Daniel 7:13 - Chol: I T’an Dios

¹³ Tsaj q'uele tsa' tili juntiquil che' bajche' I Yalobil Winic ti pam tocal. Tsa' pʌjyi tilel lʌc'ʌl ba'an jini Am bʌ Cabʌl i Jabilel.

Chol de Tumbalá Bible

¹³ Tsaj q'uele tsa' tili juntiquil che' bajche' *I Yalobil Winic ti pam tocal. Tsa' pʌjyi tilel lʌc'ʌl ba'an jini Am bʌ Cabʌl i Jabilel.

Daniel 7:13 Iomraidhean Croise

Salmos 110:2

Lac Yum tsi' buchchocoyet ti a yumʌntel ya' ti Sion. Cha'len yumʌl ti' tojlel a contrajob.

Salmos 2:8

C'ajtibeñon. Mi caj cʌq'ueñet winicob x'ixicob ch'oyolo' bʌ ti pejtelel pañimil. A cha'añobix mi' majlelob.

Salmos 47:5

Tsa' letsi majlel Dios, tsa' mʌjli i cha'an. Tsa' letsi lac Yum ti' tojlel trompeta tac woli bʌ ti t'an.

Jeremias 49:19

Awilan, mi caj c bʌc' chocbeñob tilel i contra che' bajche' bajlum loq'uem bʌ ti mate'el ti' ti' Jordán. Mi' mucul ochel ti corral ba' tempʌbil tiñʌme'. Che' ja'el mi caj cajñesañob. Mi' caj ti yumʌntel jini wa'chocobil bʌ c cha'an. ¿Am ba yambʌ bajche' joñon? ¿Majqui mi' subeñon chuqui yom mic mel? ¿Am ba juntiquil xq'uel winicob mu' bʌ mejlel i mʌctañon? che'en lac Yum.

Ezequiel 1:26

Ya' ti chañelal jini panchan tsaj q'uele i buchlib rey yilal melbil bʌ ti zafiro xajlel. Ya' buchul juntiquil lajal bʌ bajche' winic ti q'uelol.

Daniel 2:44

Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Daniel 7:12

Cuxul to jini uxcojt bʌte'el, pero tsa' chilbentiyob i yumʌntel. Tsa' to aq'uentiyob jumuc' cha'an mi' jal'añob ts'ita'.

Daniel 7:2

Tsi' yʌlʌ: Tsaj q'uele che' ti ac'ʌlel awilan cabʌl ic' ti colem ñajb woli bʌ i tilel ti chʌnwejlel pañimil. Woli' ñijcan jini ja'.

Daniel 7:22

jinto tsa' tili ti meloñel jini Am bʌ Cabʌl i Jabilel. Tsi' tsictesa ti toj i cha'año' bʌ. Tsa' c'oti i yorajlel cha'an mi' yʌq'ueñob i yumʌntel i cha'año' bʌ Dios.

Daniel 7:9

Tsac chʌn q'uele jinto tsa' caji i c'ʌcchocontel i buchlib yumʌlob. Tsa' caji ti buchtʌl jini Am bʌ Cabʌl i Jabilel. Wen sʌsʌc i pislel che' bajche' i ña'al tsʌñal. Wen sʌsʌc i tsutsel i jol che' bajche' i tsutsel tiñʌme'. I buchlib yic'ot i yoc i buchlib puro c'ajc woli bʌ ti lejmel.

Daniel 8:15

Joñon Danielon, tsac cha'le wersa cha'an mic ch'ʌmben isujm ili tsa' bʌ j q'uele. Awilan tsa' wa'le winic tic tojlel.

Mateo 13:41

I Yalobil Winic mi caj i choc tilel i yángelob. Mi caj i tempañob loq'uel ti' yumʌntel pejtelel mu' bʌ i yʌsañob ti mulil i pi'ʌlob yic'ot jini mu' bʌ i cha'leñob jontolil.

Mateo 24:30

Ti jim bʌ ora i Yalobil Winic mi caj i pʌs i yejtal i p'ʌtʌlel ti panchan. Mi' cajelob ti cabʌl uq'uel pejtelel winicob x'ixicob ti pañimil. Mi caj i q'uelob i Yalobil Winic che' mi' tilel ti tocal ti panchan ti' p'ʌtʌlel yic'ot ti' ñuclel.

Mateo 25:31

Che' mi' tilel i Yalobil Winic ti' ñuclel yic'ot pejtelel i yángelob mi' caj ti buchtʌl ti' yumʌntel yic'ot i ñuclel.

Mateo 26:64

Jesús tsi' sube: Joñon cu. Pero mic subeñetla, wʌle c'ʌlʌl ti pejtelel ora i Yalobil Winic mi' caj ti buchtʌl ti' ñoj jini P'ʌtʌl bʌ Dios. Mi caj la' q'uel che' mi' tilel ti tocal ti panchan, che'en.

