Daniel 8:13 - Chol: I T’an Dios

¹³ Tsa cubibe i t'an cha'tiquil ángelob. Juntiquil tsi' c'ajtibe yambʌ: ¿Baqui ora mi caj i cha' pulbentel i majtan Dios ti jujump'ejl q'uin ya' ti pulʌntib? ¿Jala to mi caj i bib'esʌntel jini Ch'ujul bʌ Ajñibʌl i cha'an lac Yum? ¿Baqui ora mi caj i q'uextʌbentel i jontolil? ¿Baqui ora mi caj i mʌjlel i cha'an xñopt'añob?

Chol de Tumbalá Bible

¹³ Tsa cubibe i t'an cha'tiquil ángelob. Juntiquil tsi' c'ajtibe yambʌ: ¿Baqui ora mi caj i cha' pulbentel i majtan Dios ti jujump'ejl q'uin ya' ti pulʌntib? ¿Jala to mi caj i bib'esʌntel jini Ch'ujul* bʌ Ajñibʌl i cha'an lac Yum? ¿Baqui ora mi caj i q'uextʌbentel i jontolil? ¿Baqui ora mi caj i mʌjlel i cha'an xñopt'añob?

Daniel 8:13 Iomraidhean Croise

Salmos 74:10

Dios, ¿jayp'ejl to q'uin mi caj i chʌn cha'len a'leya jini laj contra? ¿Mu' ba caj i chʌn ts'a'libeñet a c'aba'?

Salmos 74:9

Ma'anix chuqui tsa' cʌle cha'an mi' tsictesan mi a cha'añon lojon. Ma'añobix x'alt'añob. Ma'anic majqui yujil baqui ora mi caj i lajmel iliyi.

Salmos 79:5

C Yum, ¿jayp'ejl to q'uin? ¿Chʌn mich'et ba ti pejtelel ora? ¿Tsʌytsʌyña ba a mich'ajel che' bajche' c'ajc woli bʌ ti lejmel?

Isaias 28:18

Mi' caj ti jejmel jini trato tsa' bʌ la' mele yic'ot xiba cha'an ma'anic mi la' chʌmel. Che' tal wocol i jisañetla ma'anic la' coltʌntel. Talob la' contrajob che' bajche' but'ja'. Mi caj i tujc'añetla majlel.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Isaias 63:18

Jini Jerusalén poj jumuc' jach an tic wenta lojon. Tsa' juli laj contrajob. Tsi' chilbeyon lojon. Tsi' t'uchtayob.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Jeremias 12:10

Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Daniel 12:11

Che' baqui ora mi' tijq'uelob mu' bʌ i yʌq'ueñob Dios pulbil bʌ i majtan ti jujump'ejl q'uin, c'ʌlʌl jinto ba' ora mi' wa'chocontel jini sts'a'leya mu' bʌ i jisan i Templo lac Yum, mi caj i ñumel uxbajc' yic'ot lujump'ejl i jo'c'al (1,290) q'uin.

Daniel 12:8

Joñon tsa cubi, pero ma'anic tsac ch'ʌmbe isujm. Jini cha'an tsaj c'ajtibe: C Yum, ¿chuqui mi caj i yujtel ti wi'il bʌ ora che' mi' yujtel pejtel iliyi? cho'on.

Daniel 4:10

Jiñʌch iliyi tsa' bʌ c ñajle che' ñololon tic wʌyib: Tsaj q'uele wa'al ti joctʌl juntejc colem te' wen chan bʌ. Tsa' coli majlel ili te'. Tsa' ñuc'a. Tsa' c'ʌlʌl c'oti i c'ʌb i yopol ti panchan. Tsa' mejli ti q'uejlel ti pejtelel pañimil.

Daniel 4:13

Tsaj q'uele tic ñajal, woli' jubel ti panchan juntiquil i yángel Dios.

