Daniel 9:12 - Chol: I T’an Dios

¹² Tsa' mele che' bajche' tsa' wʌlʌ. Tsa' choco tilel ñuc bʌ wocol tic tojlel lojon yic'ot ti' tojlel c yumob lojon. Tsa' jisa Jerusalén. Ti yambʌ ora ma'anic tsa cubi lojon ñuc bʌ wocol che' bajche' jini.

Chol de Tumbalá Bible

¹² Tsa' mele che' bajche' tsa' wʌlʌ. Tsa' choco tilel ñuc bʌ wocol tic tojlel lojon yic'ot ti' tojlel c yumob lojon. Tsa' jisa Jerusalén. Ti yambʌ ora ma'anic tsa cubi lojon ñuc bʌ wocol che' bajche' jini.

Daniel 9:12 Iomraidhean Croise

1 Reyob 3:9

Yom ma' wʌq'ueñon cabʌl c ña'tʌbal cha'an mic cha'len yumʌl ti' tojlelob, cha'an mic wen yajcan chuqui uts'at, come ma'anic majqui mi mejlel i bajñel cha'len yumʌl ti' tojlel pejtel a cha'año' bʌ, che'en Salomón.

Job 12:17

Dios mi' yotsan ti tonto juezob yic'ot xcʌntesajob.

Salmos 148:11

Jini reyob ti pañimil ja'el yic'ot pejtelel winicob x'ixicob ti mojt ti mojt, Jini yumʌlob ja'el yic'ot pejtel año' bʌ i ye'tel ti pañimil,

Salmos 2:10

Jini cha'an la'ix julic la' pusic'al, reyet bʌ la. Yom mi la' jac' la' cʌntesʌntel jatetla am bʌ la' we'tel ti pañimil.

Proverbios 8:16

Joñon mi cʌq'ueñob i cha'len yumʌl jini ñuc bʌ winicob. Mi cʌq'ueñob i ye'tel ti meloñel.

Isaias 43:28

Jini cha'an tsac loc'sa a motomajob ti' ye'tel. Tsa cʌc'ʌ ti p'ajtʌl jini israelob. Mi caj i yubiñob quisin.

Isaias 44:26

Joñon mi cʌq'ueñob c t'an jini x'alt'añob c cha'an. Mi cʌc' ti ts'ʌctiyel i t'an jini x'etelob c cha'an. Joñon mic suben c tejclum Jerusalén, cha' talob ti chumtʌl israelob wʌ' ti jini tejclum yic'ot ti' tejclum tac Judá. Cha'an c mandar mi caj i laj wa'chocontel otot ba' tsa' jejmi.

Jeremias 30:7

Obolob i bʌ cha'an tsa'ix tili i q'uiñilel ñuc bʌ wocol. Ti pejtelel ora ma'anic yambʌ che' bajche' jini. I yorajlelix mi' yubin wocol Jacob, pero mux caj i coltʌntel.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Jeremias 39:16

Suben jini etíope Ebedmelec: “I Yum Panchan yic'ot Pañimil, i Dios Israel, woli' yʌl: Awila to, mi caj c ts'ʌctesan c t'an ti' contra ili tejclum. Mi caj cʌq'uen i toj i mul. Ma'anic mi caj j coltan. Ti jim bʌ ora mux caj a q'uel chuqui mi caj i yujtel.

Jeremias 44:23

Tsa' la' pulu pom. Tsa' la' cha'le mulil ti' tojlel lac Yum. Ma'anic tsa' la' jac'be i t'an. Tsa' la' ñusʌbe i mandar yic'ot pejtelel i cʌntesʌbal. Jini cha'an tsa' tili ti la' tojlel ili ñuc bʌ wocol, che'en.

Lamentaciones 1:12

¿Mach ba la' wentajic jatetetla woliyet bʌ la ti ñumel? Q'uele mi an yambʌ woli bʌ i cuch wocol che' bajche' joñon. P'ump'un tsi' meleyon c Yum che' cʌlʌx jax i mich'ajel.

Lamentaciones 2:13

¿Chuqui mi mejlel c subeñetla, c pi'ʌlob ti Jerusalén? ¿Bajche' mi mejlel c ñʌch'tesʌbeñet la' pusic'al? Come cabʌl la' wocol che' bajche' i yonlel colem ñajb. Jisʌbiletla. ¿Majqui mi mejlel i lajmesañetla?

