Daniel 7:10 - Chol: I T’an Dios

¹⁰ Tsa' ts'ʌjyi loq'uel jini c'ajc ti' tojlel. An i yaj e'telob ti mil ti mil yic'ot bajc'ʌl winicob x'ixicob wa'alo' bʌ ti' tojlel. Jini Juez tsa' caji' tech meloñel. Tsa' caji ti jajmel jini jun tac.

Chol de Tumbalá Bible

¹⁰ Tsa' ts'ʌjyi loq'uel jini c'ajc ti' tojlel. An i yaj e'telob ti mil ti mil yic'ot bajc'ʌl winicob x'ixicob wa'alo' bʌ ti' tojlel. Jini Juez tsa' caji' tech meloñel. Tsa' caji ti jajmel jini jun tac.

Daniel 7:10 Iomraidhean Croise

1 Reyob 22:19

Pero Micaías tsi' cha' alʌ: Yom ma' ñich'tʌben i t'an lac Yum. Tsaj q'uele lac Yum ya' buchul ti panchan. Pejtelel ya' bʌ añob ti panchan junlajal wa'alob ti' ñoj ti' ts'ej.

2 Cronicas 18:18

Micaías tsa' cha' caji i yʌl: Ñich'tanla chuqui mi' yʌl lac Yum. Tsaj q'uele buchul lac Yum ya' ti' buchlib, che' ya' wa'alob pejtelel jini año' bʌ ti panchan ti' joytʌlel.

Job 25:3

Mach tsicbilic i yaj coltayajob ti mojt ti mojt. ¿Mach ba c'otic i c'ʌc'al ti pejtelel pañimil?

Salmos 103:21

Ch'ujutesanla lac Yum pejtel i yángelob, X'e'teletla mu' bʌ la' melben chuqui yom Dios.

Salmos 18:8

Jusiña i ñi' Dios yilal cha'an i mich'ajel. C'ajc woli bʌ ti lejmel tsa' loq'ui ti' yej yilal, Tsi' tsuc'u xutunte'.

Salmos 50:3

Tal lac Dios. Mach ñʌch'ʌlic che' mi' tilel. Mi' lejmel c'ajc ti' tojel i wut. An p'ʌtʌl bʌ ic' ti' joytilel.

Salmos 68:17

Wen bajc'ʌl jini carreta tac i cha'an Dios. Lac Yum tsi' cʌyʌ Sinaí wits. Tsa' juli ti Ch'ujul bʌ Ajñibʌl wʌ' ti Sion.

Isaias 30:27

La' wilan, talix lac Yum am bʌ ti ñajtʌl. Wen mich'. Wen pim jini buts' woli bʌ i letsel ti' joytilel. Mi' cha'len t'an ti' mich'ajel. Lajal i yiq'uilel i yej che' bajche c'ajc yujil bʌ jisaya.

Isaias 30:33

Anix ora chajpʌbil jini c'ajc ba' mi' cajelob ti pulel jini asiriajob. Chan lʌtsbil si'. Lac Yum mi caj i c'ʌn i yiq'uilel i yej cha'an mi' tsuc'.

Daniel 12:1

Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Daniel 7:22

jinto tsa' tili ti meloñel jini Am bʌ Cabʌl i Jabilel. Tsi' tsictesa ti toj i cha'año' bʌ. Tsa' c'oti i yorajlel cha'an mi' yʌq'ueñob i yumʌntel i cha'año' bʌ Dios.

Daniel 7:26

Pero jini Am bʌ Cabʌl i Jabilel mi caj i tilel ti meloñel. Mi caj i chilben i yumʌntel. Mi caj i junyajlel jisan jini yumʌl.

Zacarias 14:5

Mi caj la' puts'el ya' ti joctʌl ti' ñʌc' jini wits, come jini joctʌl mi caj i c'ʌlʌl c'otel ti' ti' Jerusalén. Mi caj la' puts'el che' bajche' tsa' puts'iyob la' tatob che' ti' yorajlel yujquel lum che' woli ti yumʌntel Uzías ya' ti Judá. Ti jim bʌ ora mi caj i tilel lac Yum Dios yic'ot pejtel i cha'año' bʌ.

Mateo 25:31

Che' mi' tilel i Yalobil Winic ti' ñuclel yic'ot pejtelel i yángelob mi' caj ti buchtʌl ti' yumʌntel yic'ot i ñuclel.

Deuteronomio 33:2

Lac Yum tsa' tili ba' añonla ya' ti Sinaí wits. Tsi' pʌsʌ i bʌ ti Seir wits, Tsa' tsictiyi i ñuclel ya' ti Parán wits, Joyol ti bajc'ʌl ch'ujul bʌ ángelob Año' bʌ ti' ñoj che' bajche' lemlemña bʌ c'ajc.

Hebreos 1:14

Pejtelel jini ángelob, ¿mach ba espíritujobic mu' bʌ i cha'leñob e'tel? ¿Mach ba chocbilobic tilel cha'an mi' cʌntañob jini mu' bʌ caj i coltʌntelob?

Hebreos 12:22

Pero jatetla tsa'ix c'otiyetla ti wits i c'aba' Sion, i tejclum jini cuxul bʌ Dios, jini Jerusalén am bʌ ti panchan ba' tempʌbilob bajc'ʌl ángelob.

Judas 1:14

Enoc i wʌclajmlel i p'olbal Adán, tsi' wʌn alʌ cha'an jini winicob: La' wilan tal lac Yum yic'ot bajc'ʌl ch'ujulo' bʌ i cha'an,

Apocalipsis 11:18

Mich'ob jini año' bʌ ti pejtelel pañimil. Wolix a pʌs a mich'lel. I yorajlelix ma' mel jini chʌmeño' bʌ. I yorajlelix ma' wʌq'ueñob i chobejtʌbal a winicob yic'ot x'alt'añob a cha'an, yic'ot pejtel a cha'año' bʌ mu' bʌ i bʌc'ñañob a c'aba', jini ch'o'ch'oco' bʌ yic'ot jini ñuco' bʌ. I yorajlelix ma' jisan jini mu' bʌ i jisañob pañimil. Che' tsi' yʌlʌyob.

Apocalipsis 5:11

Tsaj q'uele cabʌl ángelob ti' joytʌlel i buchlib Dios. Tsa cubibeyob i t'an yic'ot i t'an jini querubiñob yic'ot i t'an ancianojob ti pic ti pic. Wen bajc'ʌlob.