Daniel 4:23

Tsa' q'uele i yángel Dios woli bʌ i jubel tilel ti panchan woli bʌ i yʌl: “Seq'uela jini te'. Laj jisanla. Jini jach i xujc'unte'lel yic'ot i wi' mi caj i cʌytʌl ti lum. Cʌchʌla ti cadena melbil bʌ ti tsucu taq'uin yic'ot bronce. Cʌyʌla ya' ti yojlil jamil. La' i c'ux pimel temel yic'ot bʌte'el wucp'ejl jab”. Che' tsi' yʌlʌ jini ángel.

Daniel 7:16

Tsac lʌc'tesa c bʌ ba' wa'alob jini woli bʌ i q'uelob. Tsaj c'ajtibe juntiquil cha'an mi' tsictesʌbeñon i sujmlel pejtel iliyi. Tsi' tsictesʌbeyon i sujmlel. Tsi' subeyon:

Daniel 7:23

Tsi' subeyon jini Am bʌ Cabʌl i Jabilel: Jini i chʌncojtlel bʌte'el jiñʌch i chʌmp'ejlel yumʌl mu' bʌ i yumʌntel ti pejtelel pañimil. Mach lajalic bajche' yaño' bʌ. Mi caj i cha'len jisaya ti pejtelel pañimil. Mi caj i t'uchtan yaño' bʌ che' bajche' mi' jujch'el trigo ti lum.

Daniel 9:27

Jini rey mi caj i tem i t'an yic'ot winicob x'ixicob cha'an mi' coltañob jump'ejl semana, pero ti ojlil ili semana mi caj i jem. Mi caj i tic'ob mu' bʌ i yʌq'ueñob Dios ofrenda yic'ot pulbil bʌ i majtan. Jini xjontolil yujil bʌ jisaya mi caj i yutsi mel jontolil. Mi caj i tilel i bib'esan i Templo Dios. Pero Dios mi caj i yʌq'uen i toj i mul jini xjontolil che' ti' yorajlel meloñel, che'en Gabriel.

Zacarias 1:19

Tsaj c'ajtibe jini ángel woli bʌ i pejcañon: ¿Chuqui iliyi? cho'on. Tsi' jac'beyon: Ili xulub i yejtalʌch chʌmp'ejl colem tejclum tsa' bʌ i tic'layob Judá yic'ot Israel yic'ot Jerusalén. Tsi' yʌc'ʌyob ti pam pujquel, che'en.

Zacarias 14:5

Mi caj la' puts'el ya' ti joctʌl ti' ñʌc' jini wits, come jini joctʌl mi caj i c'ʌlʌl c'otel ti' ti' Jerusalén. Mi caj la' puts'el che' bajche' tsa' puts'iyob la' tatob che' ti' yorajlel yujquel lum che' woli ti yumʌntel Uzías ya' ti Judá. Ti jim bʌ ora mi caj i tilel lac Yum Dios yic'ot pejtel i cha'año' bʌ.

Mateo 11:27

Pejtelel chuqui tac an, aq'uebilon i cha'an c Tat. Ma'anic majqui mi' cʌñon, cojach c Tat. Che' ja'el ma'anic majqui mi' cʌn c Tat, cojach joñon yic'ot majqui jach mi cʌq'uen i cʌn, come i Yalobilon.

Mateo 24:15

Mi caj la' q'uel wa'alix ti ch'ujul bʌ ajñibʌl jini c'ax bibi' jax bʌ mu' bʌ i jisan cabʌl chuqui tac an, jini tsa' bʌ ajli cha'an jini x'alt'an Daniel. (Jini mu' bʌ i q'uel jini jun, la' i ch'ʌmben isujm.)

Marcos 13:14

Mi caj la' q'uel jini c'ax bibi' jax bʌ wa'al ba' tic'bil, mu' bʌ i jisan cabʌl chuqui an che' bajche' tsi' wʌn subu jini x'alt'an Daniel. (Jini mu' bʌ i q'uel jini jun la' i ch'ʌmben isujm.) Che' mi la' q'uel jini, la' puts'icob majlel ti wits jini año' bʌ ti Judea.

