Daniel 8:21 - Chol: I T’an Dios

²¹ Jini tat chivo jiñʌch yumʌl ti Grecia. Jini tam bʌ i xulub am bʌ ti' yojlil i wut jiñʌch ñaxan bʌ rey ti Grecia.

Chol de Tumbalá Bible

²¹ Jini tat chivo jiñʌch yumʌl ti Grecia. Jini tam bʌ i xulub am bʌ ti' yojlil i wut jiñʌch ñaxan bʌ rey ti Grecia.

Daniel 8:21 Iomraidhean Croise

Daniel 10:20

Jini tsi' subeyon: ¿A wujil ba chucoch tsa' tiliyon ba' añet? Wʌ' añon cha'an mic subeñet chuqui mi' caj ti ujtel ti wi'il bʌ ora. Isujm che' bajche' ts'ijbubil ti' juñilel Dios. Mi caj c majlel ti ora. Mi caj j contrajin jini yumʌl ti Persia woli bʌ i mʌctañon tic bijlel. Ti wi'il mi caj j contrajin jini yumʌl ti Grecia. C bajñel jach mi caj j contrajiñob. Cojach jini ángel Miguel mi caj i coltañon.

Daniel 11:2

Wʌle mi caj c subeñet chuqui mi' caj ti ujtel ti tal to bʌ ora. Yambʌ uxtiquil yumʌlob mi caj i cha'leñob yumʌl ti Persia. Pero tal i chʌnticlel bʌ wen cabʌl bʌ i chubʌ'an, ñumen ñuc bajche' jini yaño' bʌ. Che' mi' p'ʌtan cha'an cabʌl i chubʌ'an, mi caj i tech guerra ti' contra jini yumʌl ti Grecia.

Daniel 11:3

Che' jini mi caj i tejchel yambʌ rey wen yujil bʌ guerra. I bajñel mi caj i cha'len yumʌl ti pañimil. Mi caj i yutsi ñuq'uesan i yumʌntel. Mi caj i mel che' bajche' yom i bajñel pusic'al.

Daniel 2:39

Che' mi' yujtel a yumʌntel mi caj i tejchel yambʌ yumʌl am bʌ i ñuclel, pero mach lajalic bajche' a ñuclel. Che' mi' jilel i yumʌntel mi caj i tejchel i yuxticlel yumʌl lajal bʌ bajche' bronce, mu' bʌ caj i yumʌntel ti pejtelel pañimil.

Daniel 7:6

Ti wi'il tsaj q'uele yambʌ bʌte'el, lajal bajche' bajlum. An cha'q'uejl i wich' ti' pat. An chʌmp'ejl i jol. Tsa' aq'uenti cabʌl i p'ʌtʌlel cha'an mi' mʌlben yambʌ bʌte'el tac.

Daniel 8:20

Jini tat tiñʌme' tsa' bʌ a q'uele am bʌ cha'ts'ijt i xulub, jiñʌch rey ti Media yic'ot jini rey ti Persia.

Daniel 8:22

Jini chʌnts'ijt xulub tsa' bʌ pasi ti' q'uexol jini ñaxan bʌ, jiñʌch chʌntiquil yumʌlob. Pero mach cabʌlic i ñuclel che' bajche' jini ñaxan bʌ yumʌl.

Zacarias 9:13

Judá, i wentajet c jalʌjb. Efraín, i wentajet i te'el c jalʌjb. Mi caj j c'ʌñetla ti guerra che' bajche' espada ti' contra Grecia, che'en lac Yum.