Daniel 5:11 - Chol: I T’an Dios

¹¹ An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Chol de Tumbalá Bible

¹¹ An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Daniel 5:11 Iomraidhean Croise

Genesis 41:38

Faraón tsi' sube i winicob: Mach mejlic lac taj yambʌ winic che' bajche' iliyi, am bʌ i cha'an i yEspíritu Dios, che'en.

2 Samuel 14:17

Jini cha'an mic subeñet, c yum, cha'an yom ma' wʌc' a t'an cha'an mi' cha' tilel i ñuclel c pusic'al, come reyet wʌle. Lajalet bajche' juntiquil i yángel Dios mu' bʌ mejlel i ña'tan chuqui wen yic'ot chuqui jontol. Jini cha'an la' ajnic a wic'ot lac Yum Dios. Che' tsi' yʌlʌ jini x'ixic.

Ezequiel 28:3

Ma' wʌl ñumen cabʌl a ña'tʌbal bajche' Daniel. Ma'anic chuqui wisi mucul ti a tojlel.

Ezequiel 28:4

Tsa' mejli a tempan cabʌl a chubʌ'an cha'an cabʌl a bʌxlel yic'ot a ña'tʌbal. Tsa' tempa cabʌl oro yic'ot plata ti' yotlel a chubʌ'an.

Daniel 2:11

Wen wocol chuqui wola' c'ajtibeñon lojon. Ma'anic majch mi mejlel i tsictesʌbeñet, cojach jini diosob mach bʌ chumulobic ti' tojlel winicob ti pañimil, che'ob.

Daniel 2:22

Mi' tsictesan i sujmlel mucul tac bʌ, come tilem ti Dios pejtel lac ña'tʌbal. Mi' laj cʌn jini mucul tac bʌ ti pañimil, come i sʌclel pañimil mi' yajñel yic'ot.

Daniel 4:18

Jiñʌch tsa' bʌ c ñajle. Jini cha'an, Beltsasar, yomix wʌle ma' tsictesʌbeñon i sujmlel, come ti pejtelob jini año' bʌ i ña'tʌbal tic yumʌntel ma'anic juntiquil mu' bʌ i ch'ʌmben isujm che' bajche' jatet, come an ti a pusic'al i yEspíritu jini Ch'ujul bʌ Dios”. Che' tsi' yʌlʌ jini rey Nabucodonosor.

Daniel 4:6

Jini cha'an tsac choco ti pʌyol pejtelel año' bʌ cabʌl i ña'tʌbal chumulo' bʌ ti Babilonia cha'an mi' tsictesañob i sujmlel c ñajal.

Daniel 5:14

An abi ti a tojlel i yespíritu jini diosob yic'ot cabʌl a ña'tʌbal. Wen p'ip' abi a jol.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Hechos 12:22

Winicob tsi' cha'leyob c'am bʌ t'an: ¡Jiñʌch Dios woli bʌ ti t'an! ¡Mach winiquic woli bʌ ti t'an! che'ob.

Hechos 14:11

Che' bʌ tsi' q'ueleyob winicob x'ixicob chuqui tsi' cha'le Pablo, c'am tsi' cha'leyob t'an. Tsi' yʌlʌyob ti' t'an licaoniajob: Tsa'ix jubiyob tilel diosob ti lac tojlel che' bajche' winicob, che'ob.

Hechos 16:16

Ti yambʌ q'uin che' tsajniyon lojon ba' mi' cha'leñob oración, juntiquil xch'oc am bʌ i xibʌjlel tsa' bʌ mejli i subeñob winicob chuqui tac tal, tsi' tajayon lojon ti bij. I yumob tsi' wen cha'leyob ganar cha'an i ye'tel.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.