Daniel 6:10 - Chol: I T’an Dios

¹⁰ Che' bʌ tsi' yubi Daniel melbilix jini mandar, tsa' majli ti' yotot. Tsa' ochi ti mal ba' mi' wʌyel cha'an mi' pejcan Dios che' bajche' i tilel. Jamʌl i ventanajlel am bʌ ti' tojel Jerusalén. I tilel mi' ñoctʌl ya'i uxyajl ti jujump'ejl q'uin cha'an mi' pejcan Dios. Tsi' ñocchoco i bʌ ti oración cha'an mi' ch'ujutesan. Tsi' sube wocolix i yʌlʌ Dios.

Chol de Tumbalá Bible

¹⁰ Che' bʌ tsi' yubi Daniel melbilix jini mandar, tsa' majli ti' yotot. Tsa' ochi ti mal ba' mi' wʌyel cha'an mi' pejcan Dios che' bajche' i tilel. Jamʌl i ventanajlel am bʌ ti' tojel Jerusalén. I tilel mi' ñoctʌl ya'i uxyajl ti jujump'ejl q'uin cha'an mi' pejcan Dios. Tsi' ñocchoco i bʌ ti oración cha'an mi' ch'ujutesan. Tsi' sube wocolix i yʌlʌ Dios.

Daniel 6:10 Iomraidhean Croise

1 Reyob 8:30

A cha'añon. A cha'añob ja'el pejtelel israelob. Jini cha'an yom ma' wubibeñon lojon coración che' an chuqui mij c'ajtibeñet lojon ti' tojel a wotot. Ya' ba' chumulet ti panchan yom ma' ñich'tañon lojon. Che' ma' wubiñon lojon yom ma' ñusʌbeñon lojon c mul.

1 Reyob 8:38

che' jini yom ma' ñich'tʌbeñob i yoración majqui jach mi' pejcañet che' mi' yubin i ñijcʌntel i pusic'al. Mi tsi' sʌts'beyet i c'ʌb ti tojel ili Templo,

1 Reyob 8:44

Che' ma' subeñob majlel ti guerra jini israelob ti' tojlel i contrajob, mi tsi' sutq'uiyob i wut ti' tojel a tejclum Jerusalén, ti' tojel ili Templo tsa' bʌ c wa'choco cha'an i c'uxbintel a c'aba', mi tsi' pejcayetob ti oración,

1 Reyob 8:54

Tsa' ujti ti oración Salomón. Tsa' ch'ojyi ya' ba' ñocol ti' t'ejl jini pulʌntib i cha'an lac Yum, sʌts'ʌl i c'ʌb ti' tojel panchan.

Esdras 9:5

Che' i yorajlelix che' mi' yʌq'uentel i majtan Dios, tsac peq'uesa c bʌ. Tsac ñocchoco c bʌ. Tsac letsa j c'ʌb ti' tojlel lac Yum Dios.

Nehemias 6:11

Tsac sube: ¿Yom ba mic puts'el che' ñuc que'tel? Mach yomic. Mach mejlic ti ochel jini mach bʌ motomajic, come tic'bil. Anquese yomob i tsʌnsañon, ma'anic mi caj cochel, cho'on.

Salmos 34:1

Mi caj c ch'ujutesan lac Yum ti pejtelel ora. Mi caj c chʌn sub i ñuclel c Yum.

Salmos 5:7

Jixcu joñon, mi caj cochel ti a wotot come cabʌl ma' p'untañon. Mic bʌc'ñañet che' mic ch'ujutesañet ti jini ch'ujul bʌ a Templo.

Salmos 55:17

Che' ti ic'ajel yic'ot ti sʌc'ajel yic'ot ti xinq'uinil Mi caj c suben c wocol. Mi caj i yubibeñon c t'an.

Salmos 86:3

C Yum, p'untañon, come mic pejcañet ti wocol t'an che' mi' sʌc'an c'ʌlʌl mi' yic'an.

Salmos 95:6

La' lac ch'ujutesan lac Yum. La' lac ñocchocon lac bʌ ti' tojlel jini tsa' bʌ i meleyonla.

Daniel 6:13

Jini winicob tsi' jac'ʌyob: Pero an i mul Daniel, i pi'ʌl bʌ jini xñujp'elob tsa' bʌ pʌjyiyob tilel ti Judá. Ma'anic mi' p'iset ti wenta. Che' ja'el ma'anic woli' jac' jini mandar tsa' bʌ a mele. Tsaj q'uele lojon. Woli' chʌn mel che' bajche' i tilel ti' tojlel i Dios. Uxyajl ti q'uin mi' pejcan i Dios ti oración, che'ob.

Daniel 9:4

Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Jonas 2:4

Tsa cʌlʌ: “Chocbilonix a cha'an ba' ma'anix mic chʌn q'uelet, pero mu' to caj j q'uel jini ch'ujul bʌ Templo ya' ba' chumulet”, cho'on.

Marcos 3:3

Jesús tsi' sube jini winic tiquin bʌ i c'ʌb: La' ilayi. Ch'ojyen, ochen ilayi ti ojlil, che'en.

Lucas 14:26

Mi an majqui mi' ñochtañon mach bʌ anic mi' ts'a'len i tat, i ña', i yijñam, i yalobilob, i yijts'iñob, i yʌscuñob, i chichob, yic'ot i cuxtʌlel ja'el, mach mejlic ti ochel ti xcʌnt'an c cha'an.

Lucas 22:41

Tsi' ts'ita' xʌñʌ majlel che' i ñajtlel bajche' mi' chojquel xajlel. Tsa' ñocle. Tsi' cha'le oración.

