Daniel 9:7 - Chol: I T’an Dios

⁷ Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Chol de Tumbalá Bible

⁷ Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Daniel 9:7 Iomraidhean Croise

Esdras 9:13

Pero tsac cha'le lojon jontolil. Jini cha'an tsac ñusa lojon wocol ya' ba' tsa' pʌyʌyon lojon majlel ti cʌjchel cha'an ti' caj jini leco bʌ c melbal lojon. Pero jatet, c Dios lojon, ma'anic tsa' wʌq'ueyon lojon c toj jini c mul lojon ti ts'ʌcʌl, come tsa' cha' pʌyʌyon lojon sujtel.

Esdras 9:15

Tojet c Yum, i Dioset bʌ Israel. P'untañon lojon, come i colojbalon lojon Israel mu' bʌ c ñopet lojon. Wʌ' añon lojon ti a tojlel yic'ot c mul lojon. Muq'uic a wen melon lojon ti toj, ma'anic majqui mi mejlel i wa'tʌl ti a tojlel. Cho'on tsac sube ti oración.

Nehemias 9:33

Tsa' pʌsʌ a bʌ ti toj che' bʌ tsa' chocbeyon lojon tilel wocol. Che'ʌch tsa' mele come xuc'ulet. An c mul lojon cha'an tsac mele lojon jontolil.

Salmos 119:137

Tojet c Yum, toj ma' cha'len meloñel.

Salmos 44:15

Belel ora muc'on ti quisin. Mic mʌy c wut cha'an quisin,

Salmos 51:14

Dios, ñusʌbeñon c mul come tsac cha'le tsʌnsa. Dios, caj Coltaya, mi caj c'ʌyibeñet a tojel.

Salmos 51:4

Tsaj contrajiyet che' bʌ tsac cha'le jontolil ti a wut. Che' jini tsa cʌc'ʌ ti tsictiyel tojʌch a t'an, Sʌcʌch a meloñel.

Isaias 11:11

Ti jim bʌ ora lac Yum mi caj i cha' sʌts' i c'ʌb cha'an mi' pʌy tilel i cha'año' bʌ tsa' bʌ cʌleyob ti Asiria, yic'ot ti Egipto, yic'ot ti Patros, yic'ot ti Etiopía, yic'ot ti Elam, yic'ot ti Sinar, yic'ot ti Hamat, yic'ot ti lum tac joyol bʌ ti colem ja' ti' ñajtilel pañimil.

Isaias 45:16

Mi' cajelob ti quisin jini xmel diosob ti pejtelelob. Mi caj i puts'elob cha'an bʌq'uen.

Jeremias 12:1

Tojet c Yum anquese mach tijicñayonic. La' c subeñet chuqui mach tojic woli bʌ i yujtel. ¿Chucoch tijicñayob jini xjontolilob? ¿Chucoch wen chumulob jini yujilo' bʌ lotiya?

Jeremias 23:6

Che' woli ti yumʌntel, mi caj i coltʌntel Judá. Mi' caj ti wen chumtʌl Israel. Mi caj i pejcʌntel ili rey ti lac Yum, jini Toj Bʌ mu' bʌ i yʌq'ueñonla lac tojel.

Jeremias 24:9

Mi caj cʌc'ob ti pam pujquel ti pejtelel pañimil ba' ma'anic i lum. Ts'a' mi caj i q'uejlelob. Mi caj i chojquelob loq'uel ti jujump'ejl lum. Mi caj i yubiñob wocol yic'ot wajlentel. Mi caj i tic'lʌntelob. Mi caj i p'ajtʌlob baqui jach mic pucob.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 32:32

Jini israelob yic'ot jini judíojob tsi' cha'leyob mulil cha'an mi' yʌc'oñob ti mich'ajel. Laj añob i mul i reyob yic'ot i yalobilob reyob, yic'ot motomajob, yic'ot x'alt'añob, yic'ot jini winicob chumulo' bʌ ti Judá yic'ot ti Jerusalén. Jini cha'an woli' tojob i mul.

