Daniel 2:23 - Chol: I T’an Dios

²³ C Dios, i Dioset c ñojte'elob, mic subeñet wocolix a wʌlʌ. Mic ñuq'uesʌbeñet a c'aba', come tsa'ix a wʌq'ueyon c ña'tʌbal yic'ot c p'ʌtʌlel. Tsa'ix a tsictesʌbeyon i ñajal jini rey yic'ot i sujmlel i ñajal che' bajche' tsaj c'ajtibeyet, che'en Daniel.

Chol de Tumbalá Bible

²³ C Dios, i Dioset c ñojte'elob, mic subeñet wocolix a wʌlʌ. Mic ñuq'uesʌbeñet a c'aba', come tsa'ix a wʌq'ueyon c ña'tʌbal yic'ot c p'ʌtʌlel. Tsa'ix a tsictesʌbeyon i ñajal jini rey yic'ot i sujmlel i ñajal che' bajche' tsaj c'ajtibeyet, che'en Daniel.

Daniel 2:23 Iomraidhean Croise

Genesis 18:17

Lac Yum tsi' yʌlʌ ti' pusic'al: ¿Mu' ba caj c muc tic pusic'al chuqui mi caj c mel, cha'an ma'anic mi' yubin Abraham?

Genesis 31:42

Machic tsi' coltayon i Dios c tat, i Dios Abraham tsa' bʌ i bʌc'ña Isaac, p'ump'un tsa' loq'uiyon ti a wotot. Dios tsi' q'uele jini wocol tsa' bʌ cubi ti a tojlel yic'ot jini wocol e'tel tsa' bʌ c cha'le. Dios tsi' tiq'uiyet sajmʌl ti ac'ʌlel, che'en Jacob.

1 Reyob 18:36

Che' bʌ tsa' c'oti i yorajlel cha'an mi' pulbentel i majtan lac Yum, tsi' lʌc'tesa i bʌ Elías. Tsi' yʌlʌ: C Yum, i Dioset bʌ Abraham yic'ot Isaac yic'ot Israel, la' tsictiyic wʌle a winicon ti isujm. Tsac laj mele che' bajche' tsa' subeyon.

1 Reyob 8:57

La' ajnic lac Yum Dios la quic'ot che' bajche' tsa' ajni yic'ot lac ñojte'elob. Mach yomic mi' cʌyonla ti pejtelel ora.

1 Cronicas 29:10

David tsi' subu i ñuclel lac Yum ti' tojlel pejtelel jini israelob. Tsi' yʌlʌ: La' sujbic a ñuclel c Yum, i Dioset bʌ Israel, come ñuquet ti oñiyi yic'ot ti pejtelel ora.

1 Cronicas 29:13

Jini cha'an wʌle c Yum Dios, mic ñuq'uesan lojon a c'aba'. Mic subeñet lojon wocolix a wʌlʌ.

2 Cronicas 20:6

Tsi' cha'le oración: C Yum i Dioset c ñojte'el lojon. ¿Mach ba Diosetic ya' ti panchan yic'ot ti' tojlel pejtelel yumʌlob ti pañimil? Wen cabʌl a p'ʌtʌlel. Ma'anic majch mi' mʌjlel i cha'an ti a tojlel mi chan mi' q'uel i bʌ.

Salmos 21:2

Tsa'ix a wʌq'ue chuqui yom i pusic'al, Ma'anic tsa' ñusʌbe chuqui tsi' c'ajtibeyet.

Salmos 21:4

Jini rey tsi' c'ajtibeyet i cuxtilel Cha'an mi' yajñel ti pejtelel ora.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Salmos 50:14

Yom ma' subeñon wocolix cʌlʌ. Jiñʌch tsʌnsʌbil bʌ c majtan, yubil. Yom ma' ts'ʌctesan a t'an che' bajche' tsa' wʌn ña'ta a mel.

Exodo 3:15

Dios tsi' sube ja'el: Subeñob israelob: “Lac Yum, i Dios lac tat, Abraham, Isaac, yic'ot Jacob, tsa'ix i chocoyon tilel ba' añetla”. Che'ʌch yom ma' subeñob. Jiñʌch j c'aba' ti pejtelel ora. Che' yom mic pejcʌntel ti pejtelel ora.

Proverbios 21:22

Jini p'ip' bʌ i pusic'al ti guerra mux i yochel i chilben i tejclum jini p'ʌtʌlo' bʌ. Mi' jisʌbeñob i p'ʌtʌlel xchumtʌlob ba' lon xuc'ulob i pusic'al.

Proverbios 24:5

Añʌch i p'ʌtʌlel jini p'ip' bʌ i pusic'al. Ñumen an i p'ʌtʌlel jini cabʌl bʌ i pusic'al bajche' soldado p'ʌtʌl bʌ i bʌc'tal.