Lamentaciones 2:17

Pero jiñʌch lac Yum tsa' bʌ i mele Jerusalén che' bajche' tsi' wʌn alʌ. Tsi' ts'ʌctesa i t'an che' bajche' tsi' yʌlʌ wajali. Tsi' chocoyet jubel. Ma'anic tsi' p'untayet. Tsi' colta a contrajob. Jini cha'an chan woli' melob i bʌ ti a tojlel, tijicñayob i pusic'al.

Lamentaciones 4:6

Ti' caj i mul c pi'ʌlob woli' chʌmelob, come tsa' ñumi ti p'is i mul che' bajche' i mul Sodoma. Tsa' bʌc' jili Sodoma, anquese ma'anic i contrajintel ti winicob.

Ezequiel 13:6

Mi' lon q'uelob chuqui mach isujmic. Mi' ñopob lot. Mi' lon alob: Che'ʌch tsi' yʌlʌ lac Yum, che'ob, pero mach chocbilic majlel c cha'an. Woli' lon ña'tañob che'ʌch mi caj i yujtel che' bajche' woli' yʌlob.

Ezequiel 5:9

Cha'an leco jax la' melbal mi caj cʌq'ueñetla ñuc bʌ wocol max to bʌ anic tsa' la' wis ubi c'ʌlʌl wajali. Ma'anic mi caj c cha' aq'ueñetla wocol che' bajche' jini.

Daniel 12:1

Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Joel 2:2

Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Amos 3:2

Jatet jach j cʌñʌyetla ti' tojlel pejtel tejclum tac ti pañimil. Jini cha'an mi caj c ju'sʌbeñetla la' pusic'al cha'an pejtelel la' jontolil.

Zacarias 1:6

Tsi' yubiyob wocol cha'an i mul. Che' jini tsi' cʌyʌyob i mul. Tsa' caji i ña'tañob che'ʌch tsi' lu' melbeyob i Yum Panchan yic'ot Pañimil che' bajche' tsi' wʌn subeyob. Tsi' yʌq'ueyob i toj i mul ti jujuntiquil, che'en.

Zacarias 1:8

Tsaj q'uele ti ac'ʌlel c'ʌchʌcña woli' tilel Winic ti chʌchʌc bʌ caballo. Tsa' wa'le ti' yojlil mirto te' ti' ti' ja'. Ya' ti' pat tsaj q'uele yambʌ caballo tac, chʌchʌc bʌ yic'ot sʌsʌc bʌ yic'ot yʌxmulan bʌ.

Zacarias 7:12

Tsi' wen tsʌts'esayob i pusic'al che' bajche' diamante xajlel cha'an mach yomobic i jac'beñon c mandar yic'ot c t'an, anquese tsac chocbeyob tilel ti' wenta x'alt'añob cʌntesʌbilo' bʌ tic Espíritu ti oñiyi. Che' jini tsi' wen techbeyoñob c mich'ajel.

Mateo 24:21

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal pañimil c'ʌlʌl wʌle, c'ʌlʌl ti pejtelel ora.

Mateo 5:18

Come isujm mic subeñetla, mach mejlic ti sujcuntel loq'uel mi jump'ejlic jota mi jump'ejlic punto ti jini mandar c'ʌlʌl ti' jilibal pañimil yic'ot panchan, c'ʌlʌl jinto mi' ts'ʌctiyel pejtelel i subal.

Marcos 13:19

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal jini pañimil tsa' bʌ i mele Dios, c'ʌlʌl wʌle, c'ʌlʌl ti pejtelel ora.

Lucas 21:22

Jiñʌch q'uin tac che' mi caj i q'uextʌbentelob i jontolil, cha'an mi' yujtel ti pejtelel che' bajche' ts'ijbubil.

Romanos 15:8

Come mic subeñetla tsa' tili Cristo Jesús i coltan jini tsepbilo' bʌ i pʌchʌlel cha'an mi yʌc' ti tsictiyel isujmʌch Dios, cha'an ja'el mi' ts'ʌctesan jini t'an tsa' bʌ subentiyob lac ñojte'el,