Daniel 9:9 - Chol: I T’an Dios

⁹ Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Chol de Tumbalá Bible

⁹ Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Daniel 9:9 Iomraidhean Croise

2 Samuel 24:14

David tsi' jac'be Gad: Wen cabʌl jax wolic mel c pusic'al. La' i yʌq'ueñonla wocol lac Yum come cabʌlʌch i c'uxbiya. Pero mach yomic mic yajlel ti' p'ʌtʌlel j contrajob, che'en.

1 Reyob 8:30

A cha'añon. A cha'añob ja'el pejtelel israelob. Jini cha'an yom ma' wubibeñon lojon coración che' an chuqui mij c'ajtibeñet lojon ti' tojel a wotot. Ya' ba' chumulet ti panchan yom ma' ñich'tañon lojon. Che' ma' wubiñon lojon yom ma' ñusʌbeñon lojon c mul.

Nehemias 9:31

Ma'anic tsa' jisayob, Dios, come cabʌl a p'untaya. Ma'anic tsa' junyajlel cʌyʌyob cha'an uts a pusic'al. Wen a wujil p'untaya.

Salmos 130:4

Pero ma' ñusʌbeñon lojon c mul, Cha'an awom mic bʌc'ñañet lojon.

Salmos 130:7

Israelet bʌ la, pijtan lac Yum, Come an laj c'uxbintel ti lac Yum. Tsi' mʌñʌyonla. Tsi' wen coltayonla.

Salmos 62:12

Jatet jach an i yutslel a pusic'al, c Yum, Come ma' wʌq'ueñob i chobejtʌbal winicob x'ixicob che' bajche' an i ye'tel ti jujuntiquil.

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Isaias 55:7

La' i cʌy i mul jini xjontolil. Jini mach bʌ tojic la i cʌy i ña'tan jontolil. La' i sutq'uin i bʌ ti lac Yum, come mi caj i p'untan. Mi caj i ñusʌben i mul ti pejtelel i pusic'al.

Isaias 63:7

Mi caj c cha' sub jini ñuc tac bʌ a we'tel c Yum, cha'an tsa' p'untayon lojon. Ñuquix c pusic'al cha'an tsa' wen pʌsbeyob israelob i yutslel a pusic'al. Uts tsa' pʌsʌ a bʌ tic tojlel lojon. Tsa' wen coltayon lojon c'ʌlʌl ti oñiyi.

Jeremias 14:7

Isujm, cabʌl c mul lojon ti a tojlel, c Yum, pero p'untañon lojon cha'an ma' q'uejlel ti ñuc. Tsaj cʌyʌyet lojon. Tsac ñusa lojon a t'an.

Ezequiel 20:13

Pero ya' ti colem bʌ i tiquiñal pañimil jini israelob tsa' caji i chañ'esañob i bʌ. Ma'anic tsi' jac'beyoñob c t'an tsa' bʌ j cʌntesayob anquese cuxul mi' yajñel majqui jach mi' jac'. Tsi' meleyob e'tel che' ti' yorajlel c'aj o. Jini cha'an tsac ña'ta c jisañob ya' ti colem bʌ i tiquiñal pañimil.

Daniel 9:5

Tsa'ix c cha'le lojon mulil yic'ot jontolil. Tsac ñusa lojon a t'an.

Daniel 9:6

Tsaj cʌyʌ lojon a mandar. Ma'anic tsac p'isi lojon ti wenta i t'an jini x'alt'añob a cha'an. Tsi' pejcayob c reyob lojon ti a c'aba' yic'ot jini ñuc bʌ x'e'telob, yic'ot pejtel jini winicob x'ixicob, yic'ot c ñojte'el lojon, pero ma'anic tsi' jac'ʌyob.

Daniel 9:7

Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Daniel 9:8

C Yum, woliyon lojon ti quisin yic'ot c rey lojon, yic'ot año' bʌ i ye'tel yic'ot c tat lojon, come tsac cha'le lojon mulil ti a tojlel.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.