Daniel 5:2 - Chol: I T’an Dios

^2-3 Che' woli' yʌc'an jini rey, tsi' choco ti ch'ʌmol tilel jini vaso tac melbil bʌ ti oro yic'ot plata i cha'an Dios. Jini rey Nabucodonosor i tatuch Belsasar tsa'ix i loc'sa tilel ti' Templo Dios ya' ti Jerusalén. Jini rey Belsasar yic'ot i pi'ʌlob ti e'tel yic'ot i yijñam yic'ot i yixicob tsi' c'ʌñʌyob ti jap vino

Chol de Tumbalá Bible

^2-3 Che' woli' yʌc'an jini rey, tsi' choco ti ch'ʌmol tilel jini vaso tac melbil bʌ ti oro yic'ot plata i cha'an Dios. Jini rey Nabucodonosor i tatuch Belsasar tsa'ix i loc'sa tilel ti' Templo Dios ya' ti Jerusalén. Jini rey Belsasar yic'ot i pi'ʌlob ti e'tel yic'ot i yijñam yic'ot i yixicob tsi' c'ʌñʌyob ti jap vino

Daniel 5:2 Iomraidhean Croise

2 Samuel 9:7

David tsi' sube: Mach a cha'len bʌq'uen, come ti isujm mi caj c pʌsbeñet i yutslel c pusic'al cha'an tsaj c'uxbi a tat, Jonatán. Mi caj c cha' sutq'uibeñet pejtelel i lumal a tatuch Saúl. Mi caj a cha'len we'el quic'ot tic mesa ti pejtelel ora, che'en.

2 Reyob 24:13

Tsi' loc'sa pejtel letsem tac bʌ i tojol am bʌ ti' yotot lac Yum, yic'ot jini taq'uin am bʌ ti' yotot rey. Tsi' laj bic'ti xut'u jini oro am bʌ ti' yotot lac Yum tsa' bʌ i mele Salomón i rey israelob.

2 Reyob 25:15

yic'ot jini tsucu taq'uin letsem bʌ i tojol, yic'ot oro, yic'ot plata, am bʌ i c'ʌjñibal cha'an e'tel ti Templo.

2 Cronicas 11:20

Ti wi'il tsi' pʌyʌ Maaca (i yixic'al Absalón). Tsi' yʌq'ue ili chʌntiquilob: Abías, Atai, Ziza yic'ot Selomit.

2 Cronicas 15:16

Jini rey Asa tsi' loc'sa i ña' ti' ye'tel ti' yumʌntel cha'an tsi' mele quisintic jax bʌ dios i c'aba' Asera. Asa tsi' bic'ti jeme. Tsa' majli i pul ya' ti pa' i c'aba' Cedrón.

2 Cronicas 36:10

Che' wolix i joloñel jini jabil, jini rey Nabucodonosor tsi' choco tilel i winicob cha'an mi' cʌchob majlel Joaquín ya' ti Babilonia. Tsi' ch'ʌmʌyob majlel ja'el jini e'tijibʌl letsem tac bʌ i tojol am bʌ ti Templo. Nabucodonosor tsi' wa'choco ti rey Sedequías i yumijel Joaquín ya' ti Judá yic'ot ti Jerusalén.

2 Cronicas 36:18

Tsi' ch'ʌmʌyob majlel ti Babilonia pejtel i bʌl Templo jini ñuc tac bʌ yic'ot ch'o'ch'oc tac bʌ chubʌ'añʌl am bʌ ti' yotot Dios, yic'ot i chubʌ'an jini rey, yic'ot jini ñuco' bʌ i ye'tel.

Esdras 5:14

Tsi' sutq'ui jini uch'ijibʌl melbil bʌ ti oro yic'ot ti plata, tsa' bʌ i ch'ʌmʌ majlel ti Babilonia jini Nabucodonosor che' bʌ tsi' loc'sa ti' yotot Dios am bʌ ti Jerusalén. Che' jini Ciro tsi' cha' loc'sa ya' ti templo ti Babilonia. Tsi' yʌc'ʌ ti' c'ʌb Sesbasar tsa' bʌ i wa'choco ti gobernador.

Jeremias 27:7

Pejtel winicob ti pejtelel lum mi caj i yumañob jini rey yic'ot i yalobil yic'ot i buts jinto che' i yorajlelix i wocol ya' ti Babilonia, come talob ñuc bʌ reyob cha'an mi' t'uchtañob.

Jeremias 50:35

Talob mu' bʌ caj i jisañob ti espada jini caldeojob yic'ot jini chumulo' bʌ ti Babilonia, yic'ot año' bʌ i ye'tel yic'ot año' bʌ i ña'tʌbal.

Jeremias 52:19

yic'ot taza tac yic'ot i latu tac c'ajc yic'ot vasilla, yic'ot p'ejt tac, yic'ot i t'uchlib lámpara tac yic'ot cuchara tac yic'ot jini latu tac. Jini capitán tsi' laj ch'ʌmʌ majlel jini melbil tac bʌ ti oro yic'ot ti plata.

Daniel 1:2

Lac Yum tsi' yʌc'ʌ jini rey Joacim ti' c'ʌb Nabucodonosor yic'ot cabʌl latu yic'ot poc' am bʌ ti' yotot Dios. Nabucodonosor tsi' pʌyʌ majlel pejtel jini xcʌjchelob ti Babilonia yic'ot i cuch tsa' bʌ i loc'sa ti' yotot Dios ti Jerusalén. Tsi' laj otsa ti' yotot i dios ba' lotol pejtelel i yonlel i chubʌ'an ti' tojlel i dios.

Daniel 5:11

An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Daniel 5:13

Jini cha'an jini rey tsi' pʌyʌ tilel. Tsi' c'ajtibe: ¿Jatet ba jini Daniel tsa' bʌ i pʌyʌ tilel c tatuch yic'ot xcʌjchelob ch'oyolo' bʌ ti Judá?

Daniel 5:18

Jini Dios am bʌ ti Chan tsi' yʌq'ue i yumʌntel yic'ot i ñuclel yic'ot i p'ʌtʌlel a tatuch Nabucodonosor.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.

Daniel 5:30

Ti jim bʌ ac'ʌlel tsa' tsʌnsʌnti Belsasar i rey caldeojob.

Daniel 5:4

cha'an mi' ch'ujutesañob jini dios tac melbil bʌ ti oro, ti plata, ti tsucu taq'uin, ti te', yicot ti xajlel.

Numeros 7:79

Jini ofrenda tsa' bʌ i yʌc'ʌ jiñʌch jump'ejl colem plato melbil bʌ ti plata, jump'ejl kilo i yalel, yic'ot jump'ejl jarra melbil bʌ ti plata am bʌ i yalel ojlil kilo. Ti' cha'p'ejlel but'ul ti' nich harina wen chʌmen juch'bil bʌ xajc'ubil bʌ yic'ot aceite cha'an majtañʌl.