicob. Jiñobʌch i c'aba' tac yic'ot i ye'tel:

1 Cronicas 25:6

Tsi' ñijcayob címbalo, yic'ot salterio, yic'ot arpa tac. Jini Asaf tsi' teche música che' woli' ñijcañob música tac ti Tabernáculo. Asaf, yic'ot Jedutún, yic'ot Hemán temel tsa' ajniyob ti' wenta jini rey David. Ili uxtiquil yic'ot i pi'ʌlob wen yujilob c'ay ti' tojlel lac Yum. Añob chʌnlujunc'al yic'ot waxʌcp'ejl (288) ti pejtelel. Laj yujilob música.

2 Cronicas 9:11

Jini rey tsi' c'ʌñʌ jini te' cha'an mi' mel quejpʌctic bʌ t'uchlibʌl cha'an mi lac letsel, yic'ot cha'an mi lac jubel ti Templo, yic'ot ti' yochib i yotot rey. Tsi' c'ʌñʌ jini te' ja'el cha'an i melol arpa yic'ot salterio mu' bʌ i ñijcañob jini xc'ayob. Ti pejtelel i lumal Judá ma'anic i t'ojol jax bʌ música tac lajal bajche' jini.

Eclesiastes 1:2

Mi cʌl lolom jach pejtel chuqui an. Ma'anic i c'ʌjñibal.

Daniel 3:15

Ma'anic chuqui mi caj c tumbeñetla wʌle mi chajpʌbiletixla cha'an mi la' ñoctʌl. Che' mi' cha' jajts'el jini música tac, yom mi la' ch'ujutesan i yejtal winic tsa' bʌ c wa'choco. Pero mi ma'anic mi la' ch'ujutesan, mi caj la' chojquel ochel ti' yajñib c'ajc woli bʌ ti lejmel. Che' jini, ¿majqui jini dios mu' bʌ mejlel i coltañetla? che'en Nabucodonosor.

Daniel 3:5

Che' mi la' wubin i t'an jini trompeta, jini flauta, jini citara, jini arpa, jini salterio, jini zampoña, yic'ot yan tac bʌ música, ti jim bʌ ora yom mi la' ñoctʌl ti pejteletla cha'an mi la' ch'ujutesan i yejtal winic melbil bʌ ti oro wa'chocobil bʌ cha'an jini rey Nabucodonosor.

Daniel 3:7

Che' tsa'ʌch subentiyob winicob loq'uemo' bʌ ti pejtelel lum yujilo' bʌ t'an ti chajp ti chajp, tsa' caji ti jajts'el jini música tac ti chajp ti chajp. Tsi' laj ñocchocoyob i bʌ cha'an mi' ch'ujutesañob jini wa'chocobil bʌ i yejtal winic.

Amos 6:5

Mi la' lon ña'tan la' mel música tac che' bajche' David. Mi la' cha'len c'ay mach bʌ anic i sujmlel che' mi la' ñijcan arpa.