Hechos 10:9

Ti yijc'ʌlal, che' woliyob ti xʌmbal majlel ti bij, che' lʌc'ʌlix añob ti tejclum, Pedro tsa' letsi ti' jol otot cha'an mi' pejcan Dios. Ts'ita jax yom i taj xinq'uiñil.

Hechos 2:15

Come ili winicob mach yʌcobic che' bajche' mi la' ña'tan ti la' pusic'al, come bolomp'ejl jax to ora.

Hechos 20:24

Ma'anic mij q'uel j cuxtʌlel ti ñuc. Anquese mi cʌjq'uel ti chʌmel, tijicña c pusic'al mi uts'at mic ts'ʌctesan que'tel tsa' bʌ aq'uentiyon ti lac Yum Jesús cha'an mic sub jini wen t'an cha'an i yutslel i pusic'al Dios.

Hechos 20:36

Che' bʌ tsa' ujti ti jini t'an tsa' ñocle. Pablo tsi' como pejca Dios yic'otob.

Hechos 21:5

Che' ñumenix jump'ejl semana tsa' majliyon lojon. Ti pejtelelob tsi' pi'leyon lojon majlel yic'ot x'ixicob yic'ot i yalobilob, c'ʌlʌl che' bʌ tsa' loq'uiyon lojon ti tejclum. Ya' ti' ti' ja' tsa' cajiyon lojon ti ñoctʌl, tsac pejca lojon Dios.

Hechos 3:1

Temel tsa' letsiyob majlel Pedro yic'ot Juan ti Templo ti' yorajlel oración ti och'ajel q'uin.

Hechos 4:29

Wʌle, c Yum, q'uele bajche' mi' yʌ'leñon lojon. A winicon lojon. Aq'ueñon lojon i ch'ejlel c pusic'al cha'an mic sub lojon a t'an.

Hechos 5:20

Cucula ti wa'tʌl ti Templo. Suben winicob x'ixicob bajche' yom mi' tajob i cuxtilel, che'en.

Hechos 5:29

Pedro yic'ot jini apóstolob tsi' jac'beyob: Wersa mic jac'ben lojon i mandar Dios anquese mi' ñusʌntel i mandar winicob.

Hechos 7:60

Tsa' ñocle. C'am tsi' cha'le t'an: C Yum, mach a wʌq'ueñob ti' wenta ili i mul, che'en. Che' bʌ tsa' ujti i sub jini t'an tsa' chʌmi.

Hechos 9:40

Pedro tsi' subeyob cha'an mi' loq'uelob ti pejtelelob. Tsa' ñocle. Tsi' pejca Dios. Ti wi'il tsi' sutq'ui i bʌ cha'an mi' q'uel jini ch'ujlelʌl. Tsi' sube: Ch'ojyen, Tabita, che'en. Tsa' cajni i wut. Che' bʌ tsi' q'uele Pedro, tsa' buchle.

Efesios 3:14

Jini cha'an mic ñocchocon c bʌ ti' tojlel lac Tat

Filipenses 1:14

Tsa' ch'ejl'ayob ti lac Yum cabʌl la quermanojob cha'an ñup'ulon. Ñumen ch'ejl woli' subob jini wen t'an. Ma'añobix i bʌq'uen.

Filipenses 1:20

Come che'ʌch com ja'el ti pejtelel c pusic'al. Mi cʌl ma'anic mi caj cʌjq'uel ti quisin mi ts'ita'ic, pero ti pejtelel c ch'ejlel che' bajche' ti yambʌ ora, che' ja'el wʌle, mi caj i pʌstʌl i ñuclel Cristo tic tojlel mi cuxul to mi cajñel, o mi mux c chʌmel.

Filipenses 4:6

Mach mi la' cha'len tsic pusic'al pero ti pejtelel chuqui tac mi' yujtel subenla Dios chuqui tac yom ti oración. Chʌn c'ajtibenla. Subenla wocolix i yʌlʌ.

Colosenses 3:17

Pejtel chuqui mi la' mel, mi t'an, mi e'tel, melela ti' c'aba' lac Yum Jesús. Subenla wocolix i yʌlʌ Dios lac Tat ti Jesús.

Hebreos 13:15

Jini cha'an che' coltʌbilonla cha'an Jesús, la' lac chʌn sub i ñuclel Dios ti' tojlel winicob. Jiñʌch mero i majtan.

Hebreos 4:16

Jini cha'an yom ch'ejl lac pusic'al mi lac lʌc'tesan lac bʌ ba'an i buchlib Dios ba' mi' pʌsbeñonla i yutslel i pusic'al. Ya'i mi caj lac p'untʌntel. Mi caj laj coltʌntel ti' yutslel i pusic'al che' an wocol ti lac tojlel.

Apocalipsis 2:10

Mach la' bʌc'ñan jini wocol mu' bʌ caj i tajetla. Awilan jini xiba mi caj i lamital otsañetla ti ñujp'ibʌl cha'an mi' yilʌbentel la' pusic'al. Mi caj la' tic'lʌntel lujump'ejl q'uin. Xuc'ul yom mi la' wajñel anquese mi la' wʌjq'uel ti chʌmel. Mi caj cʌq'ueñetla la' cuxtʌlel che' bajche' corona.

Apocalipsis 2:13

Cʌmbil c cha'an la' melbal ya' ba' chumuletla ba' woli' cha'len yumʌl Satanás. Pero woli la' chʌn ña'tan j c'aba'. Ma'anic tsa' la' cʌyʌ la' ñopon. Xuc'uletla ja'el che' bʌ tsa' tsʌnsʌnti Antipas, xuc'ul bʌ testigo c cha'an tsa' bʌ i yʌc'ʌyon ti cʌjñel ya' ba' añetla ba' chumul Satanás.