Daniel 3:12 - Chol: I T’an Dios

¹² Pero jini Sadrac, Mesac, yic'ot Abednego, judíojob año' bʌ i ye'tel ti a tojlel ti uxp'ejl tejclum ti Babilonia, ma'anic mi' p'isob ti wenta a t'an. Ma'anic mi' ch'ujutesañob a diosob, mi i yejtal winic tsa' bʌ a mele ti oro.

Chol de Tumbalá Bible

¹² Pero jini Sadrac, Mesac, yic'ot Abednego, judíojob año' bʌ i ye'tel ti a tojlel ti uxp'ejl tejclum ti Babilonia, ma'anic mi' p'isob ti wenta a t'an. Ma'anic mi' ch'ujutesañob a diosob, mi i yejtal winic tsa' bʌ a mele ti oro.

Daniel 3:12 Iomraidhean Croise

Ester 3:8

Amán tsa' caji' suben jini rey Asuero: An winicob x'ixicob pam pujquemo' bʌ ti jujump'ejl colem tejclum ti a yumʌntel. Yambʌyʌch i ley, mach lajalic bajche' lac ley. Ma'anic mi' jac'beñob i ley jini rey. Jini cha'an mach yomic mi lac chʌn cuchbeñob i mul jini winicob x'ixicob.

Proverbios 27:4

Jontol jax jini woli bʌ ti mich'ajel. Bʌbʌq'uen ja'el. Pero ñumen wocol ti cuchol jini tsʌytsʌña jax bʌ i pusic'al.

Eclesiastes 4:4

Tsa' caji j q'uel tsʌytsʌyña jax i pusic'alob winicob. Chuqui tac jach mi' ganarin jini bʌx bʌ ti e'tel mi' mulʌbeñob i pi'ʌlob. Yom mi' lolon tajob ja'el. Pero lolom jach mi' tsʌjyubeñob i chubʌ'an i pi'ʌl. To'ol ic' jach woli' yajñesañob.

Daniel 1:7

Pero jini yumʌl am bʌ ti' wenta cha'an mi' q'uel jini ch'itoñob tsi' q'uextʌbeyob i c'aba'. Daniel tsa' otsʌbenti i c'aba' Beltsasar. Ananías tsa' otsʌbenti i c'aba' Sadrac. Misael tsa' otsʌbenti i c'aba' Mesac. Azarías tsa' otsʌbenti i c'aba' Abednego.

Daniel 2:48

Ti ora jini rey tsi' wa'choco Daniel ti ñuc bʌ i ye'tel. Tsi' yʌq'ue cabʌl i majtan letsem bʌ i tojol. Tsi' wa'choco ti gobernador ti jump'ejl tejclum ti Babilonia. Tsi' yʌq'ue ñuc bʌ i ye'tel ti' tojlel jini año' bʌ cabʌl i ña'tʌbal ti' tejclum jini rey.

Daniel 2:49

Daniel tsi' c'ajtibe jini rey cha'an mi' wa'chocon Sadrac, Mesac, yic'ot Abednego ti ñuc tac bʌ i ye'tel ti Babilonia. Che' jini Daniel tsa' aq'uenti ñuc bʌ i ye'tel ti' yumʌntel jini rey.

Daniel 3:11

Jini mach bʌ anic mi' ñoctʌl cha'an mi' ch'ujutesan mi caj i chojquel ochel ti' yajñib c'ajc woli bʌ ti lejmel, che'et.

Daniel 3:16

Ti yuxticlelob tsi' jac'beyob jini rey: Ma'anic mi caj j coltan lojon c bʌ ti a tojlel.

Daniel 3:29

Jini cha'an mic subeñob pejtel winicob ti pejtelel lum yujilo' bʌ t'an ti chajp ti chajp: “Majqui jach mi' cha'len p'ajoñel ti' contra i Dios Sadrac, Mesac yic'ot Abednego la' bic'ti tsejpic. La' jembentic i yotot, come ma'anic yambʌ mu' bʌ mejlel i cha'len coltaya che' bajche' iliyi”. Che' tsi' cha'le mandar Nabucodonosor.

Daniel 3:30

Jini rey tsi' yʌq'ueyob ñumen ñuc tac bʌ i ye'tel Sadrac, Mesac yic'ot Abednego ya' ti' lumal Babilonia.

Daniel 6:13

Jini winicob tsi' jac'ʌyob: Pero an i mul Daniel, i pi'ʌl bʌ jini xñujp'elob tsa' bʌ pʌjyiyob tilel ti Judá. Ma'anic mi' p'iset ti wenta. Che' ja'el ma'anic woli' jac' jini mandar tsa' bʌ a mele. Tsaj q'uele lojon. Woli' chʌn mel che' bajche' i tilel ti' tojlel i Dios. Uxyajl ti q'uin mi' pejcan i Dios ti oración, che'ob.

Daniel 6:14

Tsa' caji i wen mel i pusic'al jini rey che' bʌ tsi' yubi iliyi. C'ʌlʌl jinto tsa' bʌjli q'uin tsi' chʌn ña'ta i coltan Daniel.

Hechos 17:7

Jini Jasón tsi' pʌyʌyob ochel ti' yotot. Ti pejtelelob woli' contrajiñob i t'an César come mi' yʌlob an yambʌ rey, i c'aba' Jesús, che'ob. Che' tsi' jop'beyob i mul.

Hechos 5:28

¿Mach ba tsa'ic c tiq'uiyetla cha'an ma'anic mi la' chʌn cha'len cʌntesa ti' c'aba' Jesús? Awilan, tsa'ix ubinti la' cʌntesa ti pejtelel Jerusalén. La' wom la' tsictesan lojon c mul cha'an tsac bec'be lojon i ch'ich'el jini winic, che'en.