Daniel 8:1 - Chol: I T’an Dios

¹ Che' ti' yuxp'ejlel jab che' woli ti yumʌntel jini rey Belsasar, tsac cha' q'uele bʌbʌq'uen bʌ che' bajche' ti ñaxan. Joñon Danielon.

Chol de Tumbalá Bible

¹ Che' ti' yuxp'ejlel jab che' woli ti yumʌntel jini rey Belsasar, tsac cha' q'uele bʌbʌq'uen bʌ che' bajche' ti ñaxan. Joñon Danielon.

Daniel 8:1 Iomraidhean Croise

Ezequiel 1:1

Joñon Ezequielon (i yalobilon Buzi). Motomajon chumulon quic'ot c pi'ʌlob israelob tsa' bʌ cʌjchiyob majlel ti Babilonia. I jo'p'ejlelix jab che' cʌchʌl jini rey Joaquín. Ya' añon lojon ti' ti' ñoj ja' i c'aba' Quebar. Ti jump'ejl q'uin che' ti' jilibal junio che' anix lujump'ejl i cha'c'al (30) c jabilel, tsaj q'uele tsa' jajmi jini panchan ti' tojel c wut. An chuqui tilem ti Dios.

Daniel 1:17

Dios tsi' yʌq'ueyob i ña'tʌbal ili chʌntiquilob cha'an mi' ch'ʌmbeñob isujm chuqui tac ts'ijbubil ti jun yic'ot pejtel yan tac bʌ i cʌntesʌntel. Daniel tsi' taja i c'ʌjñibal cha'an mi' ña'tan i sujmlel jini ñajal tac.

Daniel 10:2

Joñon Danielon. Uxp'ejl semana wen ch'ijiyemon.

Daniel 10:7

Joñon jach tsaj q'uele. Ma'anic chuqui tsi' q'ueleyob jini winicob ya' bʌ añob quic'ot, pero tsa' cajiyob ti puts'el cha'an bʌq'uen. Tsi' mujcuyob i bʌ.

Daniel 11:4

Pero che' bʌ tsa'ix ñuc'a i yumʌntel, mi caj i t'oxtʌl ti chʌnmojt. Mi caj i chilbentel che' bajche' mi' bojquel te'. Ma'anic mi caj i cʌytʌl i yumʌntel ti' wenta i yalobilob. Mi caj i t'oxbentelob yaño' bʌ mach bʌ i pi'ʌlobic, mach bʌ lajalic i ñuclel.

Daniel 7:1

Ti jump'ejl ac'ʌlel che' ti' tejchibal i yumʌntel Belsasar, an chuqui tsi' q'uele Daniel choyol bʌ ti panchan. Tsa' caji i ts'ijbun pejtel chuqui tsi' q'uele.

Daniel 7:15

Joñon Daniel tsa' cajiyon ti bʌq'uen. Tsa' caji c wen mel c pusic'al cha'an pejtel jini tsa' bʌ j q'uele.

Daniel 7:28

Jiñʌch tsa' bʌ j q'uele. Joñon Danielon. Tsa' caji c wen mel c pusic'al. Tsa' sʌc'a c wut cha'an bʌq'uen. Pero ma'anic tsac sube yambʌ.

Daniel 8:15

Joñon Danielon, tsac cha'le wersa cha'an mic ch'ʌmben isujm ili tsa' bʌ j q'uele. Awilan tsa' wa'le winic tic tojlel.

Daniel 8:2

Tsaj q'uele che' bajche' ya' añon ti Susa, jiñʌch ñuc bʌ tejclum ti' yumʌntel Elam. Ya' añon ti' ti' jini ñoja' i c'aba' Ulai.