Daniel 3:1 - Chol: I T’an Dios

¹ Jini rey Nabucodonosor tsi' yʌc'ʌ ti wa'chocontel i yejtal winic melbil bʌ ti oro lujump'ejl i cha'c'al (30) metro i chanlel, uxp'ejl metro i bonticlel. Tsi' yʌc'ʌ ti wa'chocontel ya' ti joctʌl i c'aba' Dura, ya' ti Babilonia.

Chol de Tumbalá Bible

¹ Jini rey Nabucodonosor tsi' yʌc'ʌ ti wa'chocontel i yejtal winic melbil bʌ ti oro lujump'ejl i cha'c'al (30) metro i chanlel, uxp'ejl metro i bonticlel. Tsi' yʌc'ʌ ti wa'chocontel ya' ti joctʌl i c'aba' Dura, ya' ti Babilonia.

Daniel 3:1 Iomraidhean Croise

1 Reyob 12:28

Jini cha'an tsi' teme i t'an yic'ot año' bʌ i ye'tel cha'an mi' mel cha'cojt i yejtal alʌ tat wacax melbil bʌ ti oro. Tsi' sube pejtel winicob: Mach wersajix mi la' chʌn letsel majlel ti Jerusalén, come awilan wʌ'ix an la' dios tsa' bʌ i loc'sayetla ti' lumal Egipto, che'en.

Ester 1:1

Che' bʌ tsi' cha'le yumʌntel Asuero, an ti' wenta wucp'ejl i wucc'al (127) colem tejclum tac c'ʌlʌl ti India c'ʌlʌl ti Etiopía.

Salmos 135:15

I diosob jini sajtemo' bʌ melbilob jach ti sʌsʌc taq'uin yic'ot oro, I melbal tac i c'ʌb winicob.

Exodo 20:23

Mach la' mel la' dios tac mi ti plata mi ti oro.

Exodo 32:31

Che' jini Moisés tsa' cha' majli ba'an lac Yum. Tsi' yʌlʌ: A wocolic, ili tejclum tsa'ix i cha'leyob ñuc bʌ mulil. Tsa'ix i meleyob dios oro.

Isaias 2:20

Ti jim bʌ q'uin winicob mi caj i chocob ba'an tsuc yic'ot suts' jini dios tac tsa' bʌ i yajcayob, melbil bʌ ti oro yic'ot ti plata.

Isaias 30:22

Mi caj la' bi'len pejtelel la' dioste' tac melbil bʌ ti sʌsʌc taq'uin yic'ot ti oro. Mi caj la' choc loq'uel che' bajche' tsucul bʌ pisil wen bibi' bʌ. Mi caj la' wʌl: Aj, mach a tʌl, che'etla.

Isaias 46:6

Jini yomo' bʌ yambʌ i dios on mi' loc'sañob oro ti' bolsa. Mi p'isob plata ti balanza. Mi' tojob xmel dioste' cha'an mi' melbeñob i dios. Mi' ñocchocoñob i bʌ ti' tojlel, mi' ch'ujutesañob.

Jeremias 10:9

Ch'oyol ti Tarsis jini tsucu taq'uin, ch'oyol ti Ufaz jini oro, mi' ch'ʌmob tilel. Jini wen yujilo' bʌ mi' melob ejtalʌl. Mi' xojbeñob chʌchʌc bʌ yic'ot chʌccojan bʌ i pislel, wen letsem bʌ i tojol. Laj i melbalob winicob yujilo' bʌ i melol.

Jeremias 16:20

¿Chucoch mi' lon melob i diosob mach bʌ Diosic? Jini mero Dios mach i melbalic winicob.

Daniel 2:48

Ti ora jini rey tsi' wa'choco Daniel ti ñuc bʌ i ye'tel. Tsi' yʌq'ue cabʌl i majtan letsem bʌ i tojol. Tsi' wa'choco ti gobernador ti jump'ejl tejclum ti Babilonia. Tsi' yʌq'ue ñuc bʌ i ye'tel ti' tojlel jini año' bʌ cabʌl i ña'tʌbal ti' tejclum jini rey.