Proverbios 8:14

Joñon mi cʌq'ueñetla wen bʌ la' ña'tʌbal. Mic pʌsbeñetla bajche' yom ma' mel. Ma'anic i p'isol c ña'tʌbal. Ma'anic i p'isol c p'ʌtʌlel.

Eclesiastes 7:19

Ñumen an i p'ʌtʌlel juntiquil winic am bʌ i ña'tibal bajche' lujuntiquil winicob año' bʌ i ye'tel.

Eclesiastes 9:16

Melel wen ñuc i ye'tel winicob cabʌl bʌ i pusic'al. Ñumen i c'ʌjñibal jini cabʌl bʌ i pusic'al bajche' jini cabʌl bʌ i p'ʌtʌlel i bʌc'tal. Pero mi pobre jini cabʌl bʌ i pusic'al, mi caj i ts'a'lentel. Ma'anic majch mi' p'is ti wenta.

Eclesiastes 9:18

Jini am bʌ i pusic'al ñumen an i c'ʌjñibal bajche' e'tijibʌl mu' bʌ laj c'ʌn ti guerra, pero juntiquil xmulil mi' lon ac' ti jilel cabʌl lac wenlel.

Isaias 12:1

Ti jim bʌ ora mi caj a wʌl: C Yum, mic subeñet wocolix a wʌlʌ. Isujm tsa' cʌn mich'leyon, pero ti ili ora tsa'ix lajmiyet ti a mich'ajel. Tsa'ix a cha' ñuq'uesʌbeyon c pusic'al.

Jeremias 33:3

C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Daniel 1:17

Dios tsi' yʌq'ueyob i ña'tʌbal ili chʌntiquilob cha'an mi' ch'ʌmbeñob isujm chuqui tac ts'ijbubil ti jun yic'ot pejtel yan tac bʌ i cʌntesʌntel. Daniel tsi' taja i c'ʌjñibal cha'an mi' ña'tan i sujmlel jini ñajal tac.

Daniel 2:18

Tsi' c'ajtiyob i coltʌntel ti' tojlel Dios am bʌ ti panchan. Tsi' c'ajtibeyob i sujmlel i ñajal jini rey cha'an ma'anic mi' tsʌnsʌntelob yic'ot jini año' bʌ i ña'tʌbal ti Babilonia.

Amos 3:7

Isujm, ma'anic chuqui mi' cha'len lac Yum Dios mi ma'anic tsi' ñaxan subeyob x'altañob i cha'an, cha'an mi' cha' subob.

Mateo 11:25

Ti jim bʌ ora Jesús tsi yʌlʌ: Mic subeñet a ñuclel, c Tat, i Yumet Panchan yic'ot Pañimil. Come tsa' mucbeyob a t'an jini año' bʌ cabʌl i ña'tʌbal yic'ot jini p'ip'o' bʌ i pusic'al, pero tsa' wʌq'ueyob i ch'ʌmbeñob isujm alʌlob.

Lucas 10:21

Ti jim bʌ ora tijicña i pusic'al Jesús cha'an jini Espíritu. Tsi' yʌlʌ: Mic subeñet a ñuclel, c Tat, i Yumet panchan yic'ot pañimil. Come tsa' mucbeyob a t'an jini año' bʌ cabʌl i ña'tʌbal yic'ot jini p'ip'o' bʌ i pusic'al, pero tsa' wʌq'ueyob i ch'ʌmbeñob isujm alʌlob. Uts'atʌch, c Tat, come che'ʌch yom a pusic'al.

Juan 11:41

Tsi' loc'sayob xajlel ti' ti' ba' tsa' ajq'ui chʌmen bʌ. Jesús tsi' letsa i wut ti chan. Tsi' subu: Wocolix a wʌlʌ c Tat, come tsa' wubibeyon c t'an.

Juan 15:15

Ma'anic mic chʌn pejcañetla tic winic, come jini winic am bʌ ti' yum mach yujilic chuqui mi' cha'len i yum. Mic pejcañetla tic pi'ʌl, come pejtelel chuqui tsa cubi tic Tat, tsa'ix cʌq'ueyetla la' ñop.

Apocalipsis 1:1

Jiñʌch i tsictesʌbal Jesucristo. Dios tsi' yʌq'ue Cristo cha'an mi' pʌsben i winicob chuqui tac mach jalic mi' caj ti ujtel. Cristo tsi' choco tilel i yángel ba'an Juan, i winic Cristo cha'an mi' tsictesan.

Apocalipsis 5:5

Juntiquil anciano tsi' subeyon: Mach a cha'len uq'uel. Q'uele jini colem Bajlum loq'uem bʌ ti' p'olbal Judá. Jiñʌch ñuc bʌ i p'olbal David. Tsa' mʌjli i cha'an. Jini cha'an mi mejlel i loc'san jini wucp'ejl i sellojlel cha'an mi' jam jini jun, che'en.