Daniel 9:5 - Chol: I T’an Dios

⁵ Tsa'ix c cha'le lojon mulil yic'ot jontolil. Tsac ñusa lojon a t'an.

Chol de Tumbalá Bible

⁵ Tsa'ix c cha'le lojon mulil yic'ot jontolil. Tsac ñusa lojon a t'an.

Daniel 9:5 Iomraidhean Croise

2 Reyob 18:12

Come ma'anic tsi' jac'beyob i t'an lac Yum Dios. Tsi' juch' t'uchtayob jini xuc'ul bʌ i t'an lac Yum, yic'ot pejtelel i t'an lac Yum che' bajche' tsi' yʌc'ʌ mandar Moisés i winic Dios.

2 Reyob 21:15

Cha'an ti' caj tsi' meleyob chuqui tac leco tic wut tsi' techbeyoñob c mich'ajel c'ʌlʌl che' bʌ tsa' loq'uiyob i ñojte'elob ti Egipto c'ʌlʌl wʌle. Che'ʌch tsi' yʌlʌ lac Yum ti' tojlel jini x'alt'añob.

Esdras 9:6

Tsac sube ti oración: C Dios, ch'ijiyem c pusic'al. Quisintic jax woli cubin, come tsa'ix wen p'ojli c mul lojon. Tsa'ix c'ʌlʌ c'oti ti panchan yubil i yonlel c sajtemal lojon.

Salmos 106:6

Tsa'ix lac cha'le mulil yic'ot lac tat, An lac mul, tsa' lac cha'le jontolil.

Salmos 119:102

Ma'anic tsaj cʌyʌ jini bij tsa bʌ a pʌsbeyon, Come cʌntesʌbilon a cha'an.

Salmos 119:176

Tsa' sajtiyon bajche' tiñʌme' mu' bʌ i cʌy i yum. Sajcan a winic come ma'anic tsa' ñajʌyi tic pusic'al a mandar.

Salmos 18:21

Tsa'ix c tsajca majlel i bijlel lac Yum. Ma'anic tsac cha'le mulil, ma'anic tsaj cʌyʌ Dios.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Isaias 59:13

La cujil mach xuc'ulonicla ti lac Yum. Tsa' lac ñusʌbe i t'an. Ma'anic tsa' lac tsʌcle Dios. Tsa'ix laj como lac t'an cha'an mi lac cha'len contra. Tsa' lac wʌn ña'ta lot ti lac pusic'al. Tsa' laj cʌntesa yaño' bʌ.

Isaias 64:4

C'ʌlʌl wʌle ma'anic ba' wis ubibil i cha'an winicob yambʌ dios bajche' jatet. Ma'anic yambʌ cʌmbil bʌ c cha'an lojon mu' bʌ i mel ñuc tac bʌ i ye'tel cha'an mi' coltan jini mu' bʌ i ñop ti' xuc'tilel i pusic'al.

Jeremias 14:20

Mic sub lojon c mul. Isujm añʌch lojon c mul ti' tojel a wut.

Jeremias 14:7

Isujm, cabʌl c mul lojon ti a tojlel, c Yum, pero p'untañon lojon cha'an ma' q'uejlel ti ñuc. Tsaj cʌyʌyet lojon. Tsac ñusa lojon a t'an.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 30:14

Jini c'uxbibilo' bʌ a cha'an ma'anix mi' chʌn ña'tañet. Ma'anix mi' sʌclañet. Joñon tsac jats'ʌyet. Tsaj c'ʌñʌ a contra mach bʌ yujilic p'untaya cha'an mi cʌq'uet ti wocol, come cabʌl a mul. Wen jontol jax a pusic'al.

Jeremias 44:3

Tsac jisayob cha'an cabʌl i jontolil. Tsi' ch'ujutesayob yambʌ diosob mach bʌ i cʌñʌyobic, ch'oyolo' bʌ ti ñajt bʌ pañimil. Tsi' pulbeyob pom. Che' jini tsi' techbeyoñob c mich'ajel.

Lamentaciones 1:18

Sion woli' yʌl: Toj lac Yum ti pejtelel i melbal, pero an c mul cha'an tsac ñusʌbe i t'an. Ubin c t'an che' jini, pejtel winicob. Q'uele c wocol. Majlemobix ti to'ol e'tel jini calobilob, jini xch'ocob yic'ot ch'itoñob c'uxbibilo' bʌ c cha'an.

Lamentaciones 1:20

Q'uele c Yum. Wen ch'ijiyemon. Wocol jax mi cubin tic pusic'al. Wolic mel c pusic'al cha'an cabʌl c mul. Tsac ñusʌbeyet a t'an. Ya' ti bij woli' chʌmelob cabʌlob ti espada. Ti mal otot woli' chʌmelob ti c'amʌjel.

Lamentaciones 3:42

Añʌch lac mul. Tsa' lac ñusʌbe i mandar. Maxto anic tsi' ñusʌbeyonla lac mul.

Ezequiel 6:9

Jini tsa' bʌ coliyob mi caj i chʌn ña'tañoñob ya' ba' pujquemob, come mi caj cʌq'ueñob i melob i pusic'al cha'an tsi' c'uxbiyob dioste' tac ti' ts'i'lel i pusic'al. Ti jim bʌ ora mi caj i yubiñob quisin cha'an i mul tsa' bʌ i meleyob.

Daniel 9:11

Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Daniel 9:15

C Yum Dios, jatet tsa' loc'sa a tejclumob ti Egipto ti ñuc bʌ a p'ʌtʌlel. Tsa' wʌc'ʌ ti wen cʌjñel a c'aba' ti jim bʌ q'uin c'ʌlʌl wʌle, pero an lojon c mul ti a tojlel. Tsa'ix c cha'le lojon jontolil.

Daniel 9:9

Pero jatet, c Yum lojon Dios, awujil p'untaya. Ma' ñusʌbeñob i mul a contrajob.

Oseas 1:2

Jiñʌch ñaxan bʌ t'an tsa' bʌ subenti Oseas cha'an lac Yum: Yom ma' pʌy cha'an a wijñam juntiquil x'ixic mu' bʌ caj i cʌyet cha'an i ts'i'lel. Che' jini mi caj i yʌq'ueñet a majan alobil cha'an i ts'i'lel. Che'i mi caj c tsictesan i ts'i'lel c winicob x'ixicob. Woli' cʌyoñob. Woli' ch'ujutesañob dioste' tac, che'en.

Malaquias 3:7

Anquese tsa'ix la' ts'a'le c mandar ti wajali, wʌle yom mi la' cha' sutq'uin la' bʌ ba' añon, che'en i Yum Panchan yic'ot Pañimil. La'la. Mi caj c ñusʌbeñet la' mul, che'en. Pero mi la' lon al: “Ma'anic ba' ora tsaj cʌyʌyet lojon”, che'etla.

Hebreos 3:12

Jini cha'an hermanojob, chʌcʌ q'uele la' bʌ ame tejchic jontolil ti la' pusic'al, ame mi la' cʌy jini cuxul bʌ Dios mi mach xuc'ulic mi la' ñop.