Daniel 2:49

Daniel tsi' c'ajtibe jini rey cha'an mi' wa'chocon Sadrac, Mesac, yic'ot Abednego ti ñuc tac bʌ i ye'tel ti Babilonia. Che' jini Daniel tsa' aq'uenti ñuc bʌ i ye'tel ti' yumʌntel jini rey.

Daniel 3:14

Jini rey tsi' subeyob: Sadrac, Mesac yic'ot Abednego, ¿isujm ba ma'anic mi la' ch'ujutesan c diosob, yic'ot i yejtal winic tsa' bʌ c mele ti oro?

Daniel 3:30

Jini rey tsi' yʌq'ueyob ñumen ñuc tac bʌ i ye'tel Sadrac, Mesac yic'ot Abednego ya' ti' lumal Babilonia.

Daniel 5:23

Tsa' ts'a'le lac Yum am bʌ ti Panchan. Tsa' choco ti ch'ʌmol pejtel i vaso tac yic'ot i taza tac cha'an ma' c'ʌn ti jap vino yic'ot a pi'ʌlob ti e'tel, cha'an ma' ñuq'uesan a dios tac melbil bʌ ti oro, ti plata, ti bronce, ti tsucu taq'uin, ti te' yic'ot ti xajlel, anquese ma'anic i ña'tʌbal. Ma'anic chuqui mi' yubiñob, ma'anic chuqui mi' q'uelob. Maxto anic tsa' ch'ujutesa jini Dios woli bʌ i yʌq'ueñet a cuxtilel ba' cʌyʌl pejtel chuqui ma' mel.

Daniel 5:4

cha'an mi' ch'ujutesañob jini dios tac melbil bʌ ti oro, ti plata, ti tsucu taq'uin, ti te', yicot ti xajlel.

Oseas 2:8

Ma'anic mi' ña'tan mi joñoñʌch woli bʌ cʌq'uen pejtel chuqui tac an i cha'an. Tsa'ix cʌq'ue jini oro yic'ot plata tsa'ix bʌ i c'ʌñʌ cha'an i majtan jini Baal. Jiñʌch i dios.

Oseas 8:4

Tsi' wa'chocoyob i reyob mach bʌ anic tsac yajca. Tsi' meleyob i dios tac ti oro yic'ot ti plata. Jini cha'an ma'anix mi caj j coltañob.

Habacuc 2:19

Obol i bʌ jini mu' bʌ i lon suben jini dios te' cha'an mi' coltan. Lolom jach mi' pejcan jini dios xajlel mach bʌ yujilic t'an. To'ol tep'bil jach ti oro yic'ot ti plata, pero ma'anic i cuxtʌlel, che'en lac Yum.

Hechos 17:29

I p'olbalonla. Jini cha'an mach yomic mi la cʌl lajalʌch Dios bajche' oro mi plata, mi xajlel mu' bʌ i melob winicob ti' bajñel pusic'al i wenta i yejtal Dios.

Hechos 19:26

La' wujil chuqui woli' mel Pablo, come tsa'ix la' q'uele. Tsa'ix la' wubibe i t'an. Tsa'ix i xic'beyob cabʌl winicob x'ixicob cha'an mi' cʌyob Diana, mach wʌ'ic jach ti Efeso, pero colel i ñumel ti pejtelel Asia ja'el. Mi' yʌl mach diosic jini melbil tac bʌ ti c'ʌbʌl.

Deuteronomio 7:25

Yom mi la' laj pulbeñob i diosob. Mach mi la' mulʌbeñob i plata, mi oro cha'an mi la' ch'ʌmben, ame chujquiquetla che' bajche' ti yac. Ts'a'lebil cha'an lac Yum Dios jini melbil tac bʌ dios.

Apocalipsis 9:20

Yambʌ winicob mach bʌ anic tsa' chʌmiyob ti jini wocol ma'anic tsi' cʌyʌyob i mel jontol bʌ i melbal. Ma'anic tsi' cʌyʌyob i ch'ujutesan xibajob, yic'ot dios oro tac, yic'ot dios plata tac, yic'ot dios c'ʌnc'ʌn taq'uin tac, yic'ot dios xajlel tac, yic'ot dios te' tac, mach bʌ anic mi' c'otel i wut, mach bʌ anic mi' yubin t'an, mach bʌ yujilic xʌmbal.