Eclesiastes 2:1 - Chol: I T’an Dios

¹ Tsa cʌlʌ tic pusic'al: Quila la jini tijicña bʌ. La' ñuc'ac c pusic'al, lon cho'on.

Chol de Tumbalá Bible

¹ Tsa cʌlʌ tic pusic'al: Quila la jini tijicña bʌ. La' ñuc'ac c pusic'al, lon cho'on.

Eclesiastes 2:1 Iomraidhean Croise

Genesis 11:7

Conla c socbeñob i t'an cha'an ma'anic mi' ch'ʌmbeñob isujm che' mi' pejcañob i bʌ, che'en lac Yum.

2 Reyob 5:5

Jini rey ti Siria tsi' sube Naamán: Yom ma' majlel a q'uel jini x'alt'an. Mi caj c chocben majlel jun jini rey ti Israel, che'en. Che' jini tsa' loq'ui majlel Naamán. Tsi' ch'ʌmʌ majlel plata am bʌ i tojol che' bajche' lujunc'al yic'ot lujump'ejl i yuxc'al mil (250,000) peso, yic'ot oro am bʌ i tojol jo'lujunc'al i cha'bajc' yic'ot lujump'ejl i yuxc'al mil (750,000) peso, yic'ot lujumpajc bujcʌl.

Salmos 10:6

Mi' yʌl ti' pusic'al: Ma'anic mi caj c mel c pusic'al. Ti pejtelel ora ma'anic mi caj cubin wocol, lon che'en.

Salmos 14:1

Jini tontojo' bʌ mi' lon alob ti' pusic'al: Ma'anic Dios, che'ob. Sojquemob jax, leco jax i melbalob. Ma'anic mi juntiquilic mu' bʌ i mel chuqui uts'at.

Salmos 27:8

Tsa' subeyon: Sajcañon cha'an ma' q'uelbeñon c wut, che'et. Tsac jac'ʌ: Wolic letsan c wut cha'an mij q'uelet, c Yum, cho'on.

Proverbios 14:13

Mach ti tse'ñalic mi' lajmel i wocol lac pusic'al. Che' mi la cujtel ti tse'ñal mi lac cha' ubin anto i wocol lac pusic'al.

Eclesiastes 11:9

Che' ch'itoñet to, la' ñuc'ac a pusic'al. Yom belel ora tijicñayet. Sʌclan majlel pejtel chuqui yom a pusic'al yic'ot pejtel chuqui ma' q'uel. Pero ña'tan ja'el, Dios mi caj i melet cha'an pejtel a melbal. Wersa mi caj a mel a bʌ yic'ot Dios.

Eclesiastes 2:10

Pejtel chuqui tsac mula tsac taja. Ma'anic tsac tiq'ui c bʌ che' an chuqui com. Tijicñayon ja'el che' bʌ tsac cha'le e'tel. Ma'anic yambʌ c chobejtʌbal cha'an pejtel que'tel, jini jach tsa' bʌ c taja ti' melol que'tel.

Eclesiastes 2:15

Tsa cʌlʌ tic pusic'al: Jini jach bʌ mu' bʌ i yujtel ti' tojel tonto bʌ mi' yujtel tic tojlel ja'el. ¿Chucoch tsac lon mele c pusic'al cha'an mic taj cabʌl c ñatibal? cho'on. Tsa cʌlʌ ja'el: Lolom jach pejtel jini.

Eclesiastes 2:25

Come Diosʌch mu' bʌ i yʌq'ueñonla i tijicñʌyel lac pusic'al yic'ot i bʌl lac ñʌc'.

Eclesiastes 7:4

Jini am bʌ i ña'tibal mi' wʌn ña'tan ti' pusic'al chuqui mi' caj ti ujtel che' mi' chʌmel. Pero jini tonto mu' jach i to'ol ñusan q'uin yic'ot i pi'ʌlob, tijicñayo' bʌ i pusic'al.

Eclesiastes 8:15

Tsa' caji c ñusan q'uin ti alas cha'an mi' ñuc'an c pusic'al, come tsa cʌlʌ ma'anic yambʌ lac wenlel ti yebal panchan, jini jach che' mi lac cha'len we'el yic'ot uch'el ti' tijicñʌyel lac pusic'al. Che'ʌch yom ti pejtelel ora che' woliyonla ti e'tel, come jiñʌch lac majtan ti Dios che' cuxulon tola ti yebal panchan.

Isaias 5:5

Mi caj c subeñetla chuqui mi caj c tumben c ts'usubil. Mux caj c jemben i mʌjquil cha'an mi' sujtel ti potrero. Alʌc'ʌl tac mi caj i yochel i t'uchtan ba' tocol i ts'ajquil.

Isaias 50:11

Pero p'ump'uñetla mu' bʌ la' xic' la' bajñel c'ajc che' mi la' ñijcan letsel i nich cha'an mi la' cha'len q'uix. Cha'lenixla xʌmbal ba' tsiquilix la' c'ajc tsa bʌ la' xiq'ui, come mach la' womic la' ñopon. Mi caj la' cʌytʌl ti la' wocol.

Isaias 50:5

Lac Yum Dios tsi' pejcayon. Tsac ñich'tʌbe i t'an. Ma'anic mic sutq'uiben c pat. Mi cʌq'uen c wut.

Lucas 12:19

Mi caj c bajñel ña'tan tic pusic'al: Cabʌl jax c chubʌ'an lotbil cha'an mij c'ʌn ti cabʌl jab. La' j c'aj co. La' j c'ux c waj. La' c jap chuqui com. La' cubin i tijicñʌyel c pusic'al”. Che' tsi' yʌlʌ jini winic.

Lucas 16:19

An wen chumul bʌ winic, lʌpʌl bʌ i cha'an chʌccojan bʌ i pislel, wen uts'at bʌ. Ti jujump'ejl q'uin tsi' mele ñuc bʌ q'uiñijel.

Lucas 16:23

Ya' ti' yajñib chʌmeño' bʌ c'ax cabʌl i wocol. Tsi' letsa i wut. Tsi' q'uele Abraham ti ñajtʌl yic'ot Lázaro ya' ti' tajn Abraham.

Tito 3:3

Come joñonla ja'el ti yambʌ ora ma'anic lac pusic'al, xñusa t'añonla, lotibilonla. Tsa' jach lac jac'be pejtelel i colosojlel lac pusic'al yic'ot yan tac bʌ yom bʌ lac pusic'al. Tsa' lac lon ñusa q'uin ti ts'a'leya yic'ot ti' tsʌytsʌyñʌyel lac pusic'al. Tsa' ts'a'lentiyonla. Tsa' lac ts'a'le lac bʌ.

Santiago 4:13

Ubinla jatetla mu' bʌ la' wʌl: Wʌle o mi ijc'ʌl mi caj lac majlel ti tejclum. Ya'i mi caj lac jalijel jump'ejl jab cha'an mi lac cha'len mʌñoñel yic'ot choñoñel. Mi caj laj ganarin cabʌl taq'uin, lon che'etla.

Santiago 5:1

Ubinla wen chumulet bʌ la. Cha'lenla uq'uel, cha'lenla oñel cha'an jini wocol mu' bʌ caj i tajetla.

Santiago 5:5

Wen chumuletla wʌ' ti pañimil. Tijicña tsa' la' ñusa q'uin. Ma'anic tsa' la' tiq'ui la' bʌ. Tsa' la' jujp'esa la' pusic'al cha'an jini q'uin che' mi caj la' tsʌnsʌntel.