Daniel 8:11 - Chol: I T’an Dios

¹¹ Tsi' ñopo i contrajin i Yum jini yumʌlob ti panchan. Tsi' tiq'ui jini mu' bʌ i pulbeñob i majtan tac Dios. Tsi' bib'esa jini Templo ba' mi' cha'leñob ch'ujutesaya.

Chol de Tumbalá Bible

¹¹ Tsi' ñopo i contrajin i Yum jini yumʌlob ti panchan. Tsi' tiq'ui jini mu' bʌ i pulbeñob i majtan tac Dios. Tsi' bib'esa jini Templo ba' mi' cha'leñob ch'ujutesaya.

Daniel 8:11 Iomraidhean Croise

Isaias 37:23

¿Majqui wola' contrajin ti a'leya yic'ot ti p'ajoñel? ¿Majqui tsa' contraji che' bʌ tsa' lon chañ'esa a bʌ? C'am tsa' cha'le t'an. Tsa' ts'a'le jini Ch'ujul Bʌ ti Israel.

Isaias 37:29

Mich' ma' q'uelon. Ma' chañ'esan a bʌ tic tojlel. Jini cha'an mi caj c xot otsan c mʌtc'ʌb ti a ñi'. Mi caj cotsʌbeñet i frenojlel a wej. Mi caj c wets'et majlel ti a bijlel ya' ba' tsa' tiliyet”. Che' tsi' cha'le t'an lac Yum ti' contra Senaquerib.

Jeremias 48:26

La' i cha'len yʌc'ajel. La' i ñolq'uin i bʌ ti' xej. La' wajlentic, come chan tsi' mele i bʌ ti' tojlel lac Yum.

Jeremias 48:42

Mi caj i lu' jisʌntel Moab. Mi caj i junyajlel sajtelob ili wʌ' bʌ chumulob, come chan tsi' meleyob i bʌ ti' tojlel lac Yum.

Ezequiel 46:14

Yom i ñujp ti ac'ol ti jujump'ejl sʌc'ajel, jiñʌch jump'is harina loq'uem bʌ ti wʌcp'is xʌbʌl yic'ot cha'p'ejl litro aceite. Che'ʌch yom ti pejtelel ora: Jini alʌ tat tiñʌme', yic'ot majtañʌl melbil bʌ ti harina, yic'ot olivo aceite. Yom cha'an majtañʌl ti jujump'ejl sʌc'ajel.

Daniel 11:22

Majqui jach mi' contrajin mi caj i jisʌntel. Mi caj i tsʌnsan ja'el juntiquil i yum motomajob.

Daniel 12:11

Che' baqui ora mi' tijq'uelob mu' bʌ i yʌq'ueñob Dios pulbil bʌ i majtan ti jujump'ejl q'uin, c'ʌlʌl jinto ba' ora mi' wa'chocontel jini sts'a'leya mu' bʌ i jisan i Templo lac Yum, mi caj i ñumel uxbajc' yic'ot lujump'ejl i jo'c'al (1,290) q'uin.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.

Daniel 7:25

Mi caj i p'aj jini Dios am bʌ ti panchan. Mi caj i tic'lan i cha'ano' bʌ Dios. Mi caj i ñop i q'uextan i yorajlel q'uiñijel tac yic'ot pejtel jini ley. Ojlil i chʌmp'ejl jab mi cajel i cha'len yumʌl ti' tojlel i cha'año' bʌ Dios.

Daniel 8:12

Pero tsa' tijq'uiyob jini año' bʌ ti panchan ame bʌc' tilic i jisañob jini jontol bʌ yumʌl. Jini cha'an tsa' jili ti pañimil chuqui tac toj. Tsa' p'ojli lot yic'ot jontolil.

Daniel 8:24

Mi caj i wen p'ʌtan, pero mach cha'anic i bajñel p'ʌtʌlel. Tilem i p'ʌtʌlel ti Satanás. Baqui jach mi' majlel mi' cha'len jisaya. Pejtelel chuqui mi' ña'tan i mel, mi' mel. Mi caj i jisan jini p'ʌtʌlo' bʌ yic'ot i cha'año' bʌ Dios.

Daniel 8:25

Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Daniel 9:25

Na'tan iliyi cha'an ma' ch'ʌmben isujm. Mi caj i ñumel wucp'ejl semana yic'ot cha'p'ejl i chʌnc'al (62) semana che' bʌ tsa' ajq'ui jini mandar cha'an mi' cha' wa'chocontel Jerusalén, c'ʌlʌl ba' ora mi' tilel jini Yajcʌbil bʌ Yumʌl. Pejtel i ts'ajquil i ti' tac Jerusalén yic'ot i calle tac mi caj i cha' mejlel anquese i yorajlel cabʌl wocol.

Numeros 28:3

Jini pulbil bʌ majtañʌl yom bʌ mi la' wʌq'ueñon jiñʌch iliyi: Cha'cojt alʌ tat tiñʌme' mach bʌ i p'ajomalic an jaxto bʌ jump'ejl i jabilel. Ti jujump'ejl q'uin yom cha'cojt alʌ tat tiñʌme',

Lucas 21:24

Mi caj i yajlelob cha'an ti' yej machit. Mi caj i chujquelob majlel ti pejtelel lum. Jerusalén mi caj i t'uchtʌntel cha'an gentilob c'ʌlʌl mi' ts'ʌctiyel i yorajlel gentilob.

2 Tesalonicenses 2:4

Jiñʌch i contra Dios mu' bʌ i chañ'esan i bʌ ti' contra pejtelel chuqui tac mi' diosintel, yic'ot pejtelel chuqui tac mi' c'uxbintel ti ch'ujyijel. Mi' caj ti buchtʌl ti' Templo Dios che' bajche' Dios. Mi caj i cuy i bʌ ti Dios.

Hebreos 2:10

Dios tsi' mele pejtel chuqui tac an. Woli' cʌntan cha'an mi' tsictesan i ñuclel. Yom mi' yʌq'ueñob i ñuclel pejtel i yalobilob. Jini cha'an tsi' ts'ʌctesa i ye'tel ti Jesucristo la caj Coltaya che' bʌ tsi' yʌc'ʌ ti wocol cha'an mi' coltañonla cha'an mi lac taj lac ñuclel ti' tojlel.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.