Daniel 2:22 - Chol: I T’an Dios

²² Mi' tsictesan i sujmlel mucul tac bʌ, come tilem ti Dios pejtel lac ña'tʌbal. Mi' laj cʌn jini mucul tac bʌ ti pañimil, come i sʌclel pañimil mi' yajñel yic'ot.

Chol de Tumbalá Bible

²² Mi' tsictesan i sujmlel mucul tac bʌ, come tilem ti Dios pejtel lac ña'tʌbal. Mi' laj cʌn jini mucul tac bʌ ti pañimil, come i sʌclel pañimil mi' yajñel yic'ot.

Daniel 2:22 Iomraidhean Croise

Genesis 41:16

José tsi' jac'be Faraón: Tic bajñelil mach mejlicon. Dios mi caj i pʌsben Faraón i sujmlel, che'en.

Job 12:22

I c'ʌc'al Dios mi' yʌc' ti sʌc jilel jini axñal am bʌ ti' tojlel jini woli bʌ ti chʌmel.

Job 26:6

Lu' jamʌl ti' wut Dios. Ma'anic chuqui mʌcʌl ti' tojlel. Mi' c'ʌlʌl c'otel i wut ti' yajñib chʌmeño' bʌ.

Salmos 104:2

Jini a pislel jiñʌch i c'ʌc'al pañimil. Jini panchan tsʌye'el a cha'an che' bajche' pisil.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Salmos 36:9

Ya'an cuxul bʌ ja' a wic'ot, i yejtalʌch j cuxtilel lojon. Mij q'uel lojon chuqui tac isujm che' ma' pʌsbeñon lojon i sʌclel a wut.

Eclesiastes 8:1

Tijicña jini am bʌ cabʌl i pusic'al. Jiñʌch yom bʌ cha'an mi lac ch'ʌmben isujm yic'ot cha'an mi lac cha'len cʌntesa. Añʌch i c'ʌc'al i wut jini p'ip' bʌ i pusic'al. Mi' tsictiyel i yutslel i pusic'al ti' wut.

Isaias 41:22

Pʌyʌla tilel la' dioste tac. La' i sub chuqui mi' caj ti ujtel, yic'ot chuqui tsa' ujti wajali, cha'an mi la' ñop.

Isaias 41:26

¿Majqui tsi' wʌn tsictesa jini mu' bʌ caj ti ujtel? ¿Majqui tsi' wʌn alʌ cha'an mi la' na'tan isujm i t'an ba' ora mi' ts'ʌctiyel? Ma'anic majqui tsi' wʌn tsictesa. Ma'anic majch tsi' wʌn alʌ. Mach ubibilic i cha'an winicob.

Isaias 42:9

Ña'tan, tsa'ix ts'ʌctiyi c t'an che' bajche' tsac wʌn subu. Wolix c wʌn sub jini mu' to bʌ caj i yujtel. Che' maxto anic tsiquil mi caj c sub, che'en lac Yum.

Isaias 45:7

Joñon mic melben i sʌclel q'uin yic'ot ac'ʌlel. Mi cʌq'ueñob i wenlel winicob yic'ot jini bʌbʌq'uen bʌ. Yumʌlon. Mic mel pejtelel iliyi.

Jeremias 23:24

¿Mach ba lu' q'uelelic c cha'an ti pejtelel pañimil? Ma'anic majqui mi mejlel i muc i bʌ ba' ma'anic mij q'uel, che'en lac Yum. Ma'anic ba' jochol panchan mi pañimil. Laj c chumlibʌch, che'en lac Yum.

Jeremias 33:3

C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Daniel 2:11

Wen wocol chuqui wola' c'ajtibeñon lojon. Ma'anic majch mi mejlel i tsictesʌbeñet, cojach jini diosob mach bʌ chumulobic ti' tojlel winicob ti pañimil, che'ob.

Daniel 2:19

Ti jini ac'ʌlel Dios tsi' jac'ʌ. Tsi' pʌsbe Daniel i ñajal jini rey. Jini cha'an Daniel tsi' subu i ñuclel Dios am bʌ ti panchan.

Daniel 2:47

Jini rey tsi' sube: Jiñʌch mero Dios a Dios. Ñumen ñuc bajche' dioste' tac. Jiñʌch i Yum reyob, mu' bʌ i tsictesan i sujmlel jini mucul tac bʌ, come tsa'ix mejli a tsictesʌbeñon i sujmlel c ñajal, che'en jini rey.

