Daniel 6:4 - Chol: I T’an Dios

⁴ Pero jini gobernadorob yic'ot jini xq'uel e'telob tsa' caji' comol ña'tañob bajche' mi mejlel i tajbeñob i mul Daniel ti' yumʌntel. Pero ma'anic tsa' mejli i tajbeñob i mul, come ma'anic i mul, xuc'ul i melbal. Uts'at ja'el tsi' cha'le yumʌntel ti' tojlel pejtel winicob.

Chol de Tumbalá Bible

⁴ Pero jini gobernadorob yic'ot jini xq'uel e'telob tsa' caji' comol ña'tañob bajche' mi mejlel i tajbeñob i mul Daniel ti' yumʌntel. Pero ma'anic tsa' mejli i tajbeñob i mul, come ma'anic i mul, xuc'ul i melbal. Uts'at ja'el tsi' cha'le yumʌntel ti' tojlel pejtel winicob.

Daniel 6:4 Iomraidhean Croise

Genesis 41:38

Faraón tsi' sube i winicob: Mach mejlic lac taj yambʌ winic che' bajche' iliyi, am bʌ i cha'an i yEspíritu Dios, che'en.

Genesis 43:18

Tsi' cha'leyob bʌq'uen, come tsa' pʌjyiyob majlel ti' yotot José. Tsi' yʌlʌyob: Pʌybilonla cha'an jini taq'uin tsa' bʌ cha' otsʌbentiyonla ti laj coxtal. Yomix i contrajiñonla. Mux caj i chuconla yic'ot lac burro cha'an mi' pʌyonla majlel ti to'ol e'tel, che'ob.

Proverbios 29:27

Jini toj bʌ ts'a' mi' q'uel xjontolil. Che' ja'el jini sajtem bʌ ts'a' mi' q'uel jini toj bʌ.

Eclesiastes 4:4

Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob.

Jeremias 18:18

Tsa' caji i temob i t'an c pi'ʌlob: ¿Chuqui yom mi lac tumben Jeremías? che'ob. An lac cha'an motomajob yic'ot x'alt'añob yic'ot winicob cabʌl bʌ i ña'tʌbal. Ma'anic i ye'tel jini Jeremías. La' lac jop'ben i mul cha'an mi' cʌjchel. Mach yomic mi lac chʌn ñich'tʌben i t'an, che'ob.

Jeremias 18:23

C Yum, a wujil bajche' woli' contrajiñoñob cha'an yomob i tsʌnsañon. Mach a ñusʌbeñob i mul. Mʌctʌbeñob i bijlel. Ac'ʌyob ti toj mulil ti' yorajlel a mich'ajel.

Jeremias 20:10

Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Jeremias 29:7

Cha'lenla e'tel. Melela chuqui mi caj i coltan jini tejclum ya' ba' añetla. C'ajtibenla Dios cha'an mi' coltan ja'el, come tijicñayetla che' tijicña la' tejclum, che'en lac Yum.

Daniel 3:8

Pero jini caldeojob año' bʌ i ye'tel tsa' majli i subeñob rey i mul jini judíojob mach bʌ anic tsi' ñocchocoyob i bʌ.

Daniel 5:12

Come Daniel tsa' bʌ q'uextʌbenti i c'aba' ti Beltsasar an i cha'an wen ñuc bʌ espíritu yic'ot cabʌl i ña'tʌbal yic'ot i p'ip'lel, cha'an mi' tsictesan i sujmlel ñajal. Mi' ch'ʌmben isujm jini ts'ijbubil tac bʌ wocol bʌ ti ña'tʌntel yic'ot jini wen mucul tac bʌ. Jini cha'an pʌyʌ tilel Daniel cha'an mi' tsictesʌbeñet i sujmlel jini t'an ts'ijbubil bʌ ya' ti' ts'ajc, che'en i ña' Belsasar.

Daniel 6:22

Jini c Dios tsi' choco tilel i yángel cha'an mi' mʌcben i yej jini bajlum tac. Toj tsi' q'ueleyon. Jini cha'an ma'anic chuqui tsi' tumbeyon. Ti a tojlel ja'el, c rey, ma'anic c mul, che'en.

Mateo 26:4

Tsi' temeyob i t'an cha'an mi' chucob Jesús ti mucul cha'an mi' tsʌnsañob.

