Daniel 6:8 - Chol: I T’an Dios

⁸ Yomix ma' mel jini mandar. Yom ma' wotsan a firma cha'an mach mejlic ti q'uextʌyel, come mach mejlic ti jejmel i mandar medojob yic'ot persiajob che' melbilix, che'ob.

Chol de Tumbalá Bible

⁸ Yomix ma' mel jini mandar. Yom ma' wotsan a firma cha'an mach mejlic ti q'uextʌyel, come mach mejlic ti jejmel i mandar medojob yic'ot persiajob che' melbilix, che'ob.

Daniel 6:8 Iomraidhean Croise

Ester 1:19

Mi che'ʌch yom i pusic'al rey, la' i mel mandar. La' ts'ijbuntic che' bajche' i tilel mi' melob mandar jini persiajob yic'ot mediajob cha'an ma'anic mi mejlel ti jejmel che' jini. La' i yʌc' mandar jini rey Asuero cha'an ma'anix mi' chʌn tilel Vasti ti' tojlel rey ti pejtelel ora. La' i pʌy ti' yijñam yambʌ x'ixic ñumen uts'at bʌ cha'an mi' ch'ʌmben i ye'tel jini co'ʌl Vasti.

Ester 3:12

Che' ñumenix cha'p'ejl uxp'ejl semana, tsa' pʌjyiyob tilel sts'ijbayajob cha'an mi' yotsañob ti jun jini mandar che' bajche' i tilel mi' cha'leñob ts'ijb ti' t'an tac jujump'ejl colem tejclum, cha'an mi' q'uelob pejtel ñuco' bʌ i ye'tel yic'ot gobernadorob yic'ot yumʌlob. Tsi' yʌc'ʌ ti ts'ijbuntel Amán; tsi' yotsʌbe i c'aba' jini rey Asuero. Tsi' ñotbe i sellojlel am bʌ ti' mʌtc'ʌb rey.

Ester 8:10

Tsi' yotsʌbeyob i c'aba' jini rey Asuero yic'ot i sello ya' ti ts'ijbujel. Tsi' chocoyob majlel jun ti' wenta x'ac' juñob tsa' bʌ majliyob ti c'ʌchlib tac wen yujil bʌ ajñel. Jiñʌch i c'ʌchlib tac rey.

Ester 8:3

Ester tsa' cha' caji' pejcan jini rey. Tsi' choco jubel i bʌ ti' yoc. Woli ti uq'uel che' bʌ tsi' c'ajtibe ti wocol t'an cha'an mi' mʌctan jini wocol tsa' bʌ i ña'ta i melbeñob Amán, i p'olbal bʌ Agag, che' bʌ tsi' yʌc'ʌ mandar cha'an mi' tsʌnsʌntelob jini judíojob.

Ester 8:8

Mi mejlel la' mel jun ti' c'aba' rey bajche' jach yom la' pusic'al cha'an mi la' coltan jini judíojob. Otsʌbenla i sellojlel yic'ot c mʌtc'ʌb, che'en.

Salmos 94:21

Mi' temob i t'an cha'an mi' tsʌnsañob jini toj bʌ. Mi' yʌc'ob ti chʌmel jini mach bʌ añobic i mul.

Isaias 10:1

Obolob i bʌ jini winicob mach bʌ tojic mi' cha'leñob meloñel yic'ot jini mu' bʌ i ts'ijbañob ley tac mach bʌ tojic.

Daniel 5:28

UPARSIN: Woli' t'oxtʌl a yumʌntel. Aq'uebilix ti' wenta jini medojob yic'ot persiajob, che'en Daniel.

Daniel 6:12

Jini cha'an tsa' majliyob ti ora ba'an jini rey. Tsi' c'ajtesʌbeyob jini mandar tsa' bʌ poj ujti i mel. Tsi' subeyob: ¿Mach ba anic tsa' wotsa a firma ti jini mandar? “Lujump'ejl i cha'c'al q'uin la' i cʌyob i pejcañob i dios pejtel winicob. Mi an chuqui yomob, la' i c'ajtibeñet. Mi an majch mi' ñusan ili mandar, la' chojquic ochel ti' ch'eñal bajlum”. ¿Mach ba che'ic melbil? che'ob. Jini rey tsi' jac'ʌ: Che' cuyi. La' mejlic che' bajche' ts'ijbubil, come xuc'ul mi' yajñel i mandar jini medojob yic'ot persiajob. Mach mejlic ti jejmel, che'en.

Daniel 6:15

Pero jini winicob tsi' chʌn xiq'uiyob. Tsi' yʌlʌyob: Rey, ña'tan xuc'ul mi' yajñel i mandar medojob yic'ot persiajob. Melbilix jini mandar. Tsa' wotsa a firma. Mach mejlic ti jejmel, che'ob.

Mateo 24:35

Mi' caj ti jilel pañimil yic'ot panchan pero mach jilic c t'an.