Eclesiastes 2:6 - Chol: I T’an Dios

⁶ Tsac ts'ajquibe i yajñib ja'. Tsac melbe i bijlel cha'an mi' mujl te'.

Chol de Tumbalá Bible

⁶ Tsac ts'ajquibe i yajñib ja'. Tsac melbe i bijlel cha'an mi' mujl te'.

Eclesiastes 2:6 Iomraidhean Croise

Nehemias 2:14

Tsa' ñumiyon majlel ba'an yambʌ i ti' i c'aba' Cuxul bʌ Ja'. Tsa' ñumiyon ba'an i tanquejlel i ñuxijib rey ba' ma'anic tsa' mejli ti ñumel j c'ʌchlib.

Nehemias 2:8

Aq'ueñon jun ja'el cha'an mic pʌsben Asaf mu' bʌ i cʌntʌben i te'el rey, cha'an mi' yʌq'ueñon te'. Che' jini mux c p'el lojon te' cha'an i ti' tac Templo yic'ot cha'an jini colem bʌ tranca tac ja'el ya' ti' ti' wa'al bʌ ts'ajc am bʌ ti' joytilel tejclum yic'ot i ti' cotot ba' mi caj c chumtʌl, cho'on tsac sube. Jini rey tsi' yʌq'ueyon chuqui tsaj c'ajtibe. Che'ʌch tsi' pʌsbeyon Dios i yutslel i pusic'al.

Nehemias 3:15

Salum (i yalobil Colhoze), ñuc bʌ yumʌl ti Mizpa, tsi' cha' melbe i ti' ts'ajc i c'aba' Cuxul bʌ Ja'. Tsi' melbe i jol. Tsi' wa'chocobe i trancajlel. Tsi' yotsʌbe i ñejt'il yic'ot i c'ʌtlon te'el. Tsi' melbe i ts'ajquil jini pa' i c'aba' Siloé ba'an i pʌc'ʌb jini rey c'ʌlʌl ba'an tec'oñib ba' mi lac jubel loq'uel ti' tejclum David.

Nehemias 3:16

Nehemías (i yalobil Azbuc), ñuc bʌ yumʌl am bʌ ti' wenta lamital Betsur, tsi' cha' mele ts'ajc ti' t'ejl Salum c'ʌlʌl ti' tojel mucoñibʌl i cha'an David, c'ʌlʌl ti melbil bʌ i yajñib ja' c'ʌlʌl ti' yotot winicob cʌmbilo' bʌ cha'an ñuc tac bʌ i melbal.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Cantares 7:4

Chan a bic' che' bajche' i t'ojol jax bʌ q'ueloñib melbil bʌ ti marfil. Lajal a wut che' bajche' sʌc ja' ti Hesbón, am bʌ ti' ti' jini tejclum Batrabim. Che'ʌch a ni' bajche' Líbano am bʌ ti' tojel Damasco.

Jeremias 17:8

Lajalʌch bajche' te' pʌc'bil bʌ ti' ti' ja', chucbil bʌ i wi' ti lum. Ma'anic mi' bʌc'ñan ticwal, come mach tiquic i yopol. Che' tal wocol, che' ma'anic ja'al, ma'anic mi' mel i pusic'al, come mi' chʌn ac' i wut.