Daniel 4:8 - Chol: I T’an Dios

⁸ Ti wi'il tsa' tili jini Daniel tsa' bʌ cotsʌbe i c'aba' Beltsasar cha'an mi' q'uejlel ti ñuc c dios. But'ul Daniel ti' yEspíritu jini Ch'ujul bʌ Dios. Tsac tsictesʌbe c ñajal.

Chol de Tumbalá Bible

⁸ Ti wi'il tsa' tili jini Daniel tsa' bʌ cotsʌbe i c'aba' Beltsasar cha'an mi' q'uejlel ti ñuc c dios. But'ul Daniel ti' yEspíritu jini Ch'ujul bʌ Dios. Tsac tsictesʌbe c ñajal.

Daniel 4:8 Iomraidhean Croise

Genesis 41:38

Faraón tsi' sube i winicob: Mach mejlic lac taj yambʌ winic che' bajche' iliyi, am bʌ i cha'an i yEspíritu Dios, che'en.

Isaias 46:1

Jini dios tac, Bel yic'ot Nebo, wolix i ch'ʌjmel majlel ti carreta. Woli' tujc'an majlel tat wacax. Awilan colelix i ñuc yajlel ti lum, come wocol mi' majlel cha'an cabʌl i cuch carreta. Bajche' jach añob jini dioste' tac, mi buchul o mi pʌcʌl, ma'anic mi mejlel i coltañob i bʌ. ¿Bajche' mi mejlel i coltan jini mu' bʌ i ch'ujutesañob ba' ora mi' tilel Ciro?

Isaias 63:11

Ti' caj i wocol tsa' caji i cha' ña'tañob Moisés i winic Dios tsa' bʌ i pʌyʌ loq'uel c tat lojon ti Egipto. C'am tsa' caji i yʌlob: ¿Baqui an lac Yum tsa' bʌ i pʌyʌ ñumel ti colem ñajb jini israelob ti' c'ʌb Moisés che' bajche' xcʌnta tiñʌme'? ¿Baqui an Dios tsa' bʌ i choco tilel Ch'ujul bʌ i yEspíritu cha'an mi' yajñel yic'ot c tat lojon?

Jeremias 50:2

Subu ti pejtelel pañimil. Techela bandera ba' mi' wen q'uelob winicob. Mach mi la' muc. Alʌ: “Jisʌbilix Babilonia. Jembilix i yejtal tac i dios. Woliyob ti quisin jini tsa' bʌ i ch'ujutesayob Bel yic'ot Merodac. Woli' toj sajtelob i pusic'al cha'an ma'anic i coltʌntel ti' dios tac melbil bʌ ti ts'ajc”.

Daniel 1:7

Pero jini yumʌl am bʌ ti' wenta cha'an mi' q'uel jini ch'itoñob tsi' q'uextʌbeyob i c'aba'. Daniel tsa' otsʌbenti i c'aba' Beltsasar. Ananías tsa' otsʌbenti i c'aba' Sadrac. Misael tsa' otsʌbenti i c'aba' Mesac. Azarías tsa' otsʌbenti i c'aba' Abednego.

Daniel 2:11

Wen wocol chuqui wola' c'ajtibeñon lojon. Ma'anic majch mi mejlel i tsictesʌbeñet, cojach jini diosob mach bʌ chumulobic ti' tojlel winicob ti pañimil, che'ob.

Daniel 2:26

Jini rey tsi' c'ajtibe Daniel: ¿Mu' ba mejlel a c'ajtesʌbeñon c ñajal? ¿Mejl ba a subeñon i sujmlel? che'en.

Daniel 3:14

Jini rey tsi' subeyob: Sadrac, Mesac yic'ot Abednego, ¿isujm ba ma'anic mi la' ch'ujutesan c diosob, yic'ot i yejtal winic tsa' bʌ c mele ti oro?

Daniel 4:18

Jiñʌch tsa' bʌ c ñajle. Jini cha'an, Beltsasar, yomix wʌle ma' tsictesʌbeñon i sujmlel, come ti pejtelob jini año' bʌ i ña'tʌbal tic yumʌntel ma'anic juntiquil mu' bʌ i ch'ʌmben isujm che' bajche' jatet, come an ti a pusic'al i yEspíritu jini Ch'ujul bʌ Dios”. Che' tsi' yʌlʌ jini rey Nabucodonosor.

Daniel 4:9

Tsac sube: “Beltsasar ñuc bʌ yumʌlet ti' tojlel jini cabʌl bʌ i ña'tʌbal. Awujil chuqui mi caj i yujtel ti wi'il bʌ q'uin. Cujil cʌntesʌbilet cha'an i Ch'ujlel jini Ch'ujul bʌ Dios. Ma' cʌmben i sujmlel jini mucul tac bʌ. Ñich'tan chuqui tsaj q'uele tic ñajal. Tsictesʌbeñon i sujmlel.

Daniel 5:14

An abi ti a tojlel i yespíritu jini diosob yic'ot cabʌl a ña'tʌbal. Wen p'ip' abi a jol.