Daniel 6:2 - Chol: I T’an Dios

² Tsi' yʌc'ʌyob ti' wenta uxtiquil xq'uel e'telob cha'an mi' melob i ye'tel bajche' yom, cha'an ma'anic mi' tejchel wocol ti' tojlel jini rey. Juntiquil xq'uel e'tel jiñʌch Daniel.

Chol de Tumbalá Bible

² Tsi' yʌc'ʌyob ti' wenta uxtiquil xq'uel e'telob cha'an mi' melob i ye'tel bajche' yom, cha'an ma'anic mi' tejchel wocol ti' tojlel jini rey. Juntiquil xq'uel e'tel jiñʌch Daniel.

Daniel 6:2 Iomraidhean Croise

Esdras 4:22

Jini cha'an yom tsajʌletla cha'an mi la' mel che' bajche' wolic subeñetla ame tejchic wocol tic tojlel. Che' tsi' yʌlʌ jini rey.

Ester 7:4

Come chombilonix lojon, joñon quic'ot c pi'ʌlob jini judíojob, cha'an mic chʌmel lojon. Mux c tsʌnsʌntel lojon. Mux c junyajlel jilel lojon. Tsa'ic jach i choñoyon lojon ti majtan e'tel cha'an mi cubin lojon wocol quic'ot pejtel c pi'ʌlob, ma'anic chuqui tsaj c'ajtibeyet, come mi mejlel j cuch lojon. Pero jatet ja'el mi caj a wubin wocol mi tsa' jiliyob judíojob, che'en.

Proverbios 26:6

Jini mu' bʌ i choc majlel t'an ti' wenta jini tonto bʌ mi' yʌc' i bʌ ti asintel. Woli' tsep loq'uel i yoc yubil come mach c'otic i t'an.

Proverbios 3:16

Jini am bʌ wen bʌ i ña'tʌbal mi' ñajt'esʌntel i jabilel. Mi' yʌq'uentel i chubʌ'an yic'ot i ñuclel.

Daniel 5:16

Tsa cubi mi mejlel a tsictesan i sujmlel jini mucul tac bʌ. Mi mejlel a toj'esan chuqui wocol tac ti toj'esʌntel. Mi awujil a q'uelbeñon jini ts'ijbubil bʌ cha'an ma' tsictesʌbeñon i sujmlel, mi caj cʌq'ueñet a lʌp wen i t'ojol jax bʌ a bujc, yic'ot ujʌl melbil bʌ ti oro. Mi caj cʌq'ueñet a we'tel lʌc'ʌl tic t'ejl, che'en.

Daniel 5:29

Jini rey Belsasar tsi' subu cha'an mi' yʌq'uentel i majtan Daniel. Tsa' aq'uenti i lʌp i t'ojol jax bʌ i bujc yic'ot ujʌl melbil bʌ ti oro. Tsa' aq'uenti ñuc bʌ i ye'tel lʌc'ʌl ti' t'ejl jini rey.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Daniel 6:1

Jini rey Darío tsi' wa'choco wʌcc'al gobernadorob cha'an mi' cha'leñob yumʌl ti jujump'ejl tejclum ti' yumʌntel.

Mateo 18:23

Jini cha'an, i yumʌntel jini am bʌ ti panchan lajalʌch bajche' juntiquil yumʌl woli bʌ i ña'tʌbeñob i bet x'e'telob i cha'an.

Lucas 16:2

Jini i yum tsi' pʌyʌ tilel jini i yaj choñoñel. Tsi' sube: “¿Chuqui woli a mel? Subeñon bajche' tsa' c'ʌñʌ jini tsa' bʌ cotsa ti a wenta come mach chʌn mejlic a cha'libeñon que'tel”, che'en.

1 Corintios 4:2

Jini xcʌntaya wersa yom xuc'ul mi' pʌs i bʌ ti' ye'tel i yum.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.