Mateo 27:18

Come yujil Pilato tsa' jach i yʌc'ʌyob Cristo ti' c'ʌb cha'an tsʌytsʌyñayob jax i pusic'al cha'an i ñuclel Cristo.

Lucas 20:20

Tsi' chʌcʌ q'ueleyob Jesús. Tsi' chocoyob majlel xñich'ta t'añob tsa' bʌ i lon pʌsʌyob i bʌ ti toj. Tsi' chocoyob majlel cha'an mi' yʌquiñob ti' t'an cha'an mi' yʌc'ob ti melol ti' tojlel jini gobernador.

Lucas 20:26

Ma'anic tsa' mejli i tajbeñob i mul Jesús, come toj i t'an ti' tojlel winicob x'ixicob. Tsa' toj sajtiyob i pusic'al cha'an uts'at tsi' jac'ʌ Jesús. Ñʌch'ʌl tsa' cʌleyob.

Lucas 22:2

Jini ñuc bʌ motomajob yic'ot sts'ijbayajob tsi' temeyob i t'an cha'an mi' mucul tsʌnsañob Jesús, come tsi' bʌc'ñayob winicob x'ixicob.

Juan 19:4

Pilato tsa' cha' loq'ui i pejcañob. Tsi' subeyob: La' wilan wolic pʌybeñetla tilel jini winic cha'an mi la' ña'tan ma'anic i mul che'en.

2 Corintios 11:12

Che' bajche' wolic mel mi caj c chʌn mel, cha'an mic tsictesʌbeñob i lotob mu' bʌ i bajñel subob i bʌ ti ñuc. Come jini winicob mi' lon alob lajal woliyob ti e'tel bajche'on lojon.

Filipenses 2:15

Che' jini toj mi caj la' wajñel ti jump'ejl la' pusic'al, i yalobiletla Dios. Che' jini ma'anic la' bibi'lel anquese joyoletla ti jini mach bʌ tojobic i pusic'al, jini sojquemob jax bʌ. Mi' tsictiyel la' sʌclel ti' tojlelob che' bajche' ec'

1 Timoteo 5:14

Jini cha'an yom mi' cha' cha'leñob ñujpuñijel jini xch'oc to bʌ meba' x'ixicob. La' i cha'leñob albʌl, la' i cʌntañob i yotot. Che' jini, mach mejlic i wis wajleñonla laj contra.

Tito 2:8

Yom toj a t'an ti pejtelel cha'an mi' yubin quisin a contra che' ma'anic chuqui mi' taj ti a tojlel.

1 Pedro 2:12

Pʌsʌ la' bʌ ti uts'at ti' tojlel jini gentilob. Che' jini anquese mi' pʌq'uetla ti jontolil, mi caj i ña'tañob wen bʌ la' melbal che' mi' tsictiyel lac melbal ti lac pejtelel. Mi caj i subob i ñuclel Dios.

1 Pedro 3:16

Ajñenla ti uts'at cha'an ma'anic mi' tejchel t'an ti la' pusic'al. Che' jini mi caj i yubiñob quisin la' contrajob mu' bʌ i pʌq'uetla ti jontolil, che' mi' q'uelob wen bʌ la' melbal ti Cristo.

Juezob 14:4

Pero mach yujilobic i tat i ña' mi ch'oyolʌch ti lac Yum pejtelel iliyi, come Dios tsi' ña'ta i yʌq'ueñob wocol jini filisteojob. Come ti jim bʌ ora jini filisteojob woli' p'ump'un tic'lañob israelob.

1 Samuel 12:4

Jini israelob tsi' yʌlʌyob: Ma'anic tsa' wis tic'layon lojon. Ma'anic chuqui tsa' chilbeyon lojon. Ma'anic tsa' ch'ʌmʌ a majtan, che'ob.

1 Samuel 18:14

Tsa' loq'ui ti uts'at, come lac Yum an yic'ot.

1 Samuel 22:14

Ahimelec tsi' jac'be jini rey: Ti pejtelel a waj e'telob, ¿am ba yambʌ xuc'ul bʌ che' bajche' David, a ñij'al? Jiñʌch capitán cha'an jini xcʌntayajob a cha'an. Wen c'uxbibil i cha'an pejtelel jini año' bʌ ti a wotot.