Daniel 8:4 - Chol: I T’an Dios

⁴ Jini tat tiñʌme' tsi' pam cha'le lujchiya. Tsi' laj choco tac jini am bʌ ti' tojel i wut. Ma'anic majch tsa' mejli i jisan cha'an cabʌl i p'ʌtʌlel. Tsi' mele che' bajche' yom. Tsi' wen ñuq'uesa i bʌ.

Chol de Tumbalá Bible

⁴ Jini tat tiñʌme' tsi' pam cha'le lujchiya. Tsi' laj choco tac jini am bʌ ti' tojel i wut. Ma'anic majch tsa' mejli i jisan cha'an cabʌl i p'ʌtʌlel. Tsi' mele che' bajche' yom. Tsi' wen ñuq'uesa i bʌ.

Daniel 8:4 Iomraidhean Croise

1 Reyob 22:11

Jini Sedequías (i yalobil Quenaana) tsi' chajpa cha'ts'ijt xulub melbil bʌ ti tsucu taq'uin. Tsi' yʌlʌ: Lac Yum tsi' yʌlʌ: “Ili xulub i yejtalʌch a p'ʌtʌlel ti' contra jini siriajob. An i c'ʌjñibal cha'an mi la' laj jisañob”, che'en.

Job 10:7

A wujil mach jontolonic. Ma'anic majch mi' coltañon loq'uel ti a c'ʌb.

Salmos 44:5

Mi caj c choc lojon jubel j contrajob cha'an ti a p'ʌtʌlel. Ti a c'aba' mi caj c t'uchtan lojon jini mu' bʌ i contrajiñon lojon.

Salmos 50:22

Ña'tanla iliyi jatetla mach bʌ anic mi la' ña'tañon Ame mic bic'ti jisañetla ame mach chʌn coliquetla.

Salmos 7:2

Ame mi' mil c'uxon j contra che' bajche' bajlum, Ame mi' tujc'añon majlel cha'an mi' bic'tesañon che' ma'anic majqui mi' coltañon.

Ezequiel 34:21

Tsa' la' cha'le cujoñel ti la' ts'ejtʌl yic'ot la' quejlab. Tsa' la' cuju yic'ot la' xulub jini c'uño' bʌ. Tsa' la' pam pucuyob ti pejtelel.

Daniel 11:16

Jini rey ch'oyol bʌ ti Siria mi caj i mel bajche' jach yom i pusic'al. Ma'anic majqui mi mejlel i mʌctan. Mi caj i c'ʌlʌl ochel ti' lumal Israel jini i t'ojol bʌ lum. Mi caj i yotsan ti pobre.

Daniel 11:36

Jini rey ti Siria mi cajel i mel che' bajche' bajñel yom. Mi caj i ñuq'uesan i bʌ. Mi caj i chañ'esan i bʌ ti' tojlel pejtel diosob. Mi caj i p'aj jini mero Dios. Tijicña mi caj i q'uel pejtel i melbal c'ʌlʌl mi' c'otel i yorajlel che' mi' toj i mul. Come mi caj i yujtel che' bajche' tsi' wʌn ña'ta Dios.

Daniel 5:19

Pejtel jini tejclum tac ti pañimil yujilo' bʌ t'an ti chajp ti chajp tsi' wen bʌc'ñayob cha'an cabʌl jax i ñuclel aq'uebil bʌ ti Dios. Tsiltsilñayob ti' tojlel. Come tsi' tsʌnsa majqui jach yom, pero mi yom i col, cuxul tsa' ajni. Tsi' yʌq'ue i ñuclel jini c'uxbibil bʌ i cha'an. Tsi' chilbe i ñuclel jini ts'a'lebil bʌ i cha'an.

Daniel 5:30

Ti jim bʌ ac'ʌlel tsa' tsʌnsʌnti Belsasar i rey caldeojob.

Daniel 7:5

Tsaj q'uele i cha'cojtlel bʌte'el lajalʌch bajche' oso, ch'uyul i c'ʌb cha'an mi' cha'len tijp'el. An uxts'ijt i bʌquel ch'i'latʌl c'uxul bʌ i cha'an. Tsa' subenti: “Ch'ojyen, wen c'uxu we'elʌl bajche' c'amel a wom”.

Daniel 8:7

Wen mich' tsa' c'oti ti' tojlel tat tiñʌme'. Tsi' c'ʌsbe i xulub ti cha'ts'ijtlel. Ma'anix i p'ʌtʌlel jini tat tiñʌme' cha'an mi' coltan i bʌ. Jini tat chivo tsi' choco ti lum. Tsa' caji i t'uchtan. Ma'anic majch tsa' mejli i coltan jini tat tiñʌme'.

Miqueas 5:8

Ñuc mi caj i q'uejlel Israel ti' tojlel yan tac bʌ tejclumob che' bajche' bajlum ti' tojlel bʌte'el. Israel mi caj i c'uxob. Mi caj i t'uchtañob. Ma'anic i p'ʌtʌlel jini tejclum tac ti' tojlel Israel. Che'ʌch añob bajche' tiñʌme' ti' tojlel bajlum.

Deuteronomio 33:17

Lajalʌch i p'ʌtʌlel bajche' alʌ wacax, i yʌx al bʌ Yic'ot i xulub jini mate' wacax. Mi caj i c'ʌn i p'ʌtʌlel cha'an mi' low jini tejclumob c'ʌlʌl ti' jilibal pañimil. Che' yilalob jini bajc'ʌlelob año' bʌ ti Efraín. Che'ʌch yilalob ti mil ti mil jini año' bʌ ti Manasés.