Daniel 9:11 - Chol: I T’an Dios

¹¹ Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Chol de Tumbalá Bible

¹¹ Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Daniel 9:11 Iomraidhean Croise

2 Reyob 18:12

Come ma'anic tsi' jac'beyob i t'an lac Yum Dios. Tsi' juch' t'uchtayob jini xuc'ul bʌ i t'an lac Yum, yic'ot pejtelel i t'an lac Yum che' bajche' tsi' yʌc'ʌ mandar Moisés i winic Dios.

Isaias 1:3

Jini wacax mi' cʌn i yum. Jini burro mi' wen cʌmben i yotot i yum ba' mi' taj i buc'bal. Pero Israel ma'anic mi' ch'ʌmben isujm. Jini mero c cha'año' bʌ ma'anic mi' cʌñonob.

Isaias 43:28

Jini cha'an tsac loc'sa a motomajob ti' ye'tel. Tsa cʌc'ʌ ti p'ajtʌl jini israelob. Mi caj i yubiñob quisin.

Jeremias 16:11

Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Jeremias 2:29

¿Chucoch wola' wʌ'leñon cha'an a wocol? Junlajaletla, tsa' la' ñusʌbeyon c t'an, che'en lac Yum.

Jeremias 30:14

Jini c'uxbibilo' bʌ a cha'an ma'anix mi' chʌn ña'tañet. Ma'anix mi' sʌclañet. Joñon tsac jats'ʌyet. Tsaj c'ʌñʌ a contra mach bʌ yujilic p'untaya cha'an mi cʌq'uet ti wocol, come cabʌl a mul. Wen jontol jax a pusic'al.

Jeremias 32:23

Wʌ' tsa' ochi jini c tat lojon. Tsi' ch'ʌmʌyob jini lum. Pero ma'anic tsi' jac'ʌyob a t'an. Ma'anic tsi' meleyob che' bajche' cʌntesʌbilob ti a mandar. Ma'anic chuqui tsi' wis meleyob ti uts'at ti' tojlel a mandar. Jatet wola' chocbeñob tilel ili wocol cha'an ti' cajob i mul.

Jeremias 40:3

Ts'ʌcʌl tsi' mele che' bajche' tsi' wʌn alʌ. Ti' caj la' mul tsi' choco tilel ili wocol cha'an ma'anic tsa' la' jac'be i t'an. Jini cha'an woliyetla ti wocol.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Jeremias 44:23

Tsa' la' pulu pom. Tsa' la' cha'le mulil ti' tojlel lac Yum. Ma'anic tsa' la' jac'be i t'an. Tsa' la' ñusʌbe i mandar yic'ot pejtelel i cʌntesʌbal. Jini cha'an tsa' tili ti la' tojlel ili ñuc bʌ wocol, che'en.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Jeremias 9:26

Egipto, Edom, i yalobilob Amón yic'ot Moab yic'ot jini arabob chumulo' bʌ ti tiquin bʌ lum yic'ot ja'el jini año' bʌ ti Judá. Come junlajalob pejtelel ili tejclum tac mach bʌ anic mi' tsepob i pʌchʌlel. Pero jatet Judá, ma'anic ma' tsep a pusic'al cha'an ma' c'uxbiñon. Lolom jach ma' tsep a pʌchʌlel.

Daniel 9:13

Pejtel ili wocol tsa' tili tic tojlel lojon che' bajche' ts'ijbubil ti' mandar Moisés. Pero ma'anic tsac sʌclayet lojon, c Yum Dios. C'ʌlʌl wʌle ma'anic wolij cʌy lojon c mul. Ma'anic wolic p'is lojon ti wenta mi xuc'ul a t'an.

Daniel 9:5

Tsa'ix c cha'le lojon mulil yic'ot jontolil. Tsac ñusa lojon a t'an.

Zacarias 1:6

Tsi' yubiyob wocol cha'an i mul. Che' jini tsi' cʌyʌyob i mul. Tsa' caji i ña'tañob che'ʌch tsi' lu' melbeyob i Yum Panchan yic'ot Pañimil che' bajche' tsi' wʌn subeyob. Tsi' yʌq'ueyob i toj i mul ti jujuntiquil, che'en.

Zacarias 7:12

Tsi' wen tsʌts'esayob i pusic'al che' bajche' diamante xajlel cha'an mach yomobic i jac'beñon c mandar yic'ot c t'an, anquese tsac chocbeyob tilel ti' wenta x'alt'añob cʌntesʌbilo' bʌ tic Espíritu ti oñiyi. Che' jini tsi' wen techbeyoñob c mich'ajel.

Zacarias 8:13

Ti yambʌ ora pam pujquemob i p'olbal Judá yic'ot Israel ti' tojlel yan tac bʌ tejclum tsa' bʌ i p'ajayetla. P'ump'uñetla. Pero wʌle mach chʌn che'ix. Mi caj j coltañetla cha'an mi la' taj pejtel chuqui yom. Jini cha'an mach la' chʌn cha'len bʌq'uen. Chʌn melela jini Templo, che'en lac Yum.

Deuteronomio 8:20

Che' bajche' lac Yum tsi' jisa winicob ti mojt ti mojt cha'an mi' yotsañetla ti' lumob, che' ja'el mi caj i jisañetla cha'an mach la' womic la' jac'ben i mandar.