Daniel 2:44 - Chol: I T’an Dios

⁴⁴ Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Chol de Tumbalá Bible

⁴⁴ Che' woliyob ti yumʌntel, jini Dios am bʌ ti panchan mi caj i wa'chocon yambʌ Yumʌl, mach bʌ yujilic jilel. Mi caj i mʌjlel i cha'an. Mi caj i laj jisan pejtel jini yumʌlob. Mi caj i yajñel ti pejtelel ora.

Daniel 2:44 Iomraidhean Croise

Genesis 49:10

Judá, ma'anic mi caj a chilbentel jini bastón, i yejtal bʌ a yumʌntel. Ti pejtelel ora mi caj i cha'len yumʌl a p'olbal jinto mi' tilel Siloh jini mero yumʌl bʌ. Mi caj i yumañetob pejtel winicob x'ixicob.

2 Samuel 7:13

Jini a walobil mi caj i wa'chocobeñon cotot tij c'aba'. Joñon mi caj cʌq'uen i yumʌntel ti pejtelel ora.

2 Samuel 7:16

Mi caj cʌq'ueñob i ye'tel a polbal cha'an mi' cha'leñob yumʌntel tic tojlel ti pejtelel ora. Che'ʌch mi caj c melbeñet cha'an xuc'ul ma' wajñel ti a buchlib yic'ot a p'olbal ti pejtelel ora”. Che'ʌch yom ma' suben David, che'en lac Yum.

Salmos 145:13

Mach jilic a yumʌntel. An ti pejtelel ora. An a yumʌntel ti wajali yic'ot ti pejtelel ora.

Isaias 60:12

Jini tejclum mach bʌ anic mi' q'ueletla ti ñuc p'ump'un mi caj i cʌytʌl. Mi caj i lu' jilelob jini mach bʌ anic mi' p'isetla ti wenta.

Ezequiel 37:25

Mi caj i chumtʌlob ya' ti lum tsa' bʌ cʌq'ue c winic Jacob ba' tsa' chumleyob i ñojte'elob. Ya' mi caj i chumtʌlob yic'ot i yalobilob yic'ot i butsob. Jini cha'an tsac wa'choco c Winic David ti Rey cha'an mi' yumañob ti pejtelel ora.

Daniel 2:28

Pero an juntiquil Dios chumul bʌ ti panchan mu' bʌ mejlel i tsictesʌbeñet chuqui tsa' ñajle yic'ot i sujmlel jini mucul tac bʌ mach bʌ cʌmbilic lac cha'an. Wolix i tsictesʌbeñet chuqui mi' cajel ti ujtel ti yanto bʌ ora. Mi caj c tsictesʌbeñet a ñajal.

Daniel 2:34

Che' bʌ tsa' q'uele jini melbil bʌ i yejtal winic, tsa' yilol c'ojli ti wits colem Xajlel. Tsi' jats'be i yoc i yejtal jini winic. Tsa' laj jejmi. Jopol tsa' cʌle.

Daniel 2:35

Ti ora jach tsa' laj jili jini tsucu taq'uin yic'ot jini oc'ol, yic'ot jini oro, yic'ot plata, yic'ot bronce. Jopol tsa' cʌle che' bajche' ts'ubejn ti' yorajlel jajmel, che' bajche' i pat trigo ti' yorajlel c'ajbal. Tsi' laj wets'e majlel jini ic'. Ma'anic tsi' cʌyʌ mi ts'ita'ic. Pero jini Xajlel yilol jach bʌ tsa' c'ojli tsa' sujti ti colem wits tsa' bʌ i wen mʌcta majlel pejtel pañimil.

Daniel 2:37

Jatet rey, ñumen ñuquet bajche' yambʌ reyob, come Dios am bʌ ti panchan tsi' yʌq'ueyet a yumʌntel yic'ot a p'ʌtʌlel yic'ot a ñuclel.

Daniel 2:43

Tsa' q'uele xʌbʌl jini tsucu taq'uin yic'ot oc'ol. Che' jach añob ili yumʌlob. Mi' temob i t'an ti ñujpuñijel cha'an mi' p'ʌtesañob i bʌ, pero lolom jach. Come mach mejlic ti xʌjbel tsucu taq'uin yic'ot oc'ol. Jini cha'an mi caj i jejmelob.

