Daniel 8:23 - Chol: I T’an Dios

²³ Che' yomix jilel i yumʌntel ili yumʌlob, che' cabʌlix i jontolil winicob, mi caj i wa'chocontel juntiquil rey wen ch'ejl bʌ, wen p'ip' bʌ i jol.

Chol de Tumbalá Bible

²³ Che' yomix jilel i yumʌntel ili yumʌlob, che' cabʌlix i jontolil winicob, mi caj i wa'chocontel juntiquil rey wen ch'ejl bʌ, wen p'ip' bʌ i jol.

Daniel 8:23 Iomraidhean Croise

Genesis 15:16

Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Proverbios 1:6

cha'an mi' ch'ʌmbeñob isujm ili t'an yic'ot lajiya tac, i subal jini año' bʌ i pusic'al yic'ot i sujmlel mucul tac bʌ ti pañimil.

Ezequiel 38:16

Che' jini mi caj a lon tilel ti' contra c tejclum Israel che' bajche' tocal mu' bʌ i mʌc pañimil. Ti jini cojix bʌ q'uin tac mi caj c pʌyet tilel tic tejclum. Che' jini mi caj i cʌñoñob yambʌ tejclumob ti pañimil che' mi' q'uelob bajche' mic jisañet. Mi caj i ña'tañob ch'ujulon.

Ezequiel 38:8

Che' ñumenix cabʌl q'uin mi caj a loq'uel tilel. Che' ti' yujtibal cabʌl jabil mi caj a tilel yic'ot a soldadojob cha'an ma' wochel ti' lumal Israel baqui ñʌch'ʌl añob, ba' cha' tempʌbilob ti' lumal ti cabʌl tejclum.

Daniel 10:14

Tsa' tili c tsictesʌbeñet chuqui mi caj i yujtel ti' tojlel a pi'ʌlob ti wi'il bʌ ora. Jini mu' bʌ caj c pʌsbeñet mi caj i yujtel ti yanto bʌ ora, che'en.

Daniel 11:21

Mi caj i wa'chocon i bʌ ti rey juntiquil jontol bʌ winic mach bʌ i pi'ʌlic. Ti' caj jontol bʌ i melbal yic'ot lotiya mi cajel i ch'ʌm i ye'tel ti yumʌl.

Daniel 11:24

Che' mach yʌxʌlobic i yo jini tejclum tac, mi caj i yochel i chilbeñob i chubʌ'an. Leco mi caj i mel, mach che'ic bajche' tsi' meleyob i ñojte'el. Mi caj i chilbeñob i chubʌ'an jini wen chumulo' bʌ cha'an mi' pucbeñob jini winicob x'ixicob. Mi caj i chajpan i bʌ cha'an mi' contrajin jini p'ʌtʌl bʌ tejclum tac. Pero mach jaleyic.

Daniel 7:11

Che' bʌ tsac chʌn q'uele, tsa' tsʌnsʌnti i chʌncojtlel bʌte'el cha'an ti' caj ñuc bʌ i mul jini alʌ xulub, cha'an tsi' chañ'esa i bʌ ti' t'an. Tsi' yotsayob ti c'ajc cha'an mi' pulel.

Daniel 7:20

Tsaj c'ajtibe ja'el i sujmlel jini lujunts'ijt xulub, yic'ot jini alʌ xulub tsa' bʌ pasi ti wi'il, tsa' bʌ i jisa uxts'ijt xulub. Jiñʌch xulub am bʌ i wut lajal bajche' winic. Tsi' c'ʌñʌ i yej cha'an mi' ñuq'uesan i bʌ. Ñumen ñuc tsi' q'uele i bʌ bajche' yan tac bʌ xulub.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Daniel 7:8

Che' bʌ tsaj q'uele i xulub, tsa' caji ti pasel yambʌ i yalʌ xulub. Ti' p'ʌtʌlel jini alʌ xulub tsa' jojts'i loq'uel uxts'ijt xulub jini ñaxan bʌ. An i wut che' bajche' winic. An i yej tsa' bʌ i c'ʌñʌ cha'an mi' chañ'esan i bʌ ti t'an.

Daniel 8:22

Jini chʌnts'ijt xulub tsa' bʌ pasi ti' q'uexol jini ñaxan bʌ, jiñʌch chʌntiquil yumʌlob. Pero mach cabʌlic i ñuclel che' bajche' jini ñaxan bʌ yumʌl.

Daniel 8:24

Mi caj i wen p'ʌtan, pero mach cha'anic i bajñel p'ʌtʌlel. Tilem i p'ʌtʌlel ti Satanás. Baqui jach mi' majlel mi' cha'len jisaya. Pejtelel chuqui mi' ña'tan i mel, mi' mel. Mi caj i jisan jini p'ʌtʌlo' bʌ yic'ot i cha'año' bʌ Dios.

Daniel 8:25

Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Numeros 24:24

Cabʌl barco mi caj i loq'uel tilel ti Quitim. Mi caj i jisañob jini Asiria yic'ot jini Heber. Tsa' ujti ti t'an Balaam.

Mateo 23:32

Wolix la' chʌn mel che' bajche' tsa' caji' melob la' ñojte'el.

Deuteronomio 28:50

Wen jontolob. Lajal i wutob bajche' bʌte'el ts'i'. Ma'anic mi caj i p'isob ti wenta jini xñoxob. Ma'anic mi caj i p'untañob alʌlob.

1 Tesalonicenses 2:16

Jini judíojob woli' tic'on lojon ti subt'an ti' tojlel jini gentilob ame coltʌnticob. Tsa'ix ñumi ti p'is i mulob. Jini cha'an wolix i yubiñob i mich'ajel Dios mach bʌ yujilic lajmel.

1 Timoteo 4:1

Jini Espíritu mi' wen cʌntesañonla an mu' bʌ caj i cʌy i ñopob jini wen t'an ti wi'il bʌ q'uin. Mi caj i jac'beñob espíritujob mu' bʌ i cha'leñob lot yic'ot i cʌntesa xibajob.

Apocalipsis 19:20

Tsa' chujqui jini jontol bʌ bʌte'el yic'ot jini x'alt'an yujil bʌ lot, tsa' bʌ i pʌsʌ i yejtal tac i p'ʌtʌlel ti' wut jontol bʌ bʌte'el cha'an mi' lotin winicob tsa' bʌ i ch'ʌmbeyob i marcajlel jini bʌte'el, che' bʌ tsi' ch'ujutesʌbeyob i yejtal. Ti' cha'ticlel che' cuxulob to tsa' chojquiyob ochel ti' yajñib colem c'ajc woli bʌ ti pulel yic'ot azufre.