Daniel 5:12 - Chol: I T’an Dios

¹² Come Daniel tsa' bʌ q'uextʌbenti i c'aba' ti Beltsasar an i cha'an wen ñuc bʌ espíritu yic'ot cabʌl i ña'tʌbal yic'ot i p'ip'lel, cha'an mi' tsictesan i sujmlel ñajal. Mi' ch'ʌmben isujm jini ts'ijbubil tac bʌ wocol bʌ ti ña'tʌntel yic'ot jini wen mucul tac bʌ. Jini cha'an pʌyʌ tilel Daniel cha'an mi' tsictesʌbeñet i sujmlel jini t'an ts'ijbubil bʌ ya' ti' ts'ajc, che'en i ña' Belsasar.

Chol de Tumbalá Bible

¹² Come Daniel tsa' bʌ q'uextʌbenti i c'aba' ti Beltsasar an i cha'an wen ñuc bʌ espíritu yic'ot cabʌl i ña'tʌbal yic'ot i p'ip'lel, cha'an mi' tsictesan i sujmlel ñajal. Mi' ch'ʌmben isujm jini ts'ijbubil tac bʌ wocol bʌ ti ña'tʌntel yic'ot jini wen mucul tac bʌ. Jini cha'an pʌyʌ tilel Daniel cha'an mi' tsictesʌbeñet i sujmlel jini t'an ts'ijbubil bʌ ya' ti' ts'ajc, che'en i ña' Belsasar.

Daniel 5:12 Iomraidhean Croise

Salmos 16:3

Ñucobʌch i cha'año' bʌ Dios wʌ' ti pañimil. Wen tijicñayon cha'an c'ux mi cubiñob.

Proverbios 12:26

Jini tojo' bʌ mi' pʌsbeñob i pi'ʌlob jini wen bʌ bij, pero jini jontolo' bʌ mi' socob i bʌ come leco i bijlel.

Proverbios 17:27

Añʌch i ña'tʌbal jini mu' bʌ i cʌntan i yej. Ñʌch'ʌl i pusic'al jini mu' bʌ i wen ña'tan bajche' yom mi' mel.

Ezequiel 28:3

Ma' wʌl ñumen cabʌl a ña'tʌbal bajche' Daniel. Ma'anic chuqui wisi mucul ti a tojlel.

Daniel 1:17

Dios tsi' yʌq'ueyob i ña'tʌbal ili chʌntiquilob cha'an mi' ch'ʌmbeñob isujm chuqui tac ts'ijbubil ti jun yic'ot pejtel yan tac bʌ i cʌntesʌntel. Daniel tsi' taja i c'ʌjñibal cha'an mi' ña'tan i sujmlel jini ñajal tac.

Daniel 1:7

Pero jini yumʌl am bʌ ti' wenta cha'an mi' q'uel jini ch'itoñob tsi' q'uextʌbeyob i c'aba'. Daniel tsa' otsʌbenti i c'aba' Beltsasar. Ananías tsa' otsʌbenti i c'aba' Sadrac. Misael tsa' otsʌbenti i c'aba' Mesac. Azarías tsa' otsʌbenti i c'aba' Abednego.

Daniel 2:26

Jini rey tsi' c'ajtibe Daniel: ¿Mu' ba mejlel a c'ajtesʌbeñon c ñajal? ¿Mejl ba a subeñon i sujmlel? che'en.

Daniel 4:19

Ñʌch'ʌl tsa' cʌle Daniel am bʌ i cha'chajplel i c'aba' Beltsasar. Tsa' caji i wen mel i pusic'al. Pero jini rey tsi' sube: Beltsasar, mach a mel a pusic'al. Subeñon i sujmlel c ñajal, che'en. Daniel tsi' jac'be: ¡Mach cha'leyajix c yum! Uts'at muq'uic i yujtel ti' tojlel a contrajob che' bajche' tsa' ñajle.

Daniel 4:8

Ti wi'il tsa' tili jini Daniel tsa' bʌ cotsʌbe i c'aba' Beltsasar cha'an mi' q'uejlel ti ñuc c dios. But'ul Daniel ti' yEspíritu jini Ch'ujul bʌ Dios. Tsac tsictesʌbe c ñajal.

Daniel 5:14

An abi ti a tojlel i yespíritu jini diosob yic'ot cabʌl a ña'tʌbal. Wen p'ip' abi a jol.

Daniel 5:16

Tsa cubi mi mejlel a tsictesan i sujmlel jini mucul tac bʌ. Mi mejlel a toj'esan chuqui wocol tac ti toj'esʌntel. Mi awujil a q'uelbeñon jini ts'ijbubil bʌ cha'an ma' tsictesʌbeñon i sujmlel, mi caj cʌq'ueñet a lʌp wen i t'ojol jax bʌ a bujc, yic'ot ujʌl melbil bʌ ti oro. Mi caj cʌq'ueñet a we'tel lʌc'ʌl tic t'ejl, che'en.

Daniel 6:3

Ñumen ñuc tsa' q'uejli ti' tojlel pejtel jini gobernadorob yic'ot jini cha'tiquil i pi'ʌlob ti e'tel, come wen yujil e'tel. Jini cha'an jini rey woli' ña'tan i wa'chocon Daniel ti' yum pejtelel jini gobernadorob año' bʌ ti jujump'ejl tejclum.

Daniel 6:4

Pero jini gobernadorob yic'ot jini xq'uel e'telob tsa' caji' comol ña'tañob bajche' mi mejlel i tajbeñob i mul Daniel ti' yumʌntel. Pero ma'anic tsa' mejli i tajbeñob i mul, come ma'anic i mul, xuc'ul i melbal. Uts'at ja'el tsi' cha'le yumʌntel ti' tojlel pejtel winicob.

Colosenses 1:29

Jini cha'an wersa mic cha'len e'tel ti pejtelel c p'ʌtʌlel tilem bʌ ti Cristo woli bʌ ti e'tel tic pusic'al.