Daniel 8:3 - Chol: I T’an Dios

³ Che' bʌ tsac letsa c wut tsaj q'uele juncojt tat tiñʌme' ti' ti' jini ñoja'. An cha'ts'ijt i xulub, wen chan tac, pero ñumen chan junts'ijt bajche' yambʌ. I cha'ts'ijtlel bʌ tsa' bʌ pasi ti wi'il tsi' ñusʌbe i chanlel jini ñaxan bʌ.

Chol de Tumbalá Bible

³ Che' bʌ tsac letsa c wut tsaj q'uele juncojt tat tiñʌme' ti' ti' jini ñoja'. An cha'ts'ijt i xulub, wen chan tac, pero ñumen chan junts'ijt bajche' yambʌ. I cha'ts'ijtlel bʌ tsa' bʌ pasi ti wi'il tsi' ñusʌbe i chanlel jini ñaxan bʌ.

Daniel 8:3 Iomraidhean Croise

1 Cronicas 21:16

Che' bʌ tsi' ts'ita' letsa i wut David ti panchan, tsi' q'uele ya' wa'al i yángel lac Yum ya' ti yojlil pañimil, bots'bil i cha'an i yespada ti' c'ʌb cha'an mi' jisan jini año' bʌ ti Jerusalén. David yic'ot jini xñox taco' bʌ ya' ti tejclum tsi' ñocchocoyob i bʌ. Tsi' lʌpʌyob coxtal.

Esdras 1:2

Joñon, Ciro, wolic pam sub: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len mandar ti pejtelel pañimil. Tsa'ix i yʌc'ʌ tic wenta ja'el cha'an mic melben i Templo ya' ti Jerusalén am bʌ ti Judá.

Ester 1:3

tsi' cha'le q'uiñijel che' uxp'ejlix jab i yumʌntel. Tsi' pʌyʌ tilel jini ñuco' bʌ i ye'tel yic'ot i winicob yic'ot capitañob loq'uemo' bʌ ti Persia yic'ot ti Media. Che' bʌ ya' añob gobernadorob yic'ot wen chumulo' bʌ ti' tojlel,

Isaias 13:17

Awilan mi caj c xic' tilel jini medojob cha'an mi' contrajiñob. Ma'anic mi caj i jac'ob i pʌyol ti taq'uin mi plata mi oro.

Isaias 21:2

C'ax bʌbʌq'uen jax jini tsa' bʌ j q'uele. Jini yujil bʌ i chon i pi'ʌl woli' chijtan. Jini yujil bʌ jisaya woli ti jisaya. Mi caj la' jisʌntel. Talob i contrajiñetla jini elamob yic'ot jini medojob. Mi' caj ti jejmel i p'ʌtʌlel Babilonia. Mi' caj ti lajmel i yajcʌn jini cʌchʌlo' bʌ año' bʌ ti' wenta Babilonia.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Jeremias 51:11

Jujchinla i te'el jalʌjb. Lʌpʌla la' pislel cha'an guerra. Lac Yum tsi' xic'beyob i pusic'al jini reyob ti Media cha'an mi' tilelob i jisan Babilonia che' bajche' tsi' wʌn ña'ta, come woli' yʌq'ueñob i toj i mul cha'an tsi' jisʌbeyob i Templo lac Yum.

Daniel 10:5

Tsaj q'uele juntiquil winic xojol bʌ i pislel melbil bʌ ti lino yic'ot i cajchiñʌc' melbil bʌ ti oro. Che' yilal i bʌc'tal che' bajche' i t'ojol jax bʌ xajlel i c'aba' topacio. Lemlaw i wut bajche' i xu'il chajc. Lajal i bʌc' i wut che' bajche' xutunte' woli bʌ ti lejmel. Che' yilal i c'ʌb i yoc bajche' wen juc'bil bʌ bronce. Ju'ucña i t'an che' bajche' i t'an cabʌl winicob.

Daniel 2:39

Che' mi' yujtel a yumʌntel mi caj i tejchel yambʌ yumʌl am bʌ i ñuclel, pero mach lajalic bajche' a ñuclel. Che' mi' jilel i yumʌntel mi caj i tejchel i yuxticlel yumʌl lajal bʌ bajche' bronce, mu' bʌ caj i yumʌntel ti pejtelel pañimil.

