Daniel 9:4 - Chol: I T’an Dios

⁴ Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Chol de Tumbalá Bible

⁴ Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Daniel 9:4 Iomraidhean Croise

2 Cronicas 7:14

yom mi' peq'uesañob i bʌ. Mi tsa' caji i pejcañoñob ti oración, mi tsi' cʌyʌyob i jontolil yic'ot leco bʌ i melbalob cha'an mi' tsajcañon, che' jini mi caj c ñich'tʌbeñob i yoración wʌ' ba'añon ti panchan. Mi caj c ñusʌbeñob i mul. Mi caj c lajmesʌbeñob i wocol cha'an i mul.

Esdras 10:1

Che' woli ti oración jini Esdras, pʌcʌl ti lum woli ti uq'uel. Woli' tsictesʌbeñob i mul israelob ya' ti' tojel i Templo Dios. Tsi' tempayob tilel i bʌ cabʌl israelob ti' joytʌlel Esdras, winicob, x'ixicob yic'ot alʌlob. Ti' pejtelelob woliyob ti uq'uel.

Nehemias 1:5

Tsa cʌlʌ: C Yum Dios añet bʌ ti panchan, mic pejcañet. P'ʌtʌl bʌ Dioset cabʌl a ñuclel. Mic bʌc'ñañet lojon. Ma' pʌsbeñob a wutslel yic'ot i sujmlel a pacto pejtel mu' bʌ i jac'beñetob a mandar, mu' bʌ i c'uxbiñetob.

Nehemias 9:32

C Dios lojon, ñuc bʌ Dioset, p'ʌtʌlet, bʌc'ñʌbilet. Ma' ts'ʌctesan jini xuc'ul bʌ a t'an. Cabʌl ma' pʌs a c'uxbiya. Jini cha'an q'ueleyon lojon. Cabʌlʌchix c wocol tsa' bʌ tili tic tojlel lojon, ti' tojlel c rey lojon, yic'ot c yumob lojon, yic'ot c motomajob lojon, yic'ot x'alt'añob tsa' bʌ a chocbeyon lojon tilel, yic'ot c tat lojon, yic'ot pejtel winicob x'ixicob a cha'año' bʌ. An c wocol c'ʌlʌl che' bʌ tsi' cha'leyob yumʌntel jini asiriajob c'ʌlʌ wʌle. Ma'anic mi' lajmel.

Salmos 32:5

Tsac subeyet c mul, ma'anic tsac mucu c mul. Tsa cʌlʌ: Mi caj c subeñet c jontolil c Yum, cho'on. Jatet tsa' ñusʌbeyon c mul yic'ot c jontolil.

Exodo 20:6

Mic pʌsbeñob i yutslel c pusic'al bajc'ʌlob mu' bʌ i c'uxbiñoñob mu' bʌ i jac'beñon c mandar.

Jeremias 3:13

Jini jach yom ma' mel a bʌ quic'ot. Subu a mul cha'an tsa' ñusʌbe i t'an a Yum Dios. Tsa' cha'le ts'i'lel ti' tojel c wut. Tsa' ch'ujutesa dios tac ti' yʌxñʌlel pejtel te' cha'an mach a womic a jac'beñon c t'an.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Daniel 6:10

Che' bʌ tsi' yubi Daniel melbilix jini mandar, tsa' majli ti' yotot. Tsa' ochi ti mal ba' mi' wʌyel cha'an mi' pejcan Dios che' bajche' i tilel. Jamʌl i ventanajlel am bʌ ti' tojel Jerusalén. I tilel mi' ñoctʌl ya'i uxyajl ti jujump'ejl q'uin cha'an mi' pejcan Dios. Tsi' ñocchoco i bʌ ti oración cha'an mi' ch'ujutesan. Tsi' sube wocolix i yʌlʌ Dios.

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Lucas 1:72

Che' jini mi caj i p'untañonla che' bajche' tsi' subeyob lac ñojte'el. Mi caj i ña'tan jini ch'ujul bʌ xuc'ul bʌ t'an

Romanos 8:28

La cujil mi' c'ʌn Dios pejtelel chuqui tac mi' yujtel cha'an i wenlel jini mu' bʌ i c'uxbiñob Dios, jini pʌybilo' bʌ i cha'an che' bajche' tsi' wʌn ña'ta.

Deuteronomio 5:10

Mi cutsi p'ojlesʌbeñob i yutslel c pusic'al mu' bʌ i c'uxbiñoñob, mu' bʌ i jac'ob c mandar c'ʌlʌl ti jump'ejl mil i lajm la' p'olbal.

Deuteronomio 7:12

Mi muq'uix la' wubin pejtelel jini t'an, mi muq'uix la' wen jac' lac Yum Dios, mi cajel i chʌn ña'tan jini xuc'ul bʌ i t'an yic'ot i yutslel i pusic'al che' bajche' tsi' wʌn subeyob la' ñojte'elob.

Deuteronomio 7:21

Mach la' bʌc'ñañob, come lac Yum Dios an la' wic'ot. Wen ñuc ajñel, wen bʌc'ñʌbil.

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.

Santiago 1:12

Tijicña jini mu' bʌ i cuch wocol ti uts'at, come che' ñumenix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'an Dios. Dios mi caj i yʌq'ueñob pejtelel mu' bʌ i c'uxbiñob.

Santiago 2:5

C'uxbibilo' bʌ quermanojob, ubinla. Dios tsi' yajca jini mach bʌ añobic i chubʌ'an ti pañimil cha'an mi' wen chumtʌlob cha'an jini mu' bʌ lac ñop, come mi caj i yajñelob ti' yumʌntel Dios yic'ot pejtel mu' bʌ i c'uxbiñob Dios che' bajche' albil i cha'an.