Daniel 4:4 - Chol: I T’an Dios

^4-5 Joñon Nabucodonosor, che' ñʌch'ʌlon ti cotot, che' wen chumulon, tsa' cajiyon ti tsic pusic'al cha'an chuqui tac tsac ñajle che' ñololon tic wʌyib.

Chol de Tumbalá Bible

^4-5 Joñon Nabucodonosor, che' ñʌch'ʌlon ti cotot, che' wen chumulon, tsa' cajiyon ti tsic pusic'al cha'an chuqui tac tsac ñajle che' ñololon tic wʌyib.

Daniel 4:4 Iomraidhean Croise

Isaias 56:12

Mi' yʌlob: Conla c sʌclan vino cha'an mi lac yʌc'an. Ijc'ʌl mux lac cha' mel che' bajche' wʌle, pero ñumeñix, che'ob.

Jeremias 48:11

C'ʌlʌl ti' cajibal tsi' mulayob alas año bʌ ti Moab. Tsi' meleyob bajche' jach yom i pusic'al. Ya' jach ti' lumal tsa' coliyob. Xuc'ul tsa' chumleyob. Ma'anic majch tsi' chocoyob loq'uel ti' yajñib. Ma'anic tsa' wersa pʌjyiyob majlel ti ñajtʌl. Jini cha'an chan mi' melob i bʌ. Mach ju'sʌbilobic i pusic'al.

Ezequiel 28:17

Come tsa' chañ'esa a bʌ cha'an a t'ojol jax. Tsa' soco a ña'tʌbal cha'an a ñuclel. Jini cha'an tsac chocoyet jubel ti lum cha'an mi' q'uelob jini reyob ti pañimil peq'uesʌbilet.

Ezequiel 29:3

Suben: “Lac Yum Dios woli' yʌl: Wʌle wolij contrajiñet Faraón rey bʌ ti Egipto. Lajalet bajche' colem ajin am bʌ ti ja'. Wola' wʌl: C cha'añʌch jini ñoj ja' i c'aba' Nilo. Joñon tsac mele, lon che'et.

Daniel 2:11

Wen wocol chuqui wola' c'ajtibeñon lojon. Ma'anic majch mi mejlel i tsictesʌbeñet, cojach jini diosob mach bʌ chumulobic ti' tojlel winicob ti pañimil, che'ob.

Daniel 4:19

Ñʌch'ʌl tsa' cʌle Daniel am bʌ i cha'chajplel i c'aba' Beltsasar. Tsa' caji i wen mel i pusic'al. Pero jini rey tsi' sube: Beltsasar, mach a mel a pusic'al. Subeñon i sujmlel c ñajal, che'en. Daniel tsi' jac'be: ¡Mach cha'leyajix c yum! Uts'at muq'uic i yujtel ti' tojlel a contrajob che' bajche' tsa' ñajle.

Daniel 5:8

Pejtel año' bʌ i ña'tʌbal tsa' ochiyob ba' woli' mel q'uin jini rey, pero ma'anic tsa' mejli i cʌñob jini ts'ijbubil bʌ cha'an mi' tsictesʌbeñob i sujmlel.

Sofonias 1:12

Ti jim bʌ ora mi caj c tsajin ñumel Jerusalén yic'ot c'ajc cha'an mi cʌq'ueñob i toj i mul jini winicob sojlemo' bʌ ti mulil. Mi' yʌlob ti' pusic'al: “Ma'anic i c'ʌjñibal lac Yum. Mach yujilic coltaya, mach yujilic jisaya”, che'ob.