Daniel 5:31

Darío yumʌl bʌ ti Media tsi' ch'ʌmbe i yumʌntel. Anix cha'p'ejl i chʌnc'al (62) i jabilel Darío che' bʌ tsi' teche i yumʌntel.

Daniel 6:28

Che' jini añʌch i ñuclel Daniel ti' yumʌntel Darío yic'ot ti' yumʌntel Ciro ch'oyol bʌ ti Persia.

Daniel 7:5

Tsaj q'uele i cha'cojtlel bʌte'el lajalʌch bajche' oso, ch'uyul i c'ʌb cha'an mi' cha'len tijp'el. An uxts'ijt i bʌquel ch'i'latʌl c'uxul bʌ i cha'an. Tsa' subenti: “Ch'ojyen, wen c'uxu we'elʌl bajche' c'amel a wom”.

Daniel 8:2

Tsaj q'uele che' bajche' ya' añon ti Susa, jiñʌch ñuc bʌ tejclum ti' yumʌntel Elam. Ya' añon ti' ti' jini ñoja' i c'aba' Ulai.

Daniel 8:20

Jini tat tiñʌme' tsa' bʌ a q'uele am bʌ cha'ts'ijt i xulub, jiñʌch rey ti Media yic'ot jini rey ti Persia.

Zacarias 1:18

Che' bʌ tsac letsa c wut, tsaj q'uele ya'an chʌnts'ijt xulub.

Zacarias 2:1

Che' bʌ tsac letsa c wut, tsaj q'uele winic yic'ot junts'ijt te' chucul bʌ i cha'an, jump'ejl metro i tamlel jini te'.

Zacarias 5:1

Tsac cha' letsa c wut. Tsaj q'uele jumbʌjl jun woli bʌ ti wejlel.

Zacarias 5:5

Che' jini tsa' poj loq'ui majlel jini ángel woli bʌ ti t'an quic'ot. Pero tsa' cha' tili i subeñon: Q'uele jini woli bʌ ti wejlel tilel, che'en.

Zacarias 5:9

Tsaj q'uele, awilan woli' wejlel tilel cha'tiquil x'ixicob. Lajalob i wich' che' bajche' i wich' ja'al pech. Tsa' caji i ch'uyob majlel jini chiquib.

Zacarias 6:1

Che' bʌ tsac cha' letsa c wut, tsaj q'uele woli' loq'uel tilel chʌncojt carreta ti' yojlil cha'p'ejl wits, puro bronce jini wits tac.

Numeros 24:2

Che' bʌ tsi' can q'uele pañimil, tsi' q'uele israelob ti mojt ti mojt ya' ba' chumulob ti joctʌl. I yEspíritu lac Yum tsa' c'oti ba'an Balaam. Tsi' yʌc'ʌ ti t'an:

Josue 5:13

Che' bʌ lʌc'ʌlix tsa' c'oti Josué ya' ti Jericó, tsi' q'uele ya' wa'al juntiquil winic ti' tojel. Chucul i cha'an jini winic junts'ijt espada, bots'bil i cha'an ti' yotot. Josué tsi' lʌc'tesa i bʌ ya' ba' wa'al. Tsi' c'ajtibe: ¿Jatet ba jini c pi'ʌlet bʌ lojon o jatet ba jini i pi'ʌlet bʌ j contra lojon? che'en Josué.

Apocalipsis 13:11

Ti wi'il tsaj q'uele yambʌ jontol bʌ bʌte'el. Tsa' loq'ui tilel ti lum. An cha'ts'ijt i xulub lajal bajche' i xulub alʌ tat tiñʌme', pero tsi' cha'le t'an che' bajche' ajin.

Apocalipsis 5:6

Tsaj q'uele ya'an jini Tiñʌme' ti' tojel i buchlib Dios, joyol ti chʌntiquil querubiñob yic'ot ancianojob. Tsiquil tsa' tsʌnsʌnti jini Tiñʌme' pero cha' cuxul. An wucts'ijt i xulub i yejtal i p'ʌtʌlel yic'ot wucp'ejl i wut. Jiñʌch wuctiquil espíritu i cha'an Dios chocbilo' bʌ tilel ti pejtelel pañimil.