Daniel 9:3 - Chol: I T’an Dios

³ Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Chol de Tumbalá Bible

³ Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Daniel 9:3 Iomraidhean Croise

2 Samuel 12:16

David tsi' pejca lac Yum ti oración cha'an mi' lajmel jini ch'iton. Ma'anic chuqui tsi' wis c'uxu David. C'ʌlʌl tsa' ñumi ac'ʌlel, ya' jach ñolol ti to'o lum.

Esdras 10:6

Esdras tsa' loq'ui ti Templo. Tsa' majli ti' tsalʌl Johanán (i yalobil Eliasib), pero ma'anic chuqui tsi' c'uxu, ma'anic chuqui tsi' japʌ. Come wen cabʌl i ch'ijiyemal i pusic'al cha'an ti' caj i mulob jini tsa' bʌ sujtiyob tilel ti' lumal.

Esdras 8:21

Che' ya'to añon lojon ti colem ja' i c'aba' Ahava, tsac subeyob cha'an yom mic cha'len lojon ch'ajb, cha'an mic peq'uesan lojon c bʌ ti' wut Dios. Che' jini tsaj c'ajtibe lojon Dios cha'an mi' toj'esañon lojon majlel ti bij, cha'an mi' cʌntañon lojon quic'ot calobil lojon, quic'ot c chubʌ'an lojon.

Esdras 9:5

Che' i yorajlelix che' mi' yʌq'uentel i majtan Dios, tsac peq'uesa c bʌ. Tsac ñocchoco c bʌ. Tsac letsa j c'ʌb ti' tojlel lac Yum Dios.

Nehemias 9:1

Che' ti 10 de octubre tsi' tempayob i bʌ jini israelob. Tsi' cha'leyob ch'ajb. Tsi' lʌpʌyob coxtal. Tsi' mujlayob i jol ti' ts'ubeñal lum.

Ester 4:16

Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Salmos 35:13

Pero mach che'ic tsac melbeyob. Che' c'amob tsac lʌpʌ coxtal i yejtal i ch'ijiyemlel c pusic'al. Tsac cha'le ch'ajb, tsac peq'uesa c bʌ. Tsac lon cha'le oración.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Jeremias 33:3

C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Ezequiel 36:37

Lac Yum Dios woli' yʌl: Wolic pijtan i yoración jini israelob mu' bʌ caj i c'ajtibeñoñob i wenlel i lumal. Chajpʌbilon cha'an mi cʌq'ueñob chuqui yomob. Mi caj c p'ojl'esañob che' bajche' i yonlel tiñʌme' ti' bijlel tac Jerusalén ba' ora mi yʌq'ueñob Dios tsʌnsʌbil bʌ i majtan. Che'ʌch mi caj i p'ojlelob winicob ti' tejclum tac Israel ba' jejmen wʌle. Ti jim bʌ ora mi caj i ña'tañob Yumʌlon”. Che' tsi' yʌlʌ lac Yum.

Daniel 6:10

Che' bʌ tsi' yubi Daniel melbilix jini mandar, tsa' majli ti' yotot. Tsa' ochi ti mal ba' mi' wʌyel cha'an mi' pejcan Dios che' bajche' i tilel. Jamʌl i ventanajlel am bʌ ti' tojel Jerusalén. I tilel mi' ñoctʌl ya'i uxyajl ti jujump'ejl q'uin cha'an mi' pejcan Dios. Tsi' ñocchoco i bʌ ti oración cha'an mi' ch'ujutesan. Tsi' sube wocolix i yʌlʌ Dios.

Daniel 9:20

Che' woliyon to ti oración, wolic tsictesan c mul yic'ot i mul c pi'ʌlob ti Israel. Wolij c'ajtiben lac Yum Dios cha'an mi' coltan jini ch'ujul bʌ wits, Jerusalén.

Daniel 9:4

Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Joel 1:13

Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Joel 2:12

Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Jonas 3:5

Jini chumulo' bʌ ti Nínive tsi' ñopoyob Dios. Tsa' cajiyob ti ch'ajb. Tsi' laj lʌpʌyob coxtal, jini wen chumulo' bʌ yic'ot jini p'ump'uño' bʌ.

Mateo 17:21

Pero jini xibajob ma'anic mi' to'ol loq'uelob, che' jach mi' loq'uelob ti oración yic'ot ti ch'ajb, che'en Jesús.

Lucas 2:37

C'ʌlʌl meba'ix che' bʌ tsi' taja chʌmp'ejl i jo'c'al (84) i jabilel. Ma'anic tsi' wis cʌyʌ i bʌ ti Templo ba' tsi' melbe i ye'tel Dios ti q'uiñil yic'ot ti ac'ʌlel yic'ot ch'ajb yic'ot oración.

Hechos 10:30

Cornelio tsi' sube: Anix chʌmp'ejl q'uin che' bajche' ti ili ora woliyon ti oración. Che' ti och'ajel q'uin, awilan juntiquil winic tsa' wa'le ti' tojel c wut. Wen sʌcxowan i bujc.