Daniel 3:6 - Chol: I T’an Dios

⁶ Jini mach bʌ anic mi' ñoctʌl cha'an mi' ch'ujutesan jini wa'chocobil bʌ i yejtal winic, ti ora jach mi caj i chojquel ochel ti' yajñib c'ajc woli bʌ ti lejmel, che'en.

Chol de Tumbalá Bible

⁶ Jini mach bʌ anic mi' ñoctʌl cha'an mi' ch'ujutesan jini wa'chocobil bʌ i yejtal winic, ti ora jach mi caj i chojquel ochel ti' yajñib c'ajc woli bʌ ti lejmel, che'en.

Daniel 3:6 Iomraidhean Croise

Genesis 19:28

Tsi' ñajti q'uele Sodoma yic'ot Gomorra yic'ot pejtel jini lum am bʌ ti joctʌl. Awilan, i buts'il jini lum woli' letsel che' bajche' i buts'il tic'ʌjib.

Exodo 20:5

Mach a c'uchchocon a bʌ ti' tojlelob. Mach a diosiñob, come a Yumon a Dioson. Joñon jach a Dioson. Cujil mich'ajel che' ma'anic j c'uxbintel. Mi cʌq'ueñob i toj i mul winicob x'ixicob yic'ot i yalobilob c'ʌlʌl ti' yuxlajmlel yic'ot ti' chʌnlajmlel i yalobilob jini mu' bʌ i ts'a'leñoñob.

Isaias 44:17

Mi' c'ʌn i colojbal jini te' cha'an mi' mel i dios. Mi' ñocchocon i bʌ ti' tojlel. Mi' ch'ujutesan. Mi' c'ajtiben ti wocol t'an: “Coltañon, come c dioset”, che'en.

Jeremias 29:22

Cha'an ti' caj i lot ili cha'tiquil mi' cajelob ti p'ajoñel pejtel i pi'ʌlob año' bʌ ti ñajt bʌ lum tsa' bʌ cʌjchiyob loq'uel ti Judá. Mi caj i yʌlob: “La' i melet che' bajche' Sedequías yic'ot Acab tsa' bʌ ajq'uiyob ti pojpontel ti c'ajc cha'an jini rey ti Babilonia”. Che'ʌch mi' cajelob ti p'ajoñel.

Daniel 2:5

Jini rey tsi' yʌlʌ: Tsa'ix ñajʌyi c cha'an. Mi ma'anic mi la' c'ajtesʌbeñon, mi ma'anic mi la' subeñon i sujmlel c ñajal, mi caj la' bic'ti tsejpel. Mi caj i jisʌntel la' wotot.

Daniel 3:11

Jini mach bʌ anic mi' ñoctʌl cha'an mi' ch'ujutesan mi caj i chojquel ochel ti' yajñib c'ajc woli bʌ ti lejmel, che'et.

Daniel 3:15

Ma'anic chuqui mi caj c tumbeñetla wʌle mi chajpʌbiletixla cha'an mi la' ñoctʌl. Che' mi' cha' jajts'el jini música tac, yom mi la' ch'ujutesan i yejtal winic tsa' bʌ c wa'choco. Pero mi ma'anic mi la' ch'ujutesan, mi caj la' chojquel ochel ti' yajñib c'ajc woli bʌ ti lejmel. Che' jini, ¿majqui jini dios mu' bʌ mejlel i coltañetla? che'en Nabucodonosor.

Daniel 3:21

Tsi' moch cʌchʌyob ili uxtiquil winicob, xojolob i cha'an i pixol yic'ot i pislel yumʌlob. Tsi' chocoyob ochel ti' yajñib c'ajc woli bʌ ti lejmel.

Daniel 3:7

Che' tsa'ʌch subentiyob winicob loq'uemo' bʌ ti pejtelel lum yujilo' bʌ t'an ti chajp ti chajp, tsa' caji ti jajts'el jini música tac ti chajp ti chajp. Tsi' laj ñocchocoyob i bʌ cha'an mi' ch'ujutesañob jini wa'chocobil bʌ i yejtal winic.

Daniel 5:19

Pejtel jini tejclum tac ti pañimil yujilo' bʌ t'an ti chajp ti chajp tsi' wen bʌc'ñayob cha'an cabʌl jax i ñuclel aq'uebil bʌ ti Dios. Tsiltsilñayob ti' tojlel. Come tsi' tsʌnsa majqui jach yom, pero mi yom i col, cuxul tsa' ajni. Tsi' yʌq'ue i ñuclel jini c'uxbibil bʌ i cha'an. Tsi' chilbe i ñuclel jini ts'a'lebil bʌ i cha'an.

Daniel 6:7

Pejtelon lojon am bʌ que'tel lojon ti a yumʌntel tsaj como ña'ta lojon yom melol jump'ejl mandar: “Lujump'ejl i cha'c'al (30) q'uin la' i cʌyob i pejcañob i dios pejtel winicob. Mi an chuqui yomob, la' i c'ajtibeñet. Mi an majch mi' ñusan ili mandar, la' chojquic ochel ti' ch'eñal bajlum”.

Mateo 13:42

Mi caj i chocob ochel ti c'ajc. Ya' mi' cajelob ti cabʌl uq'uel yic'ot quech'ecña bʌ i bʌquel i yej.

Mateo 13:50

Mi caj i chocob ochel ti c'ajc. Ya' mi' cajelob ti uq'uel, yic'ot quech'ecña bʌ i bʌquel i yej, che'en Jesús.

Mateo 4:9

Tsi' sube: Muq'uic a ñocchocon a bʌ a ch'ujutesañon, mi cʌq'ueñet ti pejtelel, che'en.

Marcos 6:27

Ti ora jini rey tsi' choco majlel soldado. Tsi' yʌc'ʌ mandar cha'an mi' ch'ʌjmel tilel i jol Juan.

Apocalipsis 14:11

I buts'il i wocol jini winicob mi' letsel majlel ti pejtelel ora. Jini mu' bʌ i ch'ujutesañob jini jontol bʌ bʌte'el yic'ot i yejtal yic'ot jini mu' bʌ i ch'ʌmbeñob i c'aba' ma'anic mi' c'ajob i yo, mi ti q'uiñil mi ti ac'ʌlel, che'en.

Apocalipsis 9:2

Tsi' jambe i ti' jini tam bʌ ch'en. Tsa' loq'ui buts' ti ch'en lajal bajche' i buts'il colem c'ajc. Tsa' ic'a jini q'uin yic'ot pañimil cha'an jini buts' loq'uem bʌ ti ch'en.