Eclesiastes 2:10 - Chol: I T’an Dios

¹⁰ Pejtel chuqui tsac mula tsac taja. Ma'anic tsac tiq'ui c bʌ che' an chuqui com. Tijicñayon ja'el che' bʌ tsac cha'le e'tel. Ma'anic yambʌ c chobejtʌbal cha'an pejtel que'tel, jini jach tsa' bʌ c taja ti' melol que'tel.

Chol de Tumbalá Bible

¹⁰ Pejtel chuqui tsac mula tsac taja. Ma'anic tsac tiq'ui c bʌ che' an chuqui com. Tijicñayon ja'el che' bʌ tsac cha'le e'tel. Ma'anic yambʌ c chobejtʌbal cha'an pejtel que'tel, jini jach tsa' bʌ c taja ti' melol que'tel.

Eclesiastes 2:10 Iomraidhean Croise

Genesis 3:6

Tsi' q'uele jini x'ixic uts'at i wut jini te' cha'an mi' c'ux, i t'ojol jax. Tsi' q'uele an i c'ʌjñibal cha'an mi' yʌq'uen i ña'tʌbal. Tsi' tuc'u i wut. Tsi' c'uxu. Tsi' yʌq'ue i ñoxi'al. Tsi' c'uxu ja'el.

Genesis 6:2

Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob.

Job 31:1

Tsa'ix c mele trato yic'ot c wut cha'an mi caj j cʌntan c wut ti' tojlel xch'oc.

Salmos 119:37

Mʌybeñon c wut ame mic chʌn q'uel jini lolom jach bʌ. Ch'ejlesañon ti a bijlel.

Salmos 128:2

Mi caj a c'ux waj cha'an ti a we'tel. Tijicña a pusic'al mi caj a wajñel. Mi caj a taj chuqui tac wen.

Proverbios 23:5

¿Mu' ba caj a lon sʌclan jini mach bʌ a tajayic? Lajalʌch lac chubʌ'an bajche' i wich' xiye' mu' bʌ ti wejlel majlel.

Eclesiastes 11:9

Che' ch'itoñet to, la' ñuc'ac a pusic'al. Yom belel ora tijicñayet. Sʌclan majlel pejtel chuqui yom a pusic'al yic'ot pejtel chuqui ma' q'uel. Pero ña'tan ja'el, Dios mi caj i melet cha'an pejtel a melbal. Wersa mi caj a mel a bʌ yic'ot Dios.

Eclesiastes 2:1

Tsa cʌlʌ tic pusic'al: Quila la jini tijicña bʌ. La' ñuc'ac c pusic'al, lon cho'on.

Eclesiastes 2:22

¿Chuqui mi' tajob winicob cha'an pejtel jini wocol mu' bʌ i ñusañob ti e'tel? Mi' lon cha'leñob e'tel ti pejtelel i pusic'al ti yebal panchan. Lolom jach mi' chʌn cha'leñob che' lujbeñobix.

Eclesiastes 2:24

¿Chuqui yom mi lac mel che' jini? Yom mi lac cha'len we'el yic'ot uch'el. Yom mi' ñuc'an lac pusic'al ti la que'tel. ¿Am ba yambʌ tijicña bʌ? Tilem ti Dios pejtel jini.

Eclesiastes 3:22

¿Chuqui yom mi lac mel che' jini? Yom tijicñayonla ti la que'tel, come jini cha'an wʌ' añonla ti pañimil. Che' majlemonixla ma'anic majch mi mejlel i cha' pʌyonla tilel cha'an mi' cha' ñuc'an lac pusic'al. Jini cha'an la' ñuc'ac lac pusic'al wʌle.

Eclesiastes 5:10

Jini am bʌ i wo'lel cha'an taq'uin ma'anic mi caj i jastiyel ti taq'uin. Mach a lon ña'tan a taj i tijicñʌyel a pusic'al ti cabʌl a chubʌ'an.

Eclesiastes 5:17

Ti pejtelel i jabilel c'ʌlʌl jinto mi' chʌmel, ma'anix mi' q'uel i sʌclel pañimil, come ma'anix i chubʌ'an anquese wocol tsi' cha'le e'tel. Mʌcʌcña pañimil yubil, ch'ijiyem i pusic'al. Cabʌl i wocol yic'ot i mich'lel.

Eclesiastes 5:18

Awilan, tsaj q'uele bajche' yom mi lac mel. Yom tijicña mi lac cha'len we'el yic'ot uch'el. Yom mi laj q'uel la que'tel ti uts'at cha'an tijicña mi lac chʌn cha'len e'tel ti pejtel q'uin che' cuxulon tola ti yebal panchan, come jiñʌch mu' bʌ i yʌq'ueñonla Dios.

Eclesiastes 6:2

An winic mu' bʌ i yʌq'uentel cabʌl taq'uin yic'ot cabʌl i chubʌ'an yic'ot i ñuclel. Dios mi' yʌc' ti wen chumtʌl. Ma'anic chuqui mi' tic'ben ti pejtelel chuqui yom i pusic'al. Pero ma'anic mi' yʌq'uen i tijicñʌyel i pusic'al yic'ot i p'ʌtʌlel cha'an mi' lu' q'uel ti uts'at. Pejtel i chubʌ'an mi caj i cʌybentel yambʌ winic mach bʌ i pi'ʌlic, mu' bʌ caj i q'uel ti uts'at ti' tijicñʌyel i pusic'al. Wen wocol jini. Lolom jach.

Eclesiastes 6:9

Anquese ts'ita' lac chubʌ'an yom tijicñayonla yic'ot jini am bʌ lac cha'an. Mach yomic mi laj cabʌl pensalin chuqui anto yom lac cha'an. Lolom jach jini. To'ol ic' jach.

Eclesiastes 8:15

Tsa' caji c ñusan q'uin ti alas cha'an mi' ñuc'an c pusic'al, come tsa cʌlʌ ma'anic yambʌ lac wenlel ti yebal panchan, jini jach che' mi lac cha'len we'el yic'ot uch'el ti' tijicñʌyel lac pusic'al. Che'ʌch yom ti pejtelel ora che' woliyonla ti e'tel, come jiñʌch lac majtan ti Dios che' cuxulon tola ti yebal panchan.

Eclesiastes 9:6

Tsa'ix ñumi i yorajlel c'uxbiya, yic'ot i yorajlel ts'a'leya yic'ot pejtel tsa' bʌ i lon ña'tayob i mel che' cuxulob to. Mach chʌn sujticob ti pañimil cha'an mi' cha' tajob i tijicñʌyel ti yebal panchan.

Eclesiastes 9:9

Yom tijicñayet a wic'ot a wijñam mu' bʌ a c'uxbin che' cuxulet tola ti yebal panchan, come jiñʌch wen ñuc bʌ mu' bʌ i yʌq'ueñet Dios cha'an mi' ñuc'an a pusic'al che' ma' lujb'an ti a we'tel, che' lolom jach ma' ñusan q'uin ti yebal panchan.

1 Juan 2:16

Come pejtelel chuqui an ti pañimil, i colosojlel lac pusic'al yic'ot i ts'i'lel lac wut, yic'ot i chañ'esʌntel lac bʌ mach ch'oyolic ti lac Tat pero ch'oyol ti pañimil.

Juezob 14:2

Che' bʌ tsa' cha' sujti ti' yotot, tsi' tsictesʌbe i tat i ña': Tsaj q'uele juntiquil xch'oc bʌ i yalobil filisteo ya' ti Timnat. Yom majliquetla cha'an mi la' c'ajtibeñon, che'en.