Eclesiastes 1:16 - Chol: I T’an Dios

¹⁶ Tsa cʌlʌ tic pusic'al: Q'uele bajche' añon. Tsac wen ac'ʌ c bʌ cha'an mic p'ojlesan c ña'tibal. Ñumen cabʌl tsac ñopo bajche' yambʌ yumʌlob tsa' bʌ i cha'leyob rey ti Jerusalén ti yambʌ ora. Cabʌl jax chuqui tsaj q'uele joñon. Cabʌlix c ña'tibal, cho'on.

Chol de Tumbalá Bible

¹⁶ Tsa cʌlʌ tic pusic'al: Q'uele bajche' añon. Tsac wen ac'ʌ c bʌ cha'an mic p'ojlesan c ña'tibal. Ñumen cabʌl tsac ñopo bajche' yambʌ yumʌlob tsa' bʌ i cha'leyob rey ti Jerusalén ti yambʌ ora. Cabʌl jax chuqui tsaj q'uele joñon. Cabʌlix c ña'tibal, cho'on.

Eclesiastes 1:16 Iomraidhean Croise

1 Reyob 10:7

Ma'anic tsac ñopo jinto tsa' tili j q'uel. Cujil wʌle ma'anic tsa' subentiyon lamital, come cabʌl jax a ña'tʌbal yic'ot a chubʌ'an ñumen bajche' tsa cubi.

1 Reyob 4:30

Ñumen an i ña'tʌbal bajche' pejtel yambʌ winicob ya' ti' pasibal q'uin yic'ot ti Egipto.

1 Reyob 5:9

C winicob mi caj i loc'sañob jini te' ila ti Líbano. Mi caj i ch'ʌmob majlel ya' ti colem ja'. Mi caj c bel cʌch lojon jini te' cha'an mic chocbeñet jubel ya' baqui a wom. Subeñon baqui a wom cha'an ya'i mi' cha' jitob. Ya' mi mejlel i loc'ob a winicob cha'an mi' ch'ʌmob majlel. Yom jach ma' wʌq'ueñon i bʌl lojon c ñʌc' cha'an mij c'ux lojon. Jiñʌch c tojol. Che' tsi' yʌlʌ Hiram.

2 Reyob 5:20

Giezi jini x'e'tel i cha'an Eliseo, i winic Dios, tsa' caji i ña'tan ti' pusic'al: Ma'anic chuqui tsi' ch'ʌmʌ c yum ti pejtelel majtañʌl tsa' bʌ i ch'ʌmʌ tilel Naamán. Wʌle mi caj c majlel ti ajñel cha'an mic ch'ʌmben ts'ita' jini majtañʌl, che'en.

2 Cronicas 2:12

La' ñuq'uesʌntic lac Yum i Dios israelob tsa' bʌ i mele panchan yic'ot pañimil. Tsa'ix i yʌq'ue David juntiquil i yalobil wen toj bʌ, wen cabʌl bʌ i pusic'al yic'ot i ña'tʌbal cha'an ili e'tel. Uts'at mi caj a wa'chocoben i Templo lac Yum. Uts'at mi caj a mel a wotot ja'el ba' ma' cha'len yumʌl.

Salmos 4:4

Bʌc'ñanla lac Yum. Mach mi la' cha'len mulil. Ña'tanla Dios ti la' pusic'al che' añetla ti la' wʌyib. Ñʌch'ʌl yom la' pusic'al.

Salmos 77:6

Mic ña'tan c'ay ti ac'ʌlel. An cabʌl chuqui mic ña'tan tic pusic'al. Mic cha'len wersa c ch'ʌmben isujm.

Eclesiastes 2:1

Tsa cʌlʌ tic pusic'al: Quila la jini tijicña bʌ. La' ñuc'ac c pusic'al, lon cho'on.

Eclesiastes 2:15

Tsa cʌlʌ tic pusic'al: Jini jach bʌ mu' bʌ i yujtel ti' tojel tonto bʌ mi' yujtel tic tojlel ja'el. ¿Chucoch tsac lon mele c pusic'al cha'an mic taj cabʌl c ñatibal? cho'on. Tsa cʌlʌ ja'el: Lolom jach pejtel jini.

Eclesiastes 2:9

Che' jini tsa' ñuc'ayon. Ñumen ñucon yic'ot ñumen cabʌl c chubʌ'an bajche' pejtel jini ñuco' bʌ ti Jerusalén c'ʌlʌl ti oniyi. Chʌn yʌxʌl co, tsac p'isi ti wenta pejtel iliyi.

Eclesiastes 3:17

Tsac ña'ta, Dios mi caj i mel jini xjontolilob yic'ot jini tojo' bʌ che' i yorajlelix. Come pejtel chuqui yom melol yic'ot pejtel e'tel añʌch i yorajlel.

Jeremias 22:14

Mi yʌl: “Uts'atax mi caj c mel cotot yic'ot cabʌl tsalʌl yic'ot corredor”, che'en. Mi' yotsan ventana tac. Mi' yʌq'uen i cha'lajmlel i bojte'lel ti wen fino bʌ ch'ujte'. I t'ojol jax mi' bon.

Daniel 4:30

tsa' caji i yʌl: ¡Q'uelela wen ñuc Babilonia! Joñon tsac mele ili ñuc bʌ tejclum ba' chumulon tic yumʌntel cha'an mi' cʌjñel c p'ʌtʌlel yic'ot c ñuclel ti pejtelel pañimil, che'en.

Hebreos 5:14

Pero mi laj c'ux waj che' tsa'ix lac taja laj colel, che' cʌñʌlix lac cha'an chuqui wen yic'ot chuqui mach wenic.