Daniel 4:3 - Chol: I T’an Dios

³ Wen ñuc i melbal. Mi' yajñel i yumʌntel ti pejtelel ora. Mi' pʌsbeñob i p'ʌtʌlel winicob yic'ot i yalobilob ti lajm ti lajm.

Chol de Tumbalá Bible

³ Wen ñuc i melbal. Mi' yajñel i yumʌntel ti pejtelel ora. Mi' pʌsbeñob i p'ʌtʌlel winicob yic'ot i yalobilob ti lajm ti lajm.

Daniel 4:3 Iomraidhean Croise

Job 25:2

Bʌc'ñʌbil jini am bʌ ti panchan. Woli ti yumʌntel ti chan. Mi' ñʌch'chocobenob i pusic'al jini año' bʌ ti pañimil.

Salmos 104:24

C Yum, cabʌl jax a melbal. Ti a ña'tʌbal tsa'ix a mele ti pejtelel. Ti pejtelel pañimil tsiquil jini wen tac bʌ tsa' bʌ a melbeyon lojon.

Salmos 105:27

Tsi' pʌsʌyob i yejtal i p'ʌtʌlel lac Yum, yic'ot ñuc tac bʌ i p'ʌtʌlel lac Yum ya' ti' lumal Egipto.

Salmos 145:13

Mach jilic a yumʌntel. An ti pejtelel ora. An a yumʌntel ti wajali yic'ot ti pejtelel ora.

Salmos 66:7

Mi' cha'len yumʌl ti' p'ʌtʌlel ti pejtelel ora. Mi' q'uel pejtel winicob x'ixicob. Tsajiletla ame la' chañ'esan la' bʌ jatetla mu' bʌ la' ñusʌben i t'an.

Salmos 72:18

La' ch'ujutesʌntic lac Yum Dios, i Dios Israel, Mu' bʌ i bajñel mel ñuc tac bʌ i melbal.

Salmos 77:19

Tsa' pʌsbeyon lojon a bijlel ti colem ñajb. Jini alʌ bij a cha'an an ti colem ja' yilal. Mach tsiquilic i yejtal a woc ti bij.

Salmos 86:10

Come wen ñuquet, laj uts'atax a melbal. Jatet jach Dioset.

Salmos 92:5

C Yum, wen ñuc a melbal. Ya' lotol ti a pusic'al ma' ña'tan chuqui yom.

Isaias 25:1

C Yum, c Dioset. Mi caj c sub a ñuclel. Mi caj c tsictesan i ñuclel a c'aba', come tsa'ix a cha'le ñuc tac bʌ. Chuqui tac wʌn ña'tʌbil a cha'an c'ʌlʌl wajali wolix i yujtel.

Isaias 28:29

Wen uts'at mi' cʌntesañonla i Yum Panchan yic'ot Pañimil. Wen cabʌl i ña'tʌbal. Wen yujil cʌntesa.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 10:10

Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Daniel 2:2

Che' bʌ tsa' sʌc'a mach chʌn c'ajalix i cha'an i ñajal. Jini cha'an tsi' pʌyʌ tilel pejtel i winicob año' bʌ cabʌl i ña'tʌbal, yic'ot mu' bʌ i subob chuqui mi' caj ti ujtel, yic'ot xch'ʌcojelob, yic'ot xq'uel ec'ob. Tsi' subeyob cha'an mi' tsictesʌbeñob i sujmlel i ñajal. Tsa' tiliyob ti' tojlel jini rey. Jini rey tsi' subeyob: Tsac cha'le ñajal, pero mach c'ajalix c cha'an c ñajal, che'en.

Daniel 2:44

Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Daniel 4:17

Jiñʌch i mandar jini Ñuc bʌ xQ'uelojel. Tsi' choco tilel yic'ot jini ch'ujul bʌ ángelob cha'an mi' ña'tʌntel ti pejtelel pañimil an i p'ʌtʌlel lac Yum ti' tojlel yumʌlob ti pañimil. Mi' yʌq'uen i yumʌntel majqui jach yom. Mi' wa'chocon jini pec'o' bʌ winicob ti' tojlel i pi'ʌlob.

Daniel 7:14

Jini Winic tsa' aq'uenti i p'ʌtʌlel, yic'ot i ñuclel yic'ot i yumʌntel. Pejtel winicob yujilo' bʌ t'an ti chajp ti chajp tsa' caji i yumañob. An i p'ʌtʌlel ti pejtelel ora. Ma'anic mi' caj ti jilel i yumʌntel.

Daniel 7:27

Mi caj i chilbentelob i yumʌntel yic'ot i p'ʌtʌlel yic'ot i ñuclel jini yumʌlob ti pañimil. Mi caj i yʌq'uentelob i cha'año' bʌ Dios am bʌ ti panchan. Mi caj i cha'leñob yumʌl ti pejtelel ora. Pejtelel año' bʌ i ye'tel mi caj i melbeñob i ye'tel i cha'año' bʌ Dios. Mi caj i jac'beñob i t'an.

Romanos 11:33

Wen cabʌl i yutslel i pusic'al Dios. Ma'anic i p'isol i ña'tʌbal yic'ot i pusic'al. Mach mejlic laj cʌmben i ña'tʌbal. Mach mejlic lac ch'ʌmben isujm jini mu' bʌ i mel.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

1 Timoteo 1:17

La' q'uejlic ti ñuc jini Rey am bʌ ti pejtelel ora, mach bʌ yujilic chʌmel, mach bʌ tsiquilic ti lac wut. Jiñʌch cojach bʌ Dios am bʌ i ña'tʌbal. La' tsictiyic i ñuclel ti pejtelel ora. Amén.

Hebreos 1:8

Pero che' bʌ tsi' pejca i Yalobil tsi' yʌlʌ: “Buchulet Dios ti a yumʌntel, ti pejtelel ora. Ti a yumʌntel mi caj a mel chuqui toj.

Hebreos 2:4

Dios tsi' teme i t'an yic'otob che' bʌ tsi' pʌsʌ i sujmlel i t'an, yic'ot cabʌl i yejtal tac i p'ʌtʌlel, yic'ot bʌbʌq'uen tac bʌ, yic'ot ñuc tac bʌ i melbal. Tsi' yʌq'ueyob i c'ʌjñibal ti chajp ti chajp yic'ot jini Ch'ujul bʌ Espíritu che' bajche' yom i pusic'al.

1 Pedro 4:11

Majqui jach mi' cha'len t'an, la' i cha'len t'an che' bajche' cʌntesʌbil ti' t'an Dios. Majqui jach mi' coltan i pi'ʌlob, la' i coltañob yic'ot i p'ʌtʌlel mu' bʌ i yʌq'uen Dios, cha'an mi' tsictiyel i ñuclel Dios ti Jesucristo ti pejtelel chuqui mi' yujtel. La' tsictiyic i ñuclel yic'ot i p'ʌtʌlel ti pejtelel ora. Amén.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.