Daniel 8:5 - Chol: I T’an Dios

⁵ Tsac cha'le tsic pusic'al cha'an ma'anic tsac ch'ʌmbe isujm. Ti ora tsa' tili tat chivo loq'uem bʌ ti' bʌjlibal q'uin. Tsa' tili ti ajñel. Ma'anic tsi' t'uchta lum yilal. An junts'ijt colem bʌ i xulub ya' ti' yojlil jini cha'p'ejl i wut.

Chol de Tumbalá Bible

⁵ Tsac cha'le tsic pusic'al cha'an ma'anic tsac ch'ʌmbe isujm. Ti ora tsa' tili tat chivo loq'uem bʌ ti' bʌjlibal q'uin. Tsa' tili ti ajñel. Ma'anic tsi' t'uchta lum yilal. An junts'ijt colem bʌ i xulub ya' ti' yojlil jini cha'p'ejl i wut.

Daniel 8:5 Iomraidhean Croise

Daniel 11:3

Che' jini mi caj i tejchel yambʌ rey wen yujil bʌ guerra. I bajñel mi caj i cha'len yumʌl ti pañimil. Mi caj i yutsi ñuq'uesan i yumʌntel. Mi caj i mel che' bajche' yom i bajñel pusic'al.

Daniel 2:32

Melbil ti puro oro i jol. Melbil ti puro plata i tajn yic'ot i c'ʌb. Melbil ti bronce i ñʌc' yic'ot i jol i ya'.

Daniel 2:39

Che' mi' yujtel a yumʌntel mi caj i tejchel yambʌ yumʌl am bʌ i ñuclel, pero mach lajalic bajche' a ñuclel. Che' mi' jilel i yumʌntel mi caj i tejchel i yuxticlel yumʌl lajal bʌ bajche' bronce, mu' bʌ caj i yumʌntel ti pejtelel pañimil.

Daniel 7:6

Ti wi'il tsaj q'uele yambʌ bʌte'el, lajal bajche' bajlum. An cha'q'uejl i wich' ti' pat. An chʌmp'ejl i jol. Tsa' aq'uenti cabʌl i p'ʌtʌlel cha'an mi' mʌlben yambʌ bʌte'el tac.

Daniel 8:21

Jini tat chivo jiñʌch yumʌl ti Grecia. Jini tam bʌ i xulub am bʌ ti' yojlil i wut jiñʌch ñaxan bʌ rey ti Grecia.

Daniel 8:6

Tsa' c'oti ti lʌc'ʌl ba'an jini tat tiñʌme' am bʌ cha'ts'ijt i xulub. Jiñʌch wa'al bʌ ya' ti' ñoja' tsa' bʌ j q'uele ti ñaxan. Ajñel tsa' tili tat chivo i contrajin jini tat tiñʌme' ti pejtelel i p'ʌtʌlel.

Daniel 8:8

Tsa' utsi caji ti tsictiyel i ñuclel jini tat chivo. Che' cabʌlix i p'ʌtʌlel tsa' bʌc' c'ocbenti loq'uel jini chan bʌ xulub. Ya' ba' tsa' loq'ui junts'ijt tsa' pasi yambʌ chʌnts'ijt tsa' bʌ i tuch'u i chʌnwejlel pañimil.