Daniel 5:11

An juntiquil winic ti a yumʌntel but'ul bʌ ti' yEspíritu jini Ch'ujul bʌ Dios. Che' cuxul to a tat, tsi' q'uele wen cabʌl i ña'tʌbal, wen p'ip' i jol. Lajal i ña'tʌbal che' bajche' jini diosob. Jini cha'an jini rey Nabucodonosor a tatuch tsi' wa'choco ti' yum jini año' bʌ cabʌl i ña'tʌbal, jini yujilo' bʌ i pʌs ñuc tac bʌ i melbal, jini xq'uel ec'ob, jini xch'ʌcojelob yic'ot mu' bʌ i subob chuqui mi caj i yujtel ti pañimil.

Daniel 5:14

An abi ti a tojlel i yespíritu jini diosob yic'ot cabʌl a ña'tʌbal. Wen p'ip' abi a jol.

Mateo 13:13

Jini cha'an mic chʌn pejcañob ti lajiya come mi' q'uelob, pero ma'anic mi' c'otelob i wut. Mi' yubiñob, pero ma'anic mi' yochel ti' chiquin. Ma'anic mi' ch'ʌmbeñob isujm, che'en Jesús.

Juan 1:9

I sʌclel pañimil jiñʌch Cristo ti isujm. Tsa' tili ti pañimil i yʌq'ueñob i sʌclel pañimil pejtelel winicob x'ixicob.

Juan 21:17

Jesús tsi' cha' c'ajtibe ti' yuxyajlel: Simón, i yalobilet bʌ Juan, ¿mu' ba a c'uxbiñon? che'en. Pedro tsa' caji i mel i pusic'al come tsi' c'ajtibe ti' yuxyajlel: “¿Mu' ba a c'uxbiñon?” Tsi' sube: C Yum, a wujil pejtelel chuqui tac an. A wujil mij c'uxbiñet. Jesús tsi' sube: Aq'uen i buc'bal c tiñʌme'.

Juan 8:12

Jesús tsi' cha' subeyob: Joñon i sʌclelon pañimil. Jini mu' bʌ i tsajcañon ma'anic mi' caj ti xʌmbal ti ic'ch'ipan bʌ pañimil. An i cha'an i sʌclel pañimil cha'an i cuxtʌlel, che'en.

1 Corintios 4:5

Jini cha'an mach mi la' sub mi uts'at o mi mach uts'atobic winicob x'ixicob che' maxto i yorajlelic, che' maxto tilemic lac Yum. Come lac Yum mi caj i tsictesan jini mucul tac bʌ mach bʌ tsictiyemic. Mi caj i yʌc' ti tsictiyel chuqui woli lac ña'tan ti lac pusic'al. Che' jini Dios mi caj i tsictesʌbeñob i ñuclel winicob ti jujuntiquil.

Efesios 3:5

Mach cʌmbilic i cha'an winicob ti yambʌ ora, pero wʌle jini Espíritu tsa'ix i tsictesʌbeyob jini ch'ujul bʌ apóstolob yic'ot x'alt'añob i cha'an.

Deuteronomio 29:28

Jini cha'an lac Yum tsi' wets'eyob loq'uel ti' lum cha'an mich'ix, tsʌytsʌyña i pusic'al. Tsi' chocoyob majlel ti yambʌ lum ya' baqui añob c'ʌlʌl wʌle”, che'ob.

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.

Hebreos 4:13

Ma'anic mucul tac bʌ ti' wut Dios. Jamʌl ti' wut pejtel chuqui tac an. Wersa mi caj lac mel lac bʌ ti' tojlel jini mu' bʌ i lu' q'uel.

Santiago 1:17

Pejtelel wen bʌ lac majtan yic'ot pejtelel uts'at bʌ lac majtan mi' tilel ti Dios. Mi' jubel tilel ti lac Tat, tsa' bʌ i mele ec' ti pejtelel. Ma'anic mi' q'uextiyel i pusic'al. Ma'anic mi' yʌjñel mi ts'ita'ic.

1 Juan 1:5

Jiñʌch tsa' bʌ cubi lojon ti' tojlel Jesús woli bʌ c subeñet lojon: Dios i sʌclelʌch pañimil. Ma'anic i yi'ic'lel mi ts'ita'ic.