Eclesiastes 2:4 - Chol: I T’an Dios

⁴ Tsac mele ñuc tac bʌ. Tsa cʌc'ʌ ti melol cabʌl otot cha'an ya' mi cajñel quic'ot c pi'ʌlob. Tsac pʌc'ʌ ts'usub cha'an mic japben i ya'lel.

Chol de Tumbalá Bible

⁴ Tsac mele ñuc tac bʌ. Tsa cʌc'ʌ ti melol cabʌl otot cha'an ya' mi cajñel quic'ot c pi'ʌlob. Tsac pʌc'ʌ ts'usub cha'an mic japben i ya'lel.

Eclesiastes 2:4 Iomraidhean Croise

2 Samuel 18:18

Che' cuxul to Absalón, tsi' wa'choco jump'ejl ts'ajc ya' ti joctʌl i cha'an bʌ rey come tsi' yʌlʌ: Ma'anic calobil cha'an mi' chʌn ña'tʌntel j c'aba', che'en. Jini cha'an tsi' yotsʌbe i c'aba' jini ts'ajc, I ts'ajc Absalón. C'ʌlʌl ti ili ora che'ʌch mi' pejcʌntel.

1 Reyob 15:19

Asa tsi' choco ti subentel ja'el: La' lac laje' lac t'an che' bajche' lac tatob. Wolic chocbeñet majlel plata yic'ot oro cha'an a majtan. Yom ma' jem a t'an yic'ot Baasa jini rey ti Israel cha'an mi' cʌy i contrajiñon ti guerra, che'en Asa.

1 Reyob 9:1

Che' jini Salomón tsa' ujti i mel jini Templo yic'ot uts'atax bʌ i yotot, yic'ot pejtel yan tac bʌ tsa' bʌ i ña'ta i mel.

1 Cronicas 27:27

Jini Simei ch'oyol bʌ ti Ramat tsa' cʌle ti' wenta cha'an mi' cʌntan jini ts'usubil tac i cha'an rey. Jini Zabdi ch'oyol bʌ ti Sifmi tsa' ajni ti' wenta cha'an mi' q'uel pejtelel jini e'tel cha'an i chajpʌntel i ya'lel ts'usub yic'ot bajche' mi' lojtel.

2 Cronicas 26:10

Tsi' wa'choco q'ueloñib tac ya' ti sur. Cabʌl tsi' top'o i yajñib ja', come tsi' p'olo wacax ya' ti Sefela yic'ot ti joctʌl. Cabʌl i ts'usubil yic'ot yan tac bʌ pʌc'ʌb ti bujbujtʌl yic'ot ti jojoctʌl, come tsi' wen mula i pʌc' pejtelel i bʌl ñʌc'ʌl ti chajp ti chajp.

2 Cronicas 8:11

Che' melbilix i yotot, Salomón tsi' pʌyʌ majlel i yijñam ya' ba' chumul ti' tejclum David cha'an mi' chumtʌl ti tsiji' bʌ i yotot tsa' bʌ i wa'chocobe, come tsi' yʌlʌ: Ma'anic mi caj i chumtʌl quijñam ti' yotot c tat David i rey israelob, come ya' tsa' poj ajni jini Arca i cha'an bʌ lac Yum. Wen ch'ujul jini ajñibʌl, che'en.

Salmos 49:11

Mi' lon ña'tañob ti' pusic'al mi caj i yajñelob ti pejtelel ora, Mi' lon ña'tañob mach jilic i yotot tac ba' chumul i p'olbal. Mi' yotsbʌbeñob i c'aba' jini lum lajal bajche' i c'aba'.

Cantares 1:14

Lajal jini c'uxbibil bʌ c cha'an bajche' sut'yebil bʌ i nich pimel i c'aba' alheña tilem bʌ ti pʌc'ʌbʌl i c'aba' Engadi.

Cantares 7:12

Sebto mi caj lac ch'ojyel cha'an mi laj q'uel mi woli ti nich jini ts'usubil yic'ot jini granada. Ya'i mi caj j c'uxbiñet.

Isaias 5:1

Mi caj j c'ʌyin jini c'ux bʌ mi cubin. Jiñʌch i c'ʌyintel i ts'usubil j cʌñʌ bʌ mu' bʌ j c'uxbin. An i ts'usubil ti jumpejt wen bʌ lum.

Daniel 4:30

tsa' caji i yʌl: ¡Q'uelela wen ñuc Babilonia! Joñon tsac mele ili ñuc bʌ tejclum ba' chumulon tic yumʌntel cha'an mi' cʌjñel c p'ʌtʌlel yic'ot c ñuclel ti pejtelel pañimil, che'en.