Daniel 5:9 - Chol: I T’an Dios

⁹ Tsa' utsi caji ti bʌq'uen jini rey Belsasar. Tsa' yʌjñi i wut. Tsa' toj sajtiyob i pusic'al jini ñuco' bʌ i ye'tel woli bʌ i pi'leñob.

Chol de Tumbalá Bible

⁹ Tsa' utsi caji ti bʌq'uen jini rey Belsasar. Tsa' yʌjñi i wut. Tsa' toj sajtiyob i pusic'al jini ñuco' bʌ i ye'tel woli bʌ i pi'leñob.

Daniel 5:9 Iomraidhean Croise

Salmos 18:14

Tsi' choco tac tilel chajc, Tsi' yajñesa j contrajob. Cabʌl tsa' tojmi chajc, tsi' pucuyob.

Salmos 48:6

Tsiltsilñayob tsi' cha'leyob bʌq'uen. Tsi' yubiyob wocol lajal bajche' x'ixic mu' bʌ i cha'len bajq'uel.

Jeremias 30:6

C'ajtibeñob jini winicob mi cʌntʌbilob i cha'an alʌl. ¿Chucoch sʌcobix i wut ti bʌq'uen? ¿Chucoch woli' ñet'ob i ya' che' bajche' x'ixic woli bʌ ti bajq'uel?

Jeremias 6:24

Ubibilix lac cha'an bajche' woli' melob. Jini cha'an c'unix laj c'ʌb. Woliyonla ti wocol che' bajche' x'ixic woli bʌ ti bajq'uel.

Daniel 10:8

C bajñel jach che' bʌ tsaj q'uele ili bʌbʌq'uen tac bʌ. Tsa' c'uñ'ayon. Tsa' sʌc'a c wut cha'an bʌq'uen.

Daniel 2:1

Che' ti cha'p'ejlel jab che' woli ti yumʌntel Nabucodonosor, tsi' cha'le ñajal. Bʌbʌq'uen jax chuqui tsi' ñajle. Ma'anix tsa' chʌn ochi i wʌyel come tsi' wen mele i pusic'al.

Daniel 5:6

Sʌclic'an i wut ti bʌq'uen. Tsa' caji ti tsiltsilñiyel i yoc. Ma'anix i p'ʌtʌlel.

Mateo 2:3

Jini yumʌl Herodes che' bʌ tsi' yubi, tsi' mele i pusic'al yic'ot pejtelel winicob x'ixicob ti Jerusalén.

Apocalipsis 6:15

Jini reyob ti pañimil, yic'ot año' bʌ i ye'tel, yic'ot wen chumulo' bʌ, yic'ot i yaj capitañob soldadojob, yic'ot jini p'ʌtʌlo' bʌ, yic'ot pejtelel año' bʌ ti' yum, yic'ot pejtelel mach bʌ añobic ti' yum tsi' mucuyob i bʌ ti ch'en tac yic'ot ti xajlel tac am bʌ ti colem wits.