Daniel 4:3

Wen ñuc i melbal. Mi' yajñel i yumʌntel ti pejtelel ora. Mi' pʌsbeñob i p'ʌtʌlel winicob yic'ot i yalobilob ti lajm ti lajm.

Daniel 4:34

Nabucodonosor tsi' yʌlʌ: Che' ñumenix wucp'ejl jab, joñon Nabucodonosor tsac letsa c wut ti panchan. Tsa' cha' jajmi c pensar. Tsa' caji c ñuq'uesan Dios am bʌ ti Chan. Tsaj q'uele ti ñuc jini cuxul bʌ ti pejtelel ora. Mi' yajñel i yumʌntel ti pejtelel ora. Chʌn xuc'ul i yumʌntel ti' tojlel winicob yic'ot i p'olbalob ti lajm ti lajm.

Daniel 6:27

Yujil coltaya. Yujil i loc'sañob ti wocol i cha'año' bʌ. Mi' pʌs ñuc tac bʌ i melbal ti panchan yic'ot ti pañimil. Tsi' colta Daniel. Ma'anic tsi' yʌc'ʌ ti jilel ti bajlum, che'en.

Daniel 7:27

Mi caj i chilbentelob i yumʌntel yic'ot i p'ʌtʌlel yic'ot i ñuclel jini yumʌlob ti pañimil. Mi caj i yʌq'uentelob i cha'año' bʌ Dios am bʌ ti panchan. Mi caj i cha'leñob yumʌl ti pejtelel ora. Pejtelel año' bʌ i ye'tel mi caj i melbeñob i ye'tel i cha'año' bʌ Dios. Mi caj i jac'beñob i t'an.

Daniel 8:25

Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Miqueas 4:7

Mi caj c cha' p'ʌtesan jini ts'a'lebilo' bʌ. Mi caj i yochelob tic tejclum. Wen p'ʌtʌl mi' majlel. Joñon mi caj cochel ti rey ti' tojlelob. Mi caj c cha'len yumʌl ya' ti wits Sion. Mach jilic c yumʌntel ti pejtelel ora.

Hageo 2:22

Mi caj c chilben i ye'tel jini yumʌlob año' bʌ ti colem tejclum tac. Mi caj c jisʌbeñob i p'ʌtʌlel. Mi caj c ñew choc jini carreta tac yic'ot jini buchulo' bʌ ti mal. Jini caballo tac yic'ot jini c'ʌchʌlo' bʌ mi caj i yajlelob. Mi caj i wʌlʌc jats'ob i bʌ ti espada anquese i pi'ʌlob jach i bʌ, che'en lac Yum.

Hageo 2:7

Mi caj c ñijcan pejtel colem tejclum tac. Mi caj i tilel jini C'ax i T'ojol jax bʌ mu' bʌ i pijtañob winicob x'ixicob ti pejtelel pañimil. Mi caj c bujt'esan ili cotot tic ñuclel, che'en i Yum Panchan yic'ot Pañimil.

Mateo 28:18

Jesús tsa' tili. Tsi' subeyob: Aq'uebilon c p'ʌtʌlel cha'an mic mel pejtelel chuqui com ti panchan yic'ot ti pañimil.

Juan 12:34

Jini ya' bʌ añob tsi' jac'beyob: Tsa cubi lojon mi caj i yajñel jini Cristo ti pejtelel ora. ¿Chucoch ma' wʌl wersa yom mi' letsʌntel i Yalobil Winic? ¿Majqui jini i Yalobil Winic? che'ob.

Hebreos 12:28

La' lac chʌn suben Dios wocolix i yʌlʌ cha'an woli la cochel ti' yumʌntel mach bʌ yujilic ñijcʌyel. La' lac ch'ujutesan Dios ti uts'at yic'ot pejtel lac pusic'al yic'ot bʌq'uen.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 2:27

Tsʌts mi caj i cha'leñob yumʌl, chucul i cha'añob vara melbil bʌ ti tsucul taq'uin. Mi caj i jisañob jini xñusa t'añob che' bajche' mi' bic'ti tojp'el p'ejt. Che'ʌch i p'ʌtʌlel bajche' c p'ʌtʌlel tsa' bʌ i yʌq'ueyon c Tat.