Lucas 10:22

Pejtelel chuqui tac an, aq'uebilon i cha'an c Tat. Ma'anic majqui mi' cʌñon cojach c Tat. Che' ja'el, ma'anic majqui mi' cʌn c Tat cojach joñon come i Yalobilon. Mi' cʌñob c Tat ja'el majqui jach mi cʌq'uen i cʌn. Che' tsi' yʌlʌ Jesús.

Lucas 21:20

Che' mi la' q'uel Jerusalén joyol bʌ ti soldadojob, ña'tanla che' jini, lʌc'ʌlix i yorajlel i jisʌntel.

Lucas 21:24

Mi caj i yajlelob cha'an ti' yej machit. Mi caj i chujquelob majlel ti pejtelel lum. Jerusalén mi caj i t'uchtʌntel cha'an gentilob c'ʌlʌl mi' ts'ʌctiyel i yorajlel gentilob.

Juan 1:18

Ma'anic majqui tsi' q'uele Dios ti pejtelel ora, jini jach cojach bʌ i Yalobil am bʌ ti' t'ejl i Tat. Jini tsi' yʌc'ʌ ti cʌjñel i Tat.

Deuteronomio 33:2

Lac Yum tsa' tili ba' añonla ya' ti Sinaí wits. Tsi' pʌsʌ i bʌ ti Seir wits, Tsa' tsictiyi i ñuclel ya' ti Parán wits, Joyol ti bajc'ʌl ch'ujul bʌ ángelob Año' bʌ ti' ñoj che' bajche' lemlemña bʌ c'ajc.

1 Tesalonicenses 3:13

Che' jini, lac Yum mi caj i xuc'chocon la' pusic'al cha'an ma'anic mi' tajtʌl mulil ti la' tojlel, cha'an ch'ujul mi la' wajñel ti' tojlel Dios lac Tat che' mi' tilel lac Yum Jesucristo yic'ot pejtelel i cha'año' bʌ Dios.

Hebreos 10:29

¿Mach ba ñumeniquix mi caj i toj i mul jini mu' bʌ i ts'a'len i Yalobil Dios? Che' mi' ñusan jini xuc'ul bʌ t'an yic'ot i ch'ich'el mu' bʌ i sʌq'uesañonla woli' ts'a'len jini Espíritu woli bʌ i pʌyonla ti' yutslel i pusic'al. Ña'tanla cabʌlix i mul jini winic. Cabʌl mi caj i taj wocol che' mi' toj i mul.

1 Pedro 1:12

Tsa' pʌsbentiyob mach cha'anic i bajñel c'ʌjñibal tsi' cha'leyob t'an, pero cha'an mi' cʌntesʌntel yaño' bʌ. Wʌle tsa'ix la' wubi jini jach bʌ t'an tic tojlel lojon. Tsac subeyetla jini wen t'an yic'ot jini Ch'ujul bʌ Espíritu chocbil bʌ tilel ti panchan. Jini ángelob wersa yomob i ch'ʌmben isujm.

Judas 1:14

Enoc i wʌclajmlel i p'olbal Adán, tsi' wʌn alʌ cha'an jini winicob: La' wilan tal lac Yum yic'ot bajc'ʌl ch'ujulo' bʌ i cha'an,

Apocalipsis 11:2

Mach a p'is i pam Templo am bʌ ti' mal corral. La' to ajnic. Aq'uebilix gentilob. Cha'p'ejl i yuxc'al (42) uw mi caj i t'uchtañob jini ch'ujul bʌ tejclum.

Apocalipsis 6:10

Tsi' cha'leyob c'am bʌ t'an. Tsi' yʌlʌyob: C Yum lojon am bʌ cabʌl a p'ʌtʌlel, ch'ujulet, isujmet, ¿jala to mi caj a cha'len meloñel? ¿Jala to mi caj a q'uextʌbeñob i jontolil jini chumulo' bʌ ti pañimil tsa' bʌ i bec'beyon lojon c ch'ich'el? che'ob.

Juezob 13:18

I yAngel lac Yum tsi' jac'be: ¿Chucoch ma' c'ajtin j c'aba'? Wen ñuc j c'aba', che'en.