Daniel 6:3 - Chol: I T’an Dios

³ Ñumen ñuc tsa' q'uejli ti' tojlel pejtel jini gobernadorob yic'ot jini cha'tiquil i pi'ʌlob ti e'tel, come wen yujil e'tel. Jini cha'an jini rey woli' ña'tan i wa'chocon Daniel ti' yum pejtelel jini gobernadorob año' bʌ ti jujump'ejl tejclum.

Chol de Tumbalá Bible

³ Ñumen ñuc tsa' q'uejli ti' tojlel pejtel jini gobernadorob yic'ot jini cha'tiquil i pi'ʌlob ti e'tel, come wen yujil e'tel. Jini cha'an jini rey woli' ña'tan i wa'chocon Daniel ti' yum pejtelel jini gobernadorob año' bʌ ti jujump'ejl tejclum.

Daniel 6:3 Iomraidhean Croise

Esdras 4:22

Jini cha'an yom tsajʌletla cha'an mi la' mel che' bajche' wolic subeñetla ame tejchic wocol tic tojlel. Che' tsi' yʌlʌ jini rey.

Nehemias 7:2

Tsa cʌc'ʌ Jerusalén ti' wenta Hanani, c pi'ʌl, yic'ot ti' wenta Hananías, jini capitán tsa' bʌ i cʌntʌbe i yotot gobernador, come xuc'ul i pusic'al ili winic. Ñumen tsi' bʌc'ña Dios bajche' yaño' bʌ.

Ester 10:3

Come wen ñuc Mardoqueo, jini judío. Jini jach rey ñumen ñuc. Wen ñucʌch ti' tojlel judíojob. C'uxbibil ti bajc'ʌl i pi'ʌlob, come tsi' sʌclʌbeyob i wenlel. Tsi' wen pejcayob cha'an mi' ñʌch'chocobeñob i pusic'al ti pejtelob.

Proverbios 17:27

Añʌch i ña'tʌbal jini mu' bʌ i cʌntan i yej. Ñʌch'ʌl i pusic'al jini mu' bʌ i wen ña'tan bajche' yom mi' mel.

Proverbios 22:29

¿A cʌñʌ ba juntiquil bʌx bʌ ti e'tel? Mi caj i yʌq'uentel ñuc bʌ i ye'tel ti' tojlel yumʌlob. Ma'anic mi caj i melbeñob i ye'tel jini ch'o'ch'oco' bʌ.

Eclesiastes 2:13

Tsa' caji c ña'tan, uts'at i sʌclel pañimil. Mach uts'atic ic'ch'ipan bʌ pañimil. Uts'at ja'el che' an lac pusic'al. Mach uts'atic che' tontojonla.

Daniel 5:12

Come Daniel tsa' bʌ q'uextʌbenti i c'aba' ti Beltsasar an i cha'an wen ñuc bʌ espíritu yic'ot cabʌl i ña'tʌbal yic'ot i p'ip'lel, cha'an mi' tsictesan i sujmlel ñajal. Mi' ch'ʌmben isujm jini ts'ijbubil tac bʌ wocol bʌ ti ña'tʌntel yic'ot jini wen mucul tac bʌ. Jini cha'an pʌyʌ tilel Daniel cha'an mi' tsictesʌbeñet i sujmlel jini t'an ts'ijbubil bʌ ya' ti' ts'ajc, che'en i ña' Belsasar.

Daniel 5:14

An abi ti a tojlel i yespíritu jini diosob yic'ot cabʌl a ña'tʌbal. Wen p'ip' abi a jol.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Daniel 9:23

Che' bʌ tsa' tejchi a woración, Dios tsi' jac'beyet. Tsi' chocoyon tilel cha'an mic subeñet ubibil a woración, come c'ux mi' yubiñet. Jini cha'an ubibeñon c t'an cha'an ma' ch'ʌmben isujm.