Daniel 2:34 - Chol: I T’an Dios

³⁴ Che' bʌ tsa' q'uele jini melbil bʌ i yejtal winic, tsa' yilol c'ojli ti wits colem Xajlel. Tsi' jats'be i yoc i yejtal jini winic. Tsa' laj jejmi. Jopol tsa' cʌle.

Chol de Tumbalá Bible

³⁴ Che' bʌ tsa' q'uele jini melbil bʌ i yejtal winic, tsa' yilol c'ojli ti wits colem Xajlel. Tsi' jats'be i yoc i yejtal jini winic. Tsa' laj jejmi. Jopol tsa' cʌle.

Daniel 2:34 Iomraidhean Croise

Salmos 118:22

Jini xajlel ts'a'lebil bʌ i cha'an xmel ototob Tsa'ix otsʌnti ti' xujc otot.

Isaias 28:16

Jini cha'an lac Yum Dios woli' yʌl: Awilan mi caj c choc tilel ti Sion juntiquil winic lajal bʌ bajche' jump'ejl Xajlel, xuc'ul bʌ, yajcʌbil bʌ, i t'ojol jax bʌ. Jini Xajlel i c'ʌclibʌch pejtel wa'chocobil bʌ. Tijicña jini mu' bʌ i ñop come xuc'ul mi' majlel ti wen bʌ bij.

Isaias 60:12

Jini tejclum mach bʌ anic mi' q'ueletla ti ñuc p'ump'un mi caj i cʌytʌl. Mi caj i lu' jilelob jini mach bʌ anic mi' p'isetla ti wenta.

Isaias 8:9

Siriajob yic'ot israelob, melela chuqui jach la' wom ti' contra Judá, pero mach mʌjlic la' cha'an. Ñich'tañonla ti la' pejtelel. Much'quin la' bʌ cha'an mi la' contrajiñon lojon, pero mi caj la' jilel. Tempan la' bʌ. Laja la' t'an, pero mi caj la' jisʌntel, come wʌ'an Dios quic'ot lojon.

Ezequiel 32:28

Jini cha'an muq'uix caj a jisʌntel, Faraón, yic'ot jini mu' bʌ i ch'ujtesañob dioste' tac yic'ot jini tsʌnsʌbilo' bʌ ti espada.

Ezequiel 47:5

Ti yambʌ ojlil kilómetro tsac cha' t'umu jini ja'. Wʌ' jaxʌl ba' mi laj cʌch lac bʌ. Ti yambʌ ojlil kilómetro tamix ja'. Ma'anix tsa' mejli c t'um. Yomix ñuxijel.

Daniel 2:33

Melbil ti tsucu taq'uin i ya' c'ʌlʌl ti' tun oc. Jixcu i yoc, lamital oc'ol, lamital tsucu taq'uin.

Daniel 7:27

Mi caj i chilbentelob i yumʌntel yic'ot i p'ʌtʌlel yic'ot i ñuclel jini yumʌlob ti pañimil. Mi caj i yʌq'uentelob i cha'año' bʌ Dios am bʌ ti panchan. Mi caj i cha'leñob yumʌl ti pejtelel ora. Pejtelel año' bʌ i ye'tel mi caj i melbeñob i ye'tel i cha'año' bʌ Dios. Mi caj i jac'beñob i t'an.

Daniel 8:25

Wen p'ip' i jol, wen yujil lotiya. Mi caj i bʌc' jisan jini mach bʌ yʌxʌlobic i yo. Mi caj i chañ'esan i bʌ ti' contra i Yum yumʌlob, pero Dios mi caj i jisan.

Zacarias 12:3

Ti jim bʌ ora lajal Jerusalén bajche' colem xajlel wen al bʌ, joyol bʌ ti yan tac bʌ tejclum. Pejtelob mu' bʌ i ñijcañob mi caj i c'ʌscujelob. Mi caj i temob i t'an pejtel winicob cha'an mi' contrajiñob.

Zacarias 4:6

Che' jini tsi' yʌlʌ: Jiñʌch i t'an lac Yum tsa' bʌ i sube Zorobabel. Woli' yʌl: “Mach ti' p'ʌtʌlelic winicob, mi ti' ña'tibalic winicob mi caj i mejlel que'tel, pero ti' p'ʌtʌlel quEspíritu”. Che' tsi' yʌlʌ i Yum Panchan yic'ot Pañimil.

Mateo 16:18

Mic subeñet Pedrojet. Ti' pam jini xajlel mi caj c wa'chocon xñopt'añob c cha'an. Jini mu' bʌ i yʌc'ob ti chʌmel mach mejlic i jisañob.

Juan 1:13

Tsi' cha' ilayob pañimil, come che' yom Dios. Ma'anic tsi' cha' ilayob pañimil cha'an ti' tat i ña', mi cha'an yomob i tat i ña', mi cha'an che'ʌch yomob ti' bajñel pusic'al.

Hechos 4:11

Jesús jiñʌch jini Xajlel tsa' bʌ la' choco, xmel ototet bʌ la. Tsa' otsʌnti ti ñaxan bʌ i xujc otot.

2 Corintios 5:1

Mi tsa' jisʌnti lac bʌc'tal ba' woli ti chumtʌl lac ch'ujlel, la cujil mi caj la cʌq'uentel lac bʌc'tal ti panchan aq'uebilon bʌ la ti Dios. Mach melbilic ti c'ʌbʌl jini otot am bʌ ti panchan. Mach yujilic jilel.

Hebreos 9:24

Come Cristo ma'anic tsa' ochi ti Ch'ujul bʌ Ajñibʌl melbil bʌ ti c'ʌbʌl, i yejtal jach bʌ panchan. Tsa' ochi ti panchan, jini mero Ch'ujul bʌ Ajñibʌl ba' woli' pʌs i bʌ ti' tojlel Dios cha'an mi' coltañonla.

1 Pedro 2:7

Jatetla mu' bʌ la' ñop, c'ux mi la' wubin Jesús. Pero ti' tojlel jini mach bʌ anic mi' ñopob, jiñʌch Xajlel chocbil bʌ cha'an jini xmel ototob. Pero Dios tsi' yotsa ti' xujc otot.

Apocalipsis 11:15

I wucticlel ángel tsi' wusu i trompeta. Tsa' cajiyob ti c'am bʌ t'an ti panchan. Tsi' yʌlʌyob: I yumʌntel tac pañimil tsa'ix ochi ti' wenta lac Yum yic'ot ti' wenta Cristo. Mi caj i cha'len yumʌl ti pejtelel ora, che'ob.

Apocalipsis 17:14

Mi caj i contrajiñob jini Tiñʌme' ti guerra. Jini Tiñʌme' mi caj i mʌl come i Yumʌch yumʌlob, i Reyʌch reyob. Pejtel mu' bʌ i yajñelob yic'ot jini Tiñʌme' jiñobʌch pʌybilo' bʌ, yajcʌbilo' bʌ, xuc'ulo' bʌ i pusic'al, che'en.