Daniel 8:17 - Chol: I T’an Dios

¹⁷ Gabriel tsi' lʌc'tesa i bʌ ba' añon. Tsa' cajiyon ti wen bʌq'uen. Tsa' ñuc yajliyon ti lum. Tsi' subeyon: I yalobil winic, yom ma' ch'ʌmben isujm. Mi caj i ts'ʌctiyel pejtel iliyi che' ti' jilibal pañimil, che'en.

Chol de Tumbalá Bible

¹⁷ Gabriel tsi' lʌc'tesa i bʌ ba' añon. Tsa' cajiyon ti wen bʌq'uen. Tsa' ñuc yajliyon ti lum. Tsi' subeyon: I yalobil winic, yom ma' ch'ʌmben isujm. Mi caj i ts'ʌctiyel pejtel iliyi che' ti' jilibal pañimil, che'en.

Daniel 8:17 Iomraidhean Croise

Ezequiel 2:1

Tsi' subeyon: I yalobil winic, ts'ubeñet jach. Yom ma' wa'tʌl cha'an com c pejcañet, che'en.

Ezequiel 44:4

Che' jini tsi' cha' pʌyʌyon majlel ya' ti' ti' jini Templo am bʌ ti norte. Tsaj can q'uele Templo. Tsa' bujt'i ti' ñuclel lac Yum. Joñon tsac pʌcchoco c bʌ ti lum.

Daniel 10:11

Tsi' subeyon: Daniel, c'uxbibilet i cha'an Dios, ch'ojyen. Ubin chuqui mi caj c subeñet, come Dios tsi' chocoyon tilel ba' añet, che'en. Che' bʌ tsi' pejcajon, tsiltsilñayon tsa' wa'leyon.

Daniel 10:16

Pero juntiquil lajal bʌ bajche' winic tsi' tʌlbeyon c ti'. Che' jini tsa' cajiyon ti t'an. Tsac sube jini tilem bʌ ti panchan: C Yum, woliyon ti bajq'uel cha'an ili tsa' bʌ j q'uele. Ma'anix c p'ʌtʌlel.

Daniel 11:27

Ili cha'tiquil reyob mi caj i ña'tan i contrajiñob i bʌ. Mi caj i lotiñob i bʌ che' mi' pejcañob i bʌ ya' ti mesa. Pero lolom jach, come ma'anic majqui mi caj i mʌjlel i cha'an, come maxto i yorajlelic i jilibal tsa' bʌ i ña'ta Dios.

Daniel 11:40

Pero ti wi'il bʌ ora jini rey am bʌ ti sur mi caj i contrajin ti guerra. Jini rey ti norte mi caj i tejchel ti' contra che' bajche' colem ic', yic'ot cabʌl soldadojob, yic'ot cabʌl barco, yic'ot cabʌl caballo.

Daniel 12:13

Pero jatet Daniel, chʌn cha'len a we'tel che' bajche' woli a mel c'ʌlʌl ba' ora ma' chʌmel. C'aja a wo. Ti cojix bʌ q'uin mi caj a tejchel cha'an ma' ch'ʌm a chobejtʌbal, che'en lac Yum.

Daniel 12:4

Pero jatet Daniel, mach yomic ma' tsictesan ili t'an. Yom ma' wotsʌben i sellojlel jini jun c'ʌlʌl ti jini cojix bʌ ora. Winicob mi' cajelob ti cabʌl xʌmbal. Mi caj i p'ojlel i ña'tʌbal winicob ti pañimil. Tsa' ujti ti t'an Gabriel.

Daniel 2:46

Jini rey tsi' pʌcchoco i bʌ ba'an Daniel. Tsi' ch'ujutesa. Tsi' yʌc'ʌ mandar cha'an mi' pulbentel i majtan Daniel yic'ot xojocña bʌ pom.

Daniel 7:16

Tsac lʌc'tesa c bʌ ba' wa'alob jini woli bʌ i q'uelob. Tsaj c'ajtibe juntiquil cha'an mi' tsictesʌbeñon i sujmlel pejtel iliyi. Tsi' tsictesʌbeyon i sujmlel. Tsi' subeyon:

Daniel 8:15

Joñon Danielon, tsac cha'le wersa cha'an mic ch'ʌmben isujm ili tsa' bʌ j q'uele. Awilan tsa' wa'le winic tic tojlel.

Daniel 8:19

Tsi' subeyon: Wʌ' añon cha'an mic subeñet chuqui mi caj i yujtel che' ti' yorajlel i mich'ajel Dios, come jini q'uelel bʌ a cha'an mi' caj ti ujtel ti' jilibal pañimil.

Daniel 8:27

Joñon Danielon. Tsa' c'uñ'ayon. Cabʌl q'uin c'amon. Che' bʌ tsa' c'oc'ayon, tsa' caji c cha' melben i ye'tel jini rey. Pero tsac wen mele c pusic'al cha'an chuqui tac tsaj q'uele, come ma'anic tsac ch'ʌmbe isujm.

Daniel 9:23

Che' bʌ tsa' tejchi a woración, Dios tsi' jac'beyet. Tsi' chocoyon tilel cha'an mic subeñet ubibil a woración, come c'ux mi' yubiñet. Jini cha'an ubibeñon c t'an cha'an ma' ch'ʌmben isujm.

Daniel 9:27

Jini rey mi caj i tem i t'an yic'ot winicob x'ixicob cha'an mi' coltañob jump'ejl semana, pero ti ojlil ili semana mi caj i jem. Mi caj i tic'ob mu' bʌ i yʌq'ueñob Dios ofrenda yic'ot pulbil bʌ i majtan. Jini xjontolil yujil bʌ jisaya mi caj i yutsi mel jontolil. Mi caj i tilel i bib'esan i Templo Dios. Pero Dios mi caj i yʌq'uen i toj i mul jini xjontolil che' ti' yorajlel meloñel, che'en Gabriel.

Habacuc 2:3

Anquese jal to mi caj i yujtel pejtel iliyi, pero wersa mi caj i lu' ts'ʌctiyel che' ti' yorajlel. Mach cujilic lot. Mi woli' jal'an yubil, yom xuc'ul ma' chʌn pejcan, come melel mi caj i bʌc' tilel che' ti' yorajlel.

Mateo 17:8

Che' bʌ tsi' letsayob i wut tsi' q'ueleyob ma'anix majqui ya'an, jini jach Jesús ti' bajñelil.

Apocalipsis 1:17

Che' bʌ tsaj q'uele, tsa' yajliyon ti' yoc che' bajche' chʌmen bʌ. Tsi' yʌc'ʌ ñoj bʌ i c'ʌb tic jol. Tsi' subeyon: Mach a cha'len bʌq'uen. Añon ti ñaxan, añon ti' yujtibal.

Apocalipsis 22:8

Joñon, Juan, tsa cubi ili t'an. Tsaj q'uele ili tac. Che' bʌ tsa cubi, che' bʌ tsaj q'uele, tsac pʌcchoco c bʌ ti' tojel i yoc jini ángel cha'an mic ch'ujutesan jini tsa' bʌ i pʌsbeyon.