Daniel 9:6 - Chol: I T’an Dios

⁶ Tsaj cʌyʌ lojon a mandar. Ma'anic tsac p'isi lojon ti wenta i t'an jini x'alt'añob a cha'an. Tsi' pejcayob c reyob lojon ti a c'aba' yic'ot jini ñuc bʌ x'e'telob, yic'ot pejtel jini winicob x'ixicob, yic'ot c ñojte'el lojon, pero ma'anic tsi' jac'ʌyob.

Chol de Tumbalá Bible

⁶ Tsaj cʌyʌ lojon a mandar. Ma'anic tsac p'isi lojon ti wenta i t'an jini x'alt'añob a cha'an. Tsi' pejcayob c reyob lojon ti a c'aba' yic'ot jini ñuc bʌ x'e'telob, yic'ot pejtel jini winicob x'ixicob, yic'ot c ñojte'el lojon, pero ma'anic tsi' jac'ʌyob.

Daniel 9:6 Iomraidhean Croise

2 Reyob 18:12

Come ma'anic tsi' jac'beyob i t'an lac Yum Dios. Tsi' juch' t'uchtayob jini xuc'ul bʌ i t'an lac Yum, yic'ot pejtelel i t'an lac Yum che' bajche' tsi' yʌc'ʌ mandar Moisés i winic Dios.

2 Cronicas 33:10

Lac Yum tsi' pejca Manasés yic'ot jini año' bʌ ti tejclum, pero ma'anic tsi' jac'beyob i t'an.

Esdras 9:7

C'ʌlʌl ti' yorajlel c tatob lojon, c'ʌlʌl ti ili ora, an cabʌl lojon c mul. Jini cha'an tsa'ix mʌjli i cha'añob j contrajob lojon. Tsa'ix tsʌnsʌntiyob ti espada c reyob lojon yic'ot c motomaj lojon. Lamital tsa' cʌjchiyob majlel. Tsa' chilbentiyon lojon c chubʌ'an. Tsa' ajq'uiyon lojon ti quisin che'ʌch bajche' wʌle.

Nehemias 9:30

Cabʌl jab tsa' cuchbeyob i mul. Tsa' choco tilel x'alt'añob tsa' bʌ i pejcayob ti' p'ʌtʌlel a wEspíritu. Tsi' subeyob cha'an mi' sutq'uiñob i bʌ, pero mach yomobic i ch'ujbin a t'an. Jini cha'an tsa' wʌc'ʌyob ti' wenta winicob mach bʌ i pi'ʌlobic.

Nehemias 9:32

C Dios lojon, ñuc bʌ Dioset, p'ʌtʌlet, bʌc'ñʌbilet. Ma' ts'ʌctesan jini xuc'ul bʌ a t'an. Cabʌl ma' pʌs a c'uxbiya. Jini cha'an q'ueleyon lojon. Cabʌlʌchix c wocol tsa' bʌ tili tic tojlel lojon, ti' tojlel c rey lojon, yic'ot c yumob lojon, yic'ot c motomajob lojon, yic'ot x'alt'añob tsa' bʌ a chocbeyon lojon tilel, yic'ot c tat lojon, yic'ot pejtel winicob x'ixicob a cha'año' bʌ. An c wocol c'ʌlʌl che' bʌ tsi' cha'leyob yumʌntel jini asiriajob c'ʌlʌ wʌle. Ma'anic mi' lajmel.

Nehemias 9:34

C reyob lojon yic'ot c yumob lojon yic'ot motomajob yic'ot c ñojte'el lojon ma'anic tsi' jac'ʌyob i cʌntesʌntel. Ma'anic tsi' ch'ujbiyob a mandar che' bʌ tsa' subeyob cha'an mi' sutq'uiñob i bʌ.

Jeremias 26:5

machic mi la' wubiben i t'an jini x'alt'añob tsa' bʌ c chocbeyetla tilel c'ʌlʌl ti oñiyi c'ʌlʌl wʌle (pero maxto anic tsa' la' ñich'ta),

Jeremias 29:19

cha'an ti' caj tsi' ñusayob c t'an. Ma'anic tsi' ñich'tayob c t'an che' bʌ tsac chocbeyob tilel x'alt'añob cha'an mic pejcañob ti oñiyi c'ʌlʌl wʌle. Mach yomic i jac'ob, che'en lac Yum.

Jeremias 44:16

Mach tilemic ti Dios jini t'an woli bʌ a subeñon lojon. Ma'anic mi caj c jac' lojon.

Jeremias 7:13

Wolix c cha' mel che' bajche' ti yambʌ ora, come cabʌlix la' mul. Seb tsa' ch'ojyiyon cha'an mic pejcañetla. Ma'anic tsaj cʌyʌ c pejcañetla, pero ma'anic tsa' la' ñich'ta. Tsac pʌyʌyetla, pero ma'anic tsa' la' jac'beyon.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Daniel 9:10

C Dios lojon, ma'anic tsac ñich'ta lojon a t'an. Ma'anic tsac jac'ʌ lojon che' bʌ tsi' cʌntesayon lojon a winicob jini x'alt'añob.

Daniel 9:9

Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Mateo 23:37

¡Jerusalén, Jerusalén, jatet mu' bʌ a tsʌnsan x'alt'añob! ¡Ma' jul ti xajlel jini chocbilo' bʌ tilel ba' añetla! ¡Anix jayyajl com c tempan la' walobilob che' bajche' mi' luts' i yal jini ña' mut! ¡Pero mach la' womic!

Hechos 13:27

Jini chumulo' bʌ ti Jerusalén yic'ot i yumob ma'anic tsi' cʌñʌyob Jesús. Ma'anic tsi' ch'ʌmbeyob isujm i t'an jini x'altañob mu bʌ i q'uejlel ti jujump'ejl i q'uiñilel c'aj o. Tsi' ts'ʌctesʌbeyob i t'an x'alt'añob che' bʌ tsi' yʌc'ʌyob ti chʌmel Jesús.