Daniel 8:25 - Chol: I T’an Dios

²⁵ Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Chol de Tumbalá Bible

²⁵ Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Daniel 8:25 Iomraidhean Croise

Job 34:20

Ti jujumuc' an bʌq'uen mi lac chʌmel ti q'uiñil yic'ot ti ac'ʌlel. Jini chano' bʌ yic'ot jini pec'o' bʌ mi' ñijcuyelob, mi' jilelob. Jini año' bʌ i ye'tel mi' loq'uelob ti' ye'tel che' bajche' wʌn ña'tibil ti Dios.

Jeremias 48:26

La' i cha'len yʌc'ajel. La' i ñolq'uin i bʌ ti' xej. La' wajlentic, come chan tsi' mele i bʌ ti' tojlel lac Yum.

Lamentaciones 4:6

Ti' caj i mul c pi'ʌlob woli' chʌmelob, come tsa' ñumi ti p'is i mul che' bajche' i mul Sodoma. Tsa' bʌc' jili Sodoma, anquese ma'anic i contrajintel ti winicob.

Daniel 11:12

Che' bʌ tsa'ix mʌjli i cha'an che' jisʌbilobix cabʌl i contrajob, mi caj i chañ'esan i bʌ. Pero ma'anic mi caj i jalijel i p'ʌtʌlel.

Daniel 11:45

Che' jini mi caj i wa'chocon i buchlib ti' yʌxñʌlel pisil bʌ otot ya' ti ojlil bij ti' tojel colem ñajb, yic'ot ti' tojel jini ch'ujul bʌ wits Jerusalén. Ti jim bʌ ora mi caj i jilel. Ma'anic majch mi mejlel i coltan.

Daniel 7:26

Pero jini Am bʌ Cabʌl i Jabilel mi caj i tilel ti meloñel. Mi caj i chilben i yumʌntel. Mi caj i junyajlel jisan jini yumʌl.

Daniel 7:8

Che' bʌ tsaj q'uele i xulub, tsa' caji ti pasel yambʌ i yalʌ xulub. Ti' p'ʌtʌlel jini alʌ xulub tsa' jojts'i loq'uel uxts'ijt xulub jini ñaxan bʌ. An i wut che' bajche' winic. An i yej tsa' bʌ i c'ʌñʌ cha'an mi' chañ'esan i bʌ ti t'an.

Daniel 8:11

Tsi' ñopo i contrajin i Yum jini yumʌlob ti panchan. Tsi' tiq'ui jini mu' bʌ i pulbeñob i majtan tac Dios. Tsi' bib'esa jini Templo ba' mi' cha'leñob ch'ujutesaya.

Daniel 9:25

Na'tan iliyi cha'an ma' ch'ʌmben isujm. Mi caj i ñumel wucp'ejl semana yic'ot cha'p'ejl i chʌnc'al (62) semana che' bʌ tsa' ajq'ui jini mandar cha'an mi' cha' wa'chocontel Jerusalén, c'ʌlʌl ba' ora mi' tilel jini Yajcʌbil bʌ Yumʌl. Pejtel i ts'ajquil i ti' tac Jerusalén yic'ot i calle tac mi caj i cha' mejlel anquese i yorajlel cabʌl wocol.

Hechos 12:23

Ti ora i yángel lac Yum tsi' yotsʌbe i chʌmel, come ma'anic tsi' yʌc'ʌ ti ñuc Dios. Tsa' c'uxle ti motso'. Tsa' chʌmi.

2 Tesalonicenses 2:3

Mach la' wʌc' la' bʌ ti lotintel mi ts'ita'ic. Come maxto talic i q'uiñilel jinto mi' cha' cʌyob jini wen t'an, jinto mi' tsictiyel ja'el jini winic but'ul bʌ ti jontolil, jini winic mu' bʌ i majlel ti c'ajc.

2 Tesalonicenses 2:8

Che' jini mi' caj ti tsictiyel jini xjontolil. Lac Yum Jesús mi caj i tsʌnsan ti' yiq'uilel jach i yej. Mi caj i jisan jini winic ti' sʌclel che' mi' tilel.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.

Apocalipsis 19:16

Ts'ijbubil i c'aba' ti' pislel yic'ot ti' ya': I REY REYOB, I YUM YUMɅLOB.