Mateo 28:18

Jesús tsa' tili. Tsi' subeyob: Aq'uebilon c p'ʌtʌlel cha'an mic mel pejtelel chuqui com ti panchan yic'ot ti pañimil.

Mateo 8:20

Jesús tsi' sube: An i met wax. An i c'u' te'lemut, pero ma'anic ba' mi' ñoltʌl i Yalobil Winic cha'an mi' c'aj i yo, che'en.

Marcos 13:26

Ti wi'il mi caj i q'uelob i Yalobil Winic che' mi' tilel ti tocal yic'ot cabʌl i p'ʌtʌlel yic'ot i ñuclel.

Lucas 21:27

Ti jim bʌ ora mi caj i q'uelob i Yalobil Winic che' mi' tilel ti tocal yic'ot i p'ʌtʌlel yic'ot cabʌl i ñuclel.

Lucas 21:36

Yom yʌxʌl la' wo che' jini. Chʌn cha'lenla oración ti pejtelel ora, cha'an mi la' q'uejlel ti uts'at, cha'an ma'anic mi' tajetla ili wocol mu' bʌ caj ti ujtel, cha'an uts'at mi la' wa'tʌl ti' tojel i Yalobil Winic, che'en Jesús.

Lucas 24:27

Jesús tsa' caji i subeñob i sujmlel pejtelel i Ts'ijbujel Dios ba' tsa' tajle ti t'an c'ʌlʌl ti' jun Moisés c'ʌlʌl ti' jun pejtelel x'alt'añob.

Juan 12:34

Jini ya' bʌ añob tsi' jac'beyob: Tsa cubi lojon mi caj i yajñel jini Cristo ti pejtelel ora. ¿Chucoch ma' wʌl wersa yom mi' letsʌntel i Yalobil Winic? ¿Majqui jini i Yalobil Winic? che'ob.

Juan 3:13

Ma'anic majch tsa' letsi ti panchan, cojach jini tsa' bʌ jubi tilel ti panchan, jiñʌch i Yalobil Winic am bʌ ti panchan.

Juan 5:27

Dios tsi' yʌq'ue ja'el i p'ʌtʌlel ti meloñel come i Yalobilʌch Winic.

Hechos 7:56

Tsi' yʌlʌ: Awilan, wolij q'uel calal jini panchan. Ya' wa'al i Yalobil Winic ti' ñoj Dios, che'en.

1 Tesalonicenses 4:17

Ti wi'il joñonla cuxulon to bʌ la wʌ' ti pañimil mi caj lac tem letsel majlel la quic'ot jini tsa' bʌ chʌmiyob. Ya' ti tocal ti panchan mi caj lac taj lac Yum. Che' jini mi caj la cajñel yic'ot lac Yum ti pejtelel ora.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

Hebreos 2:14

An i bʌc'tal yic'ot i ch'ich'el i yalobilob. Jini cha'an Jesús tsi' taja i bʌc'tal yic'ot i ch'ich'el ja'el cha'an mi' yʌc' i bʌ ti chʌmel. Che' bʌ tsa' chʌmi tsi' jisa jini am bʌ i p'ʌtʌlel cha'an mi' yʌc' ti chʌmel winicob x'ixicob, jiñʌch xiba.

Hebreos 9:24

Come Cristo ma'anic tsa' ochi ti Ch'ujul bʌ Ajñibʌl melbil bʌ ti c'ʌbʌl, i yejtal jach bʌ panchan. Tsa' ochi ti panchan, jini mero Ch'ujul bʌ Ajñibʌl ba' woli' pʌs i bʌ ti' tojlel Dios cha'an mi' coltañonla.

Apocalipsis 1:13

Ti' yojlil jini wucts'ijt lámpara tsaj q'uele i Yalobil Winic lʌpʌl i cha'an pʌl jexan bʌ i bujc c'ʌlʌl ti' yoc. Cʌchʌl i tajn ti' cajchiñʌc' melbil bʌ ti oro.

Apocalipsis 1:18

Joñoñʌch jini cuxul bʌ. Tsa' chʌmiyon. Awilan, cha' cuxulon ti pejtelel ora. Amén. An tic p'ʌtʌlel jini chʌmeño' bʌ yic'ot i yajñib chʌmeño' bʌ.

Apocalipsis 1:7

Awilan, tal ti tocal. Pejtelel winicob yic'ot jini tsa' bʌ i jeq'ueyob mi caj i q'uelob. Mi' cajelob ti cabʌl uq'uel jujunchajp winicob x'ixicob ti pañimil che' mi' tilel Cristo. Che'ʌch yom. Amén.

Apocalipsis 14:14

Awilan, tsaj q'uele tocal wen sʌsʌc bʌ. Ya' buchul ti tocal tsaj q'uele i Yalobil Winic. C'ʌcʌl ti' jol i corona melbil bʌ ti oro. Chucul ti' c'ʌb locol bʌ machit, jay bʌ i yej.