Eclesiastes 2:3 - Chol: I T’an Dios

³ Pejtel chuqui tsi' ña'ta c pusic'al jiñʌch tsa' bʌ c taja. Tsac japʌ vino cha'an mij cʌmben i p'ʌtʌlel tic bʌc'tal. Tsac ñopo alas cha'an mic ña'tan mi che'ʌch yom melol ti yebal panchan che' cuxulon to la.

Chol de Tumbalá Bible

³ Pejtel chuqui tsi' ña'ta c pusic'al jiñʌch tsa' bʌ c taja. Tsac japʌ vino cha'an mij cʌmben i p'ʌtʌlel tic bʌc'tal. Tsac ñopo alas cha'an mic ña'tan mi che'ʌch yom melol ti yebal panchan che' cuxulon to la.

Eclesiastes 2:3 Iomraidhean Croise

Genesis 47:9

Jacob tsi' sube: Anix lujump'ejl i wucc'al (130) c jabilel. Xñumelon ti pañimil. Mach cabʌlic c jabilel. Cabʌl c wocol. Ma'anic tsac tajbe i jabilel c ñojte'el jal bʌ tsa' ñumiyob ti pañimil, che'en.

Job 14:14

Che' mic chʌmel lojon, ¿mu' ba caj c cha' cuxtiyel? Mi che'ʌch, mi mejlel j cuch wocol c'ʌlʌl mi' joloñel anquese jal to mi' c'otel i yorajlel.

Salmos 104:15

Yic'ot vino mu' bʌ i tijicñesʌbeñon lojon c pusic'al, Yic'ot aceite cha'an tijicña lojon c wut, Yic'ot waj cha'an mic taj lojon c p'ʌtʌlel.

Proverbios 20:1

Jini vino mi' yʌc' ti wajal jini winic mu' bʌ i jap. Mi' tech leto jini lembal. Sajtem i pusic'al jini mu' bʌ i cha'len yʌc'ʌjel.

Eclesiastes 1:17

Tsa' bʌx'ayon ti' ñopol pejtel chuqui an, bajche' mi' melob jini año' bʌ i ña'tibal yic'ot bajche' mi' melob tontojo' bʌ año' bʌ i sajtemal. Tsa' caji c ña'tan woli jach cʌsin ic'.

Eclesiastes 10:19

Che' mi lac cha'len q'uin, mux laj cajel ti tse'ñal quic'ot lac pi'ʌlob. Jini vino mi' q'uixñesan lac pusic'al. Ma'anic chuqui anto yom lac cha'an che' an lac taq'uin.

Eclesiastes 12:13

Cojach jini mic sub. Bʌc'ñan Dios, jac'ben i mandar, come jiñʌch mu' bʌ i wersa c'ajtibeñet.

Eclesiastes 2:24

¿Chuqui yom mi lac mel che' jini? Yom mi lac cha'len we'el yic'ot uch'el. Yom mi' ñuc'an lac pusic'al ti la que'tel. ¿Am ba yambʌ tijicña bʌ? Tilem ti Dios pejtel jini.

Eclesiastes 5:18

Awilan, tsaj q'uele bajche' yom mi lac mel. Yom tijicña mi lac cha'len we'el yic'ot uch'el. Yom mi laj q'uel la que'tel ti uts'at cha'an tijicña mi lac chʌn cha'len e'tel ti pejtel q'uin che' cuxulon tola ti yebal panchan, come jiñʌch mu' bʌ i yʌq'ueñonla Dios.

Eclesiastes 6:12

Jumuc' jach añonla ti pañimil. Ñumel jach mi lac ñumel che' bajche' axñal. ¿Chuqui la que'tel che' cuxulon tola? ¿Majqui yujil chuqui mi' caj ti ujtel ijc'ʌl mi chabi?

Eclesiastes 7:18

Ña'tan bajche' yom ma' mel. Mele ja'el. Mach ma' cʌy a mel junchajp che' ma' tech yambʌ. Jini mu' bʌ i bʌc'ñan Dios, uts'at bajche' mi caj i yujtesan ti chajp ti chajp.

Eclesiastes 7:25

Ti pejtelel c pusic'al tsa' caji c sʌclan i sujmlel pejtel chuqui an. Tsa' jach c ñopo tontojʌch jini mu' bʌ i cha'len jontolil. Sojquem i jol jini mu' bʌ i mel i bʌ bajche' tonto.

Eclesiastes 8:15

Tsa' caji c ñusan q'uin ti alas cha'an mi' ñuc'an c pusic'al, come tsa cʌlʌ ma'anic yambʌ lac wenlel ti yebal panchan, jini jach che' mi lac cha'len we'el yic'ot uch'el ti' tijicñʌyel lac pusic'al. Che'ʌch yom ti pejtelel ora che' woliyonla ti e'tel, come jiñʌch lac majtan ti Dios che' cuxulon tola ti yebal panchan.

Mateo 6:24

Ma'anic x'e'tel mu' bʌ mejlel i yuman cha'tiquil yumʌl. Mi' ts'a'len juntiquil yumʌl, mi' c'uxbin yambʌ. Mi' jac'ben i t'an juntiquil, mi' ñusʌben i t'an yambʌ. Mach mejlic la' yuman Dios che' woli la' yuman chubʌ'añʌl.

Efesios 5:18

Mach yomic mi la' yʌc'an ti vino, come jiñʌch la' wo'lel yujil bʌ jisaya, pero yom but'uletla ti jini Espíritu.

Juezob 9:13

Pero jini i yʌq'uil ts'usub tsi' jac'beyob: “¿Yom ba mij cʌy c wut mu' bʌ i mulan Dios yic'ot winicob cha'an mi' yumañon yambʌ te'?” che'en.

1 Samuel 25:36

Abigail tsa' cha' majli ti' yotot. Ya'an Nabal. Wolix i mel q'uin che' bajche' ñuc bʌ yumʌl. Yʌquix Nabal. Wen tijicña tsi' yubi. Jini cha'an ma'anic chuqui tsi' sube jinto ti' yijc'ʌlal.