Eclesiastes 10:1 - Chol: I T’an Dios

¹ Ch'o'ch'oc jini jaj pero mi' yʌc' ti tuw'an jini wen xojocña bʌ perfume che' chʌmenix. Che' ja'el che' ya' wistʌl lac sajtemal mi lac wajlentel cha'an lac pi'ʌlob anquese cabʌl lac pusic'al.

Chol de Tumbalá Bible

¹ Ch'o'ch'oc jini jaj pero mi' yʌc' ti tuw'an jini wen xojocña bʌ perfume che' chʌmenix. Che' ja'el che' ya' wistʌl lac sajtemal mi lac wajlentel cha'an lac pi'ʌlob anquese cabʌl lac pusic'al.

Eclesiastes 10:1 Iomraidhean Croise

2 Cronicas 19:2

Jini x'alt'an Jehú (i yalobil Hanani) tsa' tili i taj. Tsa' caji i suben: ¿Yom ba mi laj coltan xmulilob? ¿Yom ba mi laj c'uxbin jini mu' bʌ i ts'aleñob Dios? Che'ʌch tsa' mele jatet. Jini cha'an lac Yum woli' wen mich'leñet.

Nehemias 13:26

¿Mach ba jinic i mul Salomón i rey Israel? Tsi' pʌyʌ x'ixicob mach bʌ lac pi'ʌlobic. Wen ñuc Salomón. Ma'anic yambʌ rey lajal bʌ i ñuclel. Dios tsi' c'uxbi. Dios tsi' wa'choco cha'an mi' yumañob pejtel israelob. Anquese cabʌl i ñuclel tsa' sojqui ti mulil cha'an x'ixicob mach bʌ israelobic.

Nehemias 6:13

Tsi' yʌq'ueyob taq'uin cha'an mi' techbeñon c bʌq'uen, cha'an mic jac'ben i t'an. Tsi' subeyon ochel ti Templo, come mulilʌch mi tsa' ochi juntiquil tic'bil bʌ. Che' jini tsi' ña'ta i pam pucob c mul. Yomob i yʌc'on ti wajlʌntel.

Job 6:3

Come wen alatax. Ñumen ti p'isol bajche' pejtel jini ji' am bʌ ti' ti' colem ñajb. Jini cha'an cʌlʌx jax tsac cha'le t'an.

Exodo 30:25

Yom ma' xʌbulan iliyi cha'an ma' mel jini aceite mu' bʌ i c'ʌjñel cha'an ma' boñob. Xints'ʌcʌl yom i xajb tac che' bajche' mi' melob ts'ac, an tac bʌ ti botica. Jiñʌch ch'ujul bʌ bojnibʌl.

Eclesiastes 9:18

Jini am bʌ i pusic'al ñumen an i c'ʌjñibal bajche' e'tijibʌl mu' bʌ laj c'ʌn ti guerra, pero juntiquil xmulil mi' lon ac' ti jilel cabʌl lac wenlel.

Hageo 2:12

Mi an motomaj xojbil bʌ i cha'an ch'ujul bʌ i bujc, mi tsi' tʌlʌ waj, mi vino, mi we'elʌl yic'ot i pislel, ¿mu' ba caj i yajñel ti ch'ujul chuqui tac tsi' tʌlʌ? che'en. Jini motomajob tsi' jac'ʌyob: Ma'anic, che'ob.

Hageo 2:13

Che' jini Hageo tsi' yʌlʌ: Mi bibi'ix juntiquil cha'an tsi' tʌlʌ chuqui tac chʌmen, mi tsi' tʌlʌ i bʌl ñʌc'ʌl, ¿mu' ba caj i bib'esʌntel? che'en. Jini motomajob tsi' jac'ʌyob: Mu' cu, che'ob.