Daniel 3:4 - Chol: I T’an Dios

⁴ Jini suboñel tsi' yʌlʌ ti c'am bʌ t'an: Ñich'tanla, winicob ch'oyolet bʌ la ti jujump'ejl tejclum, la' wujil bʌ t'an ti chajp ti chajp.

Chol de Tumbalá Bible

⁴ Jini suboñel tsi' yʌlʌ ti c'am bʌ t'an: Ñich'tanla, winicob ch'oyolet bʌ la ti jujump'ejl tejclum, la' wujil bʌ t'an ti chajp ti chajp.

Daniel 3:4 Iomraidhean Croise

Ester 8:9

Jini rey tsi' pʌyʌ tilel sts'ijbayajob ti jini jach bʌ ora ti 23 de julio. Tsi' ts'ijbayob jini mandar che' bajche' tsi' subeyob Mardoqueo. Tsi' yʌc'ʌ ti' wenta año' bʌ i ye'tel cha'an mi' coltañob judíojob. I wentajʌch gobernadorob yic'ot yumʌlob ti jujumpejt colem tejclum c'ʌlʌl ti India c'ʌlʌl ti Etiopía, wucp'ejl i wucc'al (127) colem tejclum tac. Ts'ijbubil jini mandar ti jujunchajp t'an che' bajche' mi' cha'leñob t'an winicob cha'an mi' laj ch'ʌmbeñob isujm. Ts'ijbubil ti' t'an judíojob ja'el che' bajche' mi' cha'leñob ts'ijb.

Isaias 40:9

Jatet mu' bʌ a tsictesan wen t'an yom ma' letsel ya' ti chan bʌ wits ti Jerusalén. C'am yom ma' puc majlel jini wen t'an. Mach ma' cha'len bʌq'uen. Subeñob winicob ti Judá: “¡La' q'uelela Dios!” che'etla.

Isaias 58:1

Cha'len c'am bʌ oñel. Mach a cha'len bʌq'uen. Cha'len t'an che' bajche' trompeta. Tiq'ui c cha'año' bʌ cha'an i mul.

Daniel 3:3

Pejtel ili yumʌlob tsi' laj tempayob i bʌ ti' tojel i yejtal winic cha'an mi' melbeñob i q'uiñilel.

Daniel 3:7

Che' tsa'ʌch subentiyob winicob loq'uemo' bʌ ti pejtelel lum yujilo' bʌ t'an ti chajp ti chajp, tsa' caji ti jajts'el jini música tac ti chajp ti chajp. Tsi' laj ñocchocoyob i bʌ cha'an mi' ch'ujutesañob jini wa'chocobil bʌ i yejtal winic.

Daniel 4:1

Jiñʌch i t'an jini rey Nabucodonosor tsa' bʌ i subeyob pejtel winicob ti jujump'ejl lum ti pejtelel pañimil, yujilo' bʌ t'an ti chajp ti chajp: La' ñʌch'lec la' pusic'al.

Daniel 4:14

C'am woli ti t'an: Seq'uela jini te'. Tsepbenla i c'ʌb, loc'sʌbenla i yopol. P'ujp'unla majlel i wut. La' puts'icob pejtel bʌte'el am bʌ ti' yʌxñilel, yic'ot xwejlel mut am bʌ i c'u' ti' c'ʌb.

Daniel 6:25

Jini rey Darío tsi' ts'ijba jun. Tsi' choco majlel ti pejtelel i lumal, ti jujump'ejl tejclum tac ba' yujilob t'an ti chajp ti chajp. Tsi' subeyob: La' p'ojlic i ñʌch'tilel la' pusic'al. Joñon mic sub ti mandar, yom mi la' bʌc'ñan i Dios Daniel ti pejtelel c yumʌntel. Yom mi la' p'is ti wenta, come jiñʌch Cuxul bʌ Dios mu' bʌ i yajñel ti pejtelel ora. Ma'anic mi caj i jilel i yumʌntel. Mi' yajñel i p'ʌtʌlel ti pejtelel ora.

Oseas 5:11

Tsa'ix cʌc'ʌ c t'an cha'an mi' jisʌntel Efraín, come wen yujil tic'laya. Mach tojic mi' cha'len meloñel. Mi' yesman jini lolom tac bʌ.

Miqueas 6:16

Tsa'ix la' jac'be i mandar Omri. Tsa'ix la' mele jontolil che' bajche' Acab. Jini cha'an mi caj c jisañetla. Mi caj cʌq'uetla ti tse'tʌntel. Mi caj la' wajlentel cha'an winicob ti pejtelel pañimil.

Apocalipsis 5:9

Tsi' c'ʌyiyob tsiji' bʌ c'ay: Wen uts'atet. Uts'at ma' ch'ʌm jini jun cha'an ma' tsilben i sellojlel tac, come tsa' tsʌnsʌntiyet, tsa' mʌñʌyon lojon ti a ch'ich'el cha'an mic ñop lojon Dios. Loq'uemon lojon ti jujunchajp winicob, yic'ot ti pejtelel t'an tac, yic'ot ti pejtelel tejclum tac.