Jeremias 33:16

Ti jim bʌ ora mi caj i coltan Jerusalén. Xuc'ul mi caj i yajñel Jerusalén. Mi' caj ti ajlel: “Jiñʌch lac Yum mu' bʌ i yʌq'ueñonla lac tojel. Che'ʌch i c'aba'”, che'ob.

Jeremias 4:17

Cha'an ti' caj tsa' ñusʌbeyon c t'an jini cha'an woli' joy mʌctañet che' bajche' xchuc me'ob, che'en lac Yum.

Jeremias 7:19

¿Mach ba wolic i yʌc'oñob ti mich'ajel? ¿Mach ba wolic i yʌc'ob i bʌ ti wocol? Cha'an ti' cajob i mul woli' sajtelob, che'en lac Yum.

Ezequiel 16:63

Che' ma' ña'tañon mi caj i toj sajtel a pusic'al. Ma'anix chuqui mi caj a wʌl come cabʌl mi caj a wubin quisin che' mic subeñet pejtelel a mul”. Che' yom ma' subeñob, che'en lac Yum Dios.

Ezequiel 36:31

Che' jini quisintic mi caj la' wubin che' mi la' cha' ña'tan jontol bʌ la' melbal yic'ot jini mach bʌ uts'atic tsa' bʌ la' mele.

Ezequiel 5:10

Jini tatʌlob mi caj i c'uxob i yalobilob. Jini ch'itoñob mi caj i c'uxob i tatob. Mi caj c pam puc ti pejtelel pañimil jini cuxulob to bʌ.

Ezequiel 6:12

Jini ñajt bʌ chumulob mi caj i jisʌntelob ti jontol bʌ c'amʌjel. Jini lʌc'ʌl bʌ añob mi caj i jisʌntelob ti guerra. Jini mu' bʌ i cʌytʌlob mi caj i chʌmelob ti wi'ñal. Che'i mi caj c pʌsbeñob c mich'ajel.

Daniel 9:14

Jini cha'an c Yum, tsa'ix a choco tilel jini ñuc bʌ wocol cha'an ma' ts'ʌctesan a t'an, come tojet c Yum Dios ti pejtelel a melbal. Ma'anic tsac ñich'ta lojon a t'an.

Daniel 9:18

C Dios, ñich'tan c t'an. Wen q'uele bajche' wolic tic'lʌntel lojon. P'ul jembil a tejclum. Laj yujilob a cha'añʌch jini tejclum. Mij c'ajtibeñet lojon wocol t'an, p'untañon lojon anquese ma'anic c wenlel lojon, come cabʌl i yutslel a pusic'al.

Daniel 9:8

C Yum, woliyon lojon ti quisin yic'ot c rey lojon, yic'ot año' bʌ i ye'tel yic'ot c tat lojon, come tsac cha'le lojon mulil ti a tojlel.

Amos 9:9

Come joñon woli cʌc' mandar. Mi caj c chijcan israelob ya' ti' tojlel colem bʌ tejclum tac che' bajche' mi la' chijcan trigo. Pero ma'anic mi caj i yajlel mi jump'ejlic i bʌc'.

Romanos 6:21

¿Chuqui tsa' la' taja ti mulil, che' jini? Wʌle che' mi la' cha' ña'tan la' mul, mi la' cha'len quisin, come la' wujilix mi' chʌmelob jini mu' bʌ i cha'leñob mulil che' bajche' jini.

Deuteronomio 32:4

Jiñʌch xajlel. Ts'ʌcʌl i ye'tel. Tojʌch pejtelel mu' bʌ i mel. Xuc'ulʌch, ma'anic i mul.

Deuteronomio 4:27

Lac Yum mi caj i pam puquetla ti yan tac bʌ lum. Ts'ita jach mi caj la' cʌytʌl ya' ba' mi caj i pʌyetla majlel lac Yum.