Daniel 2:6 - Chol: I T’an Dios

⁶ Pero mi la' wujil la' c'ajtesʌbeñon jini c ñajal, mi uts'at mi la' subeñon i sujmlel, mi caj cʌq'ueñetla la' majtan yic'ot la' ñuclel. Jini cha'an wʌle c'ajtesʌbeñonla chuqui tsac ñajle. Subeñonla i sujmlel, che'en jini rey.

Chol de Tumbalá Bible

⁶ Pero mi la' wujil la' c'ajtesʌbeñon jini c ñajal, mi uts'at mi la' subeñon i sujmlel, mi caj cʌq'ueñetla la' majtan yic'ot la' ñuclel. Jini cha'an wʌle c'ajtesʌbeñonla chuqui tsac ñajle. Subeñonla i sujmlel, che'en jini rey.

Daniel 2:6 Iomraidhean Croise

Daniel 2:48

Ti ora jini rey tsi' wa'choco Daniel ti ñuc bʌ i ye'tel. Tsi' yʌq'ue cabʌl i majtan letsem bʌ i tojol. Tsi' wa'choco ti gobernador ti jump'ejl tejclum ti Babilonia. Tsi' yʌq'ue ñuc bʌ i ye'tel ti' tojlel jini año' bʌ cabʌl i ña'tʌbal ti' tejclum jini rey.

Daniel 5:29

Jini rey Belsasar tsi' subu cha'an mi' yʌq'uentel i majtan Daniel. Tsa' aq'uenti i lʌp i t'ojol jax bʌ i bujc yic'ot ujʌl melbil bʌ ti oro. Tsa' aq'uenti ñuc bʌ i ye'tel lʌc'ʌl ti' t'ejl jini rey.

Daniel 5:7

Jini rey tsa' caji ti oñel. Tsi' pʌyʌ tilel jini winicob año' bʌ cabʌl i ña'tʌbal, jini xtic'layajob yic'ot jini xq'uel ec'ob. Jini rey tsi' subeyob: ¿Majqui mi' cʌn jini ts'ijbubil bʌ? Mi tsi' tsictesʌbeyon i sujmlel, mi caj cʌq'uen i lʌp wen i t'ojol bʌ i pislel yic'ot ujʌl melbil bʌ ti oro. Che' ja'el mi caj cʌq'uen i ye'tel lʌc'ʌl tic t'ejl, che'en.

Numeros 22:17

Tsa'ix i yʌc'ʌ i t'an. Muq'uic a majlel, muq'uix i wen p'iset ti wenta. Chuqui jach ma' c'ajtiben mi caj i yʌq'ueñet. Jini cha'an jac'beñon lojon. Conla ti ora cha'an ma' p'ajbeñon lojon jini israelob, che'ob jini xpʌyojelob, come che'ʌch tsi' wʌn subeyob jini Balac.

Numeros 22:37

Balac tsi' sube: ¿Mach ba anic tsac pʌyʌyet ti wocol t'an? ¿Chucoch ma'anic tsa' tiliyet ti ora ba' añon? ¿Mach ba mejlic cʌq'ueñet cabʌl a ñuclel? che'en.

Numeros 22:7

Jini xñoxob año' bʌ i ye'tel ti Moab yic'ot ti Madián tsa' c'otiyob ba'an Balaam. Tsi' ch'ʌmbeyob c'otel i majtan cha'an mi' jac' i pʌyol, cha'an mi' majlel i coltañob.

Numeros 24:11

Cucux ti ora ti a lumal. Tsac lon ña'ta cʌq'ueñet cabʌl a ñuclel. Pero tsa'ix i tiq'uiyet a Yum. Ma'anix chuqui mi